Apɔsul Dɛn Wok 14:1 - Krio Fɔs Oli Baybul

¹ Di sem tin bi na Aykonyɔm. Wɛn Pɔl ɛn Banabas bin de na Aykonyɔm, dɛn go na di Ju mitin os; bay aw dɛn tɔk to di pipul dɛn plɛnti Ju pipul ɛn plɛnti pipul we nɔto bin Ju we kɔmɔt Gris, biliv pan Jizɔs.

Apɔsul Dɛn Wok 14:1 Referans Kwoze

Apɔsul Dɛn Wok 18:4

Pɔl kin go na di Ju mitin os ɔl dɛn de we fɔ pre ɛn blo go tɔk to dɛn Ju ɛn dɛn Grik pipul, ɛn tray fɔ sho dɛn se na tru wɔd in de tɔk.

Apɔsul Dɛn Wok 13:51

Di apɔsul dɛn shek di dɔti kɔmɔt na dɛn fut fɔ sho se dɛn nɔ go gɛt natin fɔ du wit di pipul dɛn na di tɔŋ igen, dɔn dɛn go Aykonyɔm.

Apɔsul Dɛn Wok 13:46

Pɔl ɛn Banabas nɔ fred fɔ tɔk; dɛn se, “Wi bin gɛt fɔ tɛl una dɛn Ju pipul bɔt Gɔd bifo wi tɛl dɛn pipul we nɔto Ju. We una nɔ gri biliv pan am, una dɔn kɔndɛm unasɛf se una nɔ fit fɔ gɛt layf sote go. Na dat mek wi de tɛl dɛn pipul we nɔto Ju bɔt Gɔd naw.

Apɔsul Dɛn Wok 14:21

Pɔl ɛn Banabas tɛl di pipul dɛn na Dabi di Gud Nyuz ɛn dɛn mek plɛnti pipul biliv pan Jizɔs. Dɛn kɔmɔt Dabi go Listra, dɛn go Aykonyɔm, dɔn dɛn go Antiɔk we de na Pisidia.

Lɛta Fɔ Galeshya 3:28

Una ɔl we gɛt wanwɔd wit Jizɔs Krays dɔn bi wan: Ju pɔsin, pɔsin we nɔto Ju, slev, fribɔn, man ɛn uman; ɔl na wan bikɔs dɛn ɔl gɛt wanwɔd wit Krays.

Lɛta Fɔ Rom 10:12

Gɔd de sev dɛn Ju pipul ɛn dɛn pipul we nɔto Ju, bikɔs dɛn ɔl na wan, Gɔd na di wangren Masta fɔ ɔlman ɛn i de gi ɔl dɛn wan we de pre to am plɛnti plɛnti blɛsin.

Lɛta Fɔ Rom 1:16

A abop pan di Gud Nyuz wit ɔl mi at. Di Gud Nyuz na di pawa we Gɔd de tek sev ɔl dɛn pipul we biliv pan Jizɔs Krays. Dɛn Ju pipul we dɛn bin dɔn tɛl di Gud Nyuz fɔs ɛn dɛn pipul we nɔto Ju, dɛn ɔl go sev if dɛn biliv pan Jizɔs Krays.

Apɔsul Dɛn Wok 19:17

Wɛn ɔl dɛn Ju pipul ɛn dɛn Grik pipul we bin de na Ɛfisɔs yɛri wetin bi, dɛn fred ɛn ɔlman rɛspɛkt Masta Jizɔs in nem.

Apɔsul Dɛn Wok 19:8

Pɔl bin de na Ɛfisɔs tri mɔnt ɛn ɔl da tɛm de i kin de go tɔk to di pipul dɛn na di Ju mitin os, i nɔba fred. I kin agyu wit dɛn bɔt Gɔd in rul ɛn tray fɔ sho dɛn se di tin dɛn we i de tɔk bɔt Gɔd in rul na tru.

Apɔsul Dɛn Wok 18:8

Di edman na di Ju mitin os we bin nem Krispɔs bin biliv pan di Masta. Krispɔs ɛn di pipul dɛn we bin de nain os, ɛn plɛnti ɔda pipul we bin de na Kɔrint yɛri wetin Pɔl tɔk; dɛn biliv am ɛn mek i baptayz dɛn.

Apɔsul Dɛn Wok 17:12

Plɛnti Ju pipul dɛn bin biliv pan Jizɔs; sɔm dɛn pipul ya na bin Grik, man ɛn uman.

Apɔsul Dɛn Wok 17:4

Sɔm pipul biliv wetin Pɔl ɛn Saylas tɛl dɛn ɛn jɔyn wit dɛn. Plɛnti dɛn Grik pipul biliv ɛn tɔn to Gɔd, ɛn sɔm pan di bigman dɛn wɛf sɛf biliv ɛn tɔn to Gɔd.

Apɔsul Dɛn Wok 13:43

Wɛn dɛn ɔl kɔmɔt na di Ju mitin os go na dɛn os, plɛnti Ju pipul dɛn fala Pɔl ɛn Banabas go, wit plɛnti pipul we nɔto bin Ju bɔt we bin gri fɔ tɔn to Ju. So Pɔl ɛn Banabas kɔrej dɛn fɔ mek dɛn abop pan Gɔd we gud to ɔlman ɛn we lɛk ɔlman ilɛk sɛf dɛn nɔ fit fɔ mek i lɛk dɛn.

