Apɔsul Dɛn Wok 13:2 - Krio Fɔs Oli Baybul

² Wande wɛn dɛn bin de pre ɛn fas, Gɔd in Spirit tɛl dɛn se, “Una put Banabas ɛn Sɔl wansay bikɔs a dɔn pik dɛn fɔ du spɛshal wok fɔ mi.”

Apɔsul Dɛn Wok 13:2 Referans Kwoze

Lɛta Fɔ Galeshya 1:15

Bɔt Gɔd so gud to mi, i bin dɔn pik mi frɔm we a bin de na mi mama in bɛlɛ, i mek a bi in apɔsul. Ɛn wɛn Gɔd mekɔp

Apɔsul Dɛn Wok 9:15

Di Masta tɛl Ananayas se, “Go, a dɔn pik Sɔl fɔ mek i wok fɔ mi. I go mek dɛn pipul we nɔto Ju ɛn dɛn kiŋ ɛn dɛn pipul na Izrɛl sabi mi.

Sɛkɛn Lɛta To Timoti 1:11

Gɔd dɔn pik mi fɔ sɛn mi go lɛkɛ apɔsul fɔ tɛl pipul di Gud Nyuz ɛn fɔ lan dɛn bɔt am,

1 Kɔrint 12:11

Na di wan Spirit de mek difrɛn pipul ebul du dɛn difrɛn difrɛn tin ya, lɛkɛ aw i want.

Lɛta Fɔ Rom 1:1

Mi, Pɔl, we de wok fɔ Jizɔs Krays, ɛn we na apɔsul we Gɔd pik fɔ go tɛl pipul di Gud Nyuz we i gɛt fɔ dɛn, de rayt to una.

Fɔs Lɛta To Timoti 2:7

Na dat mek Gɔd pik mi fɔ bi in apɔsul, ɛn fɔ lan dɛn wan we nɔto Ju aw fɔ biliv pan Krays ɛn fɔ mek dɛn no wetin tru. Na tru a de tɔk, a nɔ de lay.

Apɔsul Dɛn Wok 22:21

Bɔt di Masta tɛl mi se, ‘Go, bikɔs a go sɛn yu to dɛn pipul we nɔto Ju.’”

Apɔsul Dɛn Wok 14:26

Dɛn kɔmɔt Ata lia, dɛn tek big bot go Antiɔk, na da tɔŋ de, di pipul dɛn put Pɔl ɛn Banabas na Gɔd an mek i ɛp dɛn fɔ du di wok we i gi dɛn fɔ du, we dɛn bin de du.

Daniɛl 9:3

Nain a put mi atɛnshɔn to PAPA GƆD de pre ɛn beg am. A wɛr chɛr chