Apɔsul Dɛn Wok 13:6 - Krio Fɔs Oli Baybul

⁶ Dɛn pas na Pafɔs; dɛn mit wan majik kman de we bin nem Ba-Jizɔs. Na Ju man we bin de kɔl insɛf prɔfɛt.

Apɔsul Dɛn Wok 13:6 Referans Kwoze

Matyu 7:15

“Una tek tɛm wit dɛn prɔfɛt we nɔ de tɔk tru; wɛn una luk dɛn, dɛn tan lɛkɛ ship, bɔt insay dɛn at, dɛn tan lɛkɛ wulf we wayl bad bad.

Jɔn In Fɔs Lɛta 4:1

Mi padi dɛn we a lɛk, nɔto ɔl spirit una fɔ biliv, bɔt una fɔ tray di spirit dɛn fɔ no if na to Gɔd dɛn kɔmɔt, bikɔs plɛnti lay prɔfɛt dɛn dɔn kam na di wɔl.

2 Kɔrint 11:13

Dɛn apɔsul de nɔto tru apɔsul; na lay dɛn de lay bɔt dɛn wok, dɛn jɛs de mek lɛkɛ se dɛn na Krays in tru apɔsul dɛn.

Mak 10:46

Jizɔs ɛn in lanin bɔy dɛn rich Jɛriko. As dɛn de kɔmɔt de, plɛnti pipul fala dɛn. Wan blɛnyay man we nem Batimyɔs bin sidɔm klos di rod de beg; na bin Timeyɔs in pikin.

Matyu 24:24

Bikɔs sɔm pipul go kam we go lay se dɛn na di Mɛsaya ɛn sɔm go kam we go lay se dɛn na prɔfɛt, ɛn dɛn go du plɛnti wɔndaful wok ɛn sho plɛnti sayn, so dat da we de dɛn kin mek dɛn pipul ful we Gɔd dɔn pik fɔ sev, if dɛn ebul du dat.

Matyu 16:17

Jizɔs se, “Yu du wɛl, Saymɔn, Jɔn in pikin. Nɔto mɔtalman lan yu dis tru tin we yu tɔk so, na mi Papa we de na ɛvin sho yu.

Zɛkaraya 13:3

If ɛniwan stil de we de mek se in na prɔfɛt, in mama ɛn papa we bɔn am go tɛl am se i nɔ wan lɔŋ layf as na lay i de lay se i de tɔk fɔ PAPA GƆD; dɔn we i lay, in mama ɛn papa go chuk am fɔ di lay we i de lay.

Ɛksodɔs 22:18

Ɛni uman we de wich, una fɔ kil am.

Rɛvɛleshɔn 19:20

Dɛn kech di wayl bif ɛn di pɔsin we bin de lay se na Gɔd in mɛsej i de tɔk, ɛn we bin de du dɛn tin we bin de mek pipul wɔnda bifo di wayl bif. Na dɛn tin de i bin de tek mek dɛn pipul ful we bin gɛt di wayl bif in mak pan dɛn ɛn we bin de pre to di tin we dɛn mek fɔ tek de mɛmba ɛn rɛspɛkt am. Dɛn trowe di wayl bif ɛn di layman layf wan insay di wata we faya de kech ɛn sɔlfa de bɔn.

Sɛkɛn Lɛta To Timoti 3:8

Lɛkɛ aw Janiz ɛn Jambriz nɔ bin de fɔ Mozis, na semwe so, dɛn man ya nɔ de fɔ di tru tin dɛn na pipul we nɔ de tink rayt ɛn nɔto di rayt tin dɛn biliv bɔt Gɔd.

1 Kronikuls 10:13

So Sɔl day bikɔs i nɔ bin de waka tret wit PAPA GƆD; dat na we i nɔ bin de du wetin PAPA GƆD se. Pantap dat, i go luk- grɔn mek i go no wetin fɔ du,

1 Kiŋ 22:22

in go kɔnvins am. So PAPA GƆD aks am aw i go du am. So i ansa se in go go dɔŋ ɛn put laylay mɛsej na di prɔfɛt dɛn mɔt. So PAPA GƆD tɛl am se yɛs, dat go kɔnvins am, so lɛ i go.

Lɛvitikɔs 20:6

I tɔk bak se if pɔsin biev lɛk rare gyal ɛn go to dɛn wan we kin wek dayman ɔ we kin tɔk bɔt wetin go apin bambay, i go dison da pɔsin de ɛn i nɔ go mek i miks wit in pipul igen

Apɔsul Dɛn Wok 13:8

Ɛlimas (na so dɛn Grik pipul bin de kɔl Ba-Jizɔs) ambɔg Banabas ɛn Sɔl. I tray fɔ mek Gɔvna Sajiɔs Pɔlɔs tap fɔ biliv pan Gɔd.

Apɔsul Dɛn Wok 13:13

Pɔl ɛn in kɔmpin dɛn kɔmɔt Pafɔs, dɛn tek big bot go na Paga we de Pamfilya. Jɔn Mak lɛf Pɔl ɛn Banabas dɛn na Paga tɔn bak go Jerusɛlɛm.