Apɔsul Dɛn Wok 11:21

Gɔd in pawa bin de pan dɛn, dat mek plɛnti pipul biliv pan Jizɔs ɛn tek Jizɔs fɔ dɛn Masta.

Apɔsul Dɛn Wok 9:20

I go na di Ju mitin os ɛn bigin fɔ tɔk bɔt Jizɔs. I se, “Jizɔs na Gɔd in Pikin.”

Apɔsul Dɛn Wok 21:28

Dɛn Ju pipul ya se, “Wi Izrɛl pipul dɛn, una kam ɛp wi! Na dis man de go ɔlsay de lan pipul bad tin dɛn bɔt wi di Izrɛl pipul dɛn, di Lɔ we Gɔd bin gi Mozis, ɛn Gɔd in Os na dis tɔŋ. Nɔto dat nɔmɔ i dɔn du, naw i dɔn briŋ Grik pipul dɛn kam insay Gɔd in Os fɔ pwɛl dis ples we na Gɔd yon!”

Apɔsul Dɛn Wok 20:21

Una no se a bin de tɛl dɛn Ju pipul ɛn dɛn Grik pipul fɔ lɛf fɔ du dɛn bad tin we dɛn bin de du ɛn kam to Gɔd ɛn biliv pan wi Masta Jizɔs.

Apɔsul Dɛn Wok 17:17

So i kin go na di Ju mitin os fɔ go tɔk to dɛn Ju pipul we bin de pre to Gɔd ɛn dɛn pipul we nɔto bin Ju we bin de pre to Gɔd. Ɔltɛm i kin go na di ples we pipul kin gɛda fɔ tɔk to dɛn.

Apɔsul Dɛn Wok 16:1

Pɔl go sote i rich Dabi ɛn Listra. I mit wan Kristiɛn man na Listra we bin nem Timoti. In mama na bin Ju uman we bin biliv pan di Masta, bɔt Timoti in papa na bin Grik man.

Apɔsul Dɛn Wok 14:2

Bɔt dɛn Ju pipul we nɔ bin gri fɔ biliv pan Jizɔs put wɔd na dɛn pipul we nɔto bin Ju dɛn yes ɛn dɛn du di Kristiɛn dɛn bad.

Apɔsul Dɛn Wok 13:5

Wɛn dɛn rich na wan tɔŋ we nem Salamis, dɛn go na di Ju mitin os go tɛl di pipul dɛn bɔt Gɔd. Dɛn bin kɛr Jɔn Mak go fɔ ɛp dɛn.

Jɔn 12:20

Sɔm Grik pipul bin de wit dɛn pipul we go pre na Jerusɛlɛm, wɛn di tɛm fɔ di Pasova ɔlide rich.

Jɔn 7:35

Di Ju bigman dɛn bigin tɔk to dɛn kɔmpin, dɛn se, “Usay dis man de go we wi nɔ go si am? Fɔ se i go go na dɛn ɔda tɔŋ we dɛn pipul we nɔto Ju de, ɛn lan dɛn?

Lɛta Fɔ Kɔlɔse 3:11

Fɔseka wetin Gɔd dɔn du so, dɛn Ju pipul ɛn dɛn pipul we nɔto Ju, dɛn pipul we sakɔmsayz ɛn dɛn wan we nɔ sakɔmsayz, dɛn pipul we na trenja, dɛn pipul we nɔ sivilayz, dɛn pipul we na slev ɛn dɛn wan we nɔto slev, dɛn ɔl na wan na Gɔd in yay, bɔt na Krays nɔmɔ impɔtant ɛn i de insay ɔlman we biliv pan am.

Lɛta Fɔ Galeshya 2:3

Taytɔs, we bin fala mi go, na bin Grik, bɔt dɛn nɔ fos am fɔ sakɔmsayz,

Apɔsul Dɛn Wok 19:10

I tek tu ia de ɛn dat mek di pipul dɛn na Eshya, di Ju pipul dɛn, ɛn dɛn pipul we nɔto bin Ju yɛri di Masta in mɛsej.

Mak 7:26

Di uman bin de tɔk Grik, bɔt in trayb na bin Sayrofonishian. I beg Jizɔs fɔ drɛb di dɛbul kɔmɔt insay in pikin.

Apɔsul Dɛn Wok 2:47

Dɛn kin de prez Gɔd, ɛn pipul bin rɛspɛkt dɛn. Masta Jizɔs mek mɔ ɛn mɔ pipul we fɔ sev, biliv pan am.

Apɔsul Dɛn Wok 14:19

Sɔm pan di Ju pipul dɛn bin kɔmɔt Antiɔk ɛn sɔm bin kɔmɔt Aykonyɔm. Dɛn tɔk sote di pipul dɛn gri fɔ du wetin dɛn want. Dɛn ston Pɔl ɛn drɛg am kɔmɔt na di tɔŋ bikɔs dɛn bin min se i dɔn day.

Apɔsul Dɛn Wok 16:2

Ɔl di Kristiɛn dɛn na Listra ɛn Aykonyɔm bin de tɔk gud bɔt Timoti.

Sɛkɛn Lɛta To Timoti 3:11

Yu no aw pipul de fɛt mi, ɛn di sɔfa we a de sɔfa. Yu no ɔl wetin bin bi to mi na Antiɔk, Aykonyɔm ɛn Listra, di bad bad tin dɛn we pipul du mi, we a bia! Bɔt wi Masta pul mi pan dɛn ɔl.