Apɔsul Dɛn Wok 13:3 - Krio Fɔs Oli Baybul

³ Di chɔch pipul dɛn na Antiɔk fas ɛn pre. Dɛn put an pan Banabas ɛn Sɔl dɛn ed fɔ blɛs dɛn, dɔn dɛn sɛn dɛn go.

Apɔsul Dɛn Wok 13:3 Referans Kwoze

Apɔsul Dɛn Wok 6:6

Ɔl di pipul dɛn we bin de na di mitin kɛr di sɛvin man dɛn we dɛn pik go sho di apɔsul dɛn. Di apɔsul dɛn put dɛn an pan di sɛvin man dɛn ed, dɛn pre fɔ dɛn ɛn blɛs dɛn.

Sɛkɛn Lɛta To Timoti 2:2

Dɛn wɔd we yu kin yɛri a de tɛl plɛnti pipul, yusɛf fɔ tɛl dɛn pipul we yu kin abop pan, we go kip dɛn na dɛn at, so dat dɛnsɛf go ebul lan ɔda pipul dɛn sem tin ya.

Fɔs Lɛta To Timoti 4:14

Nɔ lɛf fɔ du da tin we yu sabi fɔ du, we Gɔd bin mek yu ebul du da tɛm we dɛn prɔfɛt bin tɔk wetin Gɔd tɛl dɛn fɔ yu, ɛn dɛn bigman na chɔch bin put dɛn an pan yu ed ɛn pre fɔ yu.

Apɔsul Dɛn Wok 13:2

Wande wɛn dɛn bin de pre ɛn fas, Gɔd in Spirit tɛl dɛn se, “Una put Banabas ɛn Sɔl wansay bikɔs a dɔn pik dɛn fɔ du spɛshal wok fɔ mi.”

Jɔn In Tɔd Lɛta 1:8

So wi we na Kristiɛn fɔ ɛp dɛn pipul ya, da we de wi go ɛp dɛn fɔ du Krays in wok.

Fɔs Lɛta To Timoti 5:22

Nɔ ɔri fɔ put yu an pan pɔsin ed fɔ pre fɔ am fɔ mek i go du Gɔd wok. Nɔ miks wit ɔda pipul fɔ sin; sin nɔ fɔ de na yu layf.

Lɛta Fɔ Rom 10:15

Ɛn aw pipul go tɛl dɛn di mɛsej if nɔbɔdi nɔ sɛn pipul fɔ tɛl dɛn? Dɛn rayt na Gɔd in Buk se, “Na wɔndaful tin we dɛn pipul we de briŋ di Gud Nyuz, de kam.”

Apɔsul Dɛn Wok 14:26

Dɛn kɔmɔt Ata lia, dɛn tek big bot go Antiɔk, na da tɔŋ de, di pipul dɛn put Pɔl ɛn Banabas na Gɔd an mek i ɛp dɛn fɔ du di wok we i gi dɛn fɔ du, we dɛn bin de du.

Apɔsul Dɛn Wok 14:23

Wɛn dɛn dɔn fas ɛn pre to Gɔd, dɛn pik sɔm bigman dɛn na ɔl dɛn chɔch fɔ du di wok, dɛn lɛf dɛn na di Masta, we dɛn biliv, in an.

Di Nɔmba Dɛm 27:23

Dɔn i put in an nain ed ɛn mek i no se in na di pipul dɛn lida naw, jɛs lɛkɛ aw PAPA GƆD bin tɛl Mozis se dɛn fɔ du.

Sɛkɛn Lɛta To Timoti 1:6

Na dat mek a de mɛmba yu fɔ bigin yus di spɛshal pawa bak we Gɔd bin gi yu da tɛm we a bin put mi an na yu ed ɛn pre fɔ yu.

Apɔsul Dɛn Wok 15:40

Pɔl tek Saylas. Bifo dɛn go, di chɔch mɛmba dɛn na Antiɔk lɛf Pɔl ɛn Saylas na di Masta in an.

Jɔn In Tɔd Lɛta 1:6

Dɛn dɔn tɛl di chɔch pipul dɛn aw yu lɛk dɛn. Duya, ɛp dɛn fɔ rɛdi fɔ dɛn patrol lɛkɛ aw Gɔd want.

Apɔsul Dɛn Wok 9:17

So Ananayas go; i go insay di os ɛn put in an pan Sɔl in ed ɛn pre fɔ am. I se, “Mi brɔda Sɔl, di Masta, Jizɔs we tɔk to yu wɛn yu bin de na rod de kam na ya, sɛn mi to yu. I sɛn mi fɔ kam pre fɔ yu mek yu go si bak ɛn fɔ mek Gɔd in Spirit kam insay yu.”

Apɔsul Dɛn Wok 1:24

Dɛn pre se, “Masta, yu we sabi ɔlman at, duya, sho wi pan dɛn tu man ya, di pɔsin we yu dɔn pik

Apɔsul Dɛn Wok 13:4

Gɔd in Spirit bin sɛn Banabas ɛn Sɔl go na wan tɔŋ we nem Silishia. Dɛn tek bot go na wan ples we de midul wata we nem Sayprɔs.