Apɔsul Dɛn Wok 13:5 - Krio Fɔs Oli Baybul

⁵ Wɛn dɛn rich na wan tɔŋ we nem Salamis, dɛn go na di Ju mitin os go tɛl di pipul dɛn bɔt Gɔd. Dɛn bin kɛr Jɔn Mak go fɔ ɛp dɛn.

Apɔsul Dɛn Wok 13:5 Referans Kwoze

Apɔsul Dɛn Wok 13:14

Pɔl ɛn Banabas kɔmɔt Paga, go Antiɔk we de Pisidia. Wɛn di de fɔ pre ɛn blo rich, dɛn go na di Ju mitin os.

Apɔsul Dɛn Wok 13:46

Pɔl ɛn Banabas nɔ fred fɔ tɔk; dɛn se, “Wi bin gɛt fɔ tɛl una dɛn Ju pipul bɔt Gɔd bifo wi tɛl dɛn pipul we nɔto Ju. We una nɔ gri biliv pan am, una dɔn kɔndɛm unasɛf se una nɔ fit fɔ gɛt layf sote go. Na dat mek wi de tɛl dɛn pipul we nɔto Ju bɔt Gɔd naw.

Apɔsul Dɛn Wok 19:8

Pɔl bin de na Ɛfisɔs tri mɔnt ɛn ɔl da tɛm de i kin de go tɔk to di pipul dɛn na di Ju mitin os, i nɔba fred. I kin agyu wit dɛn bɔt Gɔd in rul ɛn tray fɔ sho dɛn se di tin dɛn we i de tɔk bɔt Gɔd in rul na tru.

Apɔsul Dɛn Wok 18:4

Pɔl kin go na di Ju mitin os ɔl dɛn de we fɔ pre ɛn blo go tɔk to dɛn Ju ɛn dɛn Grik pipul, ɛn tray fɔ sho dɛn se na tru wɔd in de tɔk.

Apɔsul Dɛn Wok 17:17

So i kin go na di Ju mitin os fɔ go tɔk to dɛn Ju pipul we bin de pre to Gɔd ɛn dɛn pipul we nɔto bin Ju we bin de pre to Gɔd. Ɔltɛm i kin go na di ples we pipul kin gɛda fɔ tɔk to dɛn.

Apɔsul Dɛn Wok 14:1

Di sem tin bi na Aykonyɔm. Wɛn Pɔl ɛn Banabas bin de na Aykonyɔm, dɛn go na di Ju mitin os; bay aw dɛn tɔk to di pipul dɛn plɛnti Ju pipul ɛn plɛnti pipul we nɔto bin Ju we kɔmɔt Gris, biliv pan Jizɔs.

Apɔsul Dɛn Wok 12:12

Wɛn Pita no wetin bi, i go na Meri in os. Dis Meri ya na bin Jɔn Mak in mama. Pita mit plɛnti pipul de pre na di os.

Apɔsul Dɛn Wok 9:20

I go na di Ju mitin os ɛn bigin fɔ tɔk bɔt Jizɔs. I se, “Jizɔs na Gɔd in Pikin.”

Sɛkɛn Lɛta To Timoti 4:11

Na Lyuk nɔmɔ de wit mi na ya. Briŋ Mak kam wit yu wɛn yu de kam, bikɔs in kin de ɛp mi fɔ du di wok.

Lɛta Fɔ Kɔlɔse 4:10

Aristakɔs, we de na jel wit mi, ɛn Mak, we na Banabas in kɔzin tɛl una adu. (A bin dɔn sɛn tɛl una se, wɛn Mak go to una, una fɔ mek i tap to una).

Apɔsul Dɛn Wok 15:37

Banabas bin want mek dɛn kɛr Jɔn Mak go,

Apɔsul Dɛn Wok 12:25

Banabas ɛn Sɔl kɛr di kɔpɔ go gi di chɔch bigman dɛn na Jerusɛlɛm. Wɛn dɛn de tɔn bak, dɛn kɛr Jɔn Mak go Antiɔk.

1 Kiŋ 19:21

So Ilaɛlsha tɔn bak. I kil di kaw dɛn ɛn yuz di bod we i bin de tek dig mek wud fɔ kuk di bif, dɔn i sheb sheb gi ɔlman fɔ it. Afta dat i go wit am ɛn bi in asistant.

Matyu 20:26

Bɔt nɔto so i go bi fɔ una. If ɛni wan pan una want fɔ bi bigman, i fɔ wok fɔ una ɔl lɛkɛ se in na una bɔy.

2 Kiŋ 3:11

Na de Jɛoshafat aks if nɔn PAPA GƆD in prɔfɛt nɔ de de we dɛn kin aks fɔ tɔk to PAPA GƆD. Wan pan di kiŋ na Izrɛl in ɔfisa dɛn ansa se Shafat in bɔypikin we na Ilaɛlsha de de, ɛn in na bin Ilayja in asistant.

1 Kiŋ 19:3

Ilayja fred ɛn rɔn fɔ in layf. Wɛn i rich na Biashiba na Juda, i mek in wokman wet am de,

Ɛksodɔs 24:13

So Mozis go ɔp di mawnten. I kɛr in asistant Jɔshwa ɔp di oli mawnten.

Apɔsul Dɛn Wok 19:22

Pɔl sɛn Timoti ɛn Irastɔs we bin de ɛp am go Masidonia, ɛn in lɛf na Eshya.

Apɔsul Dɛn Wok 19:29

Di fɛt prɛd ɔlsay na di tɔŋ. Di pipul dɛn we bin de fɛt ol Geyɔs ɛn Aristakɔs. Dɛn tu man ya na bin Masidonia pipul we bin de waka wit Pɔl. Dɛn kɛr dɛn tu go na di ples we di pipul dɛn na di tɔŋ kin de gɛda.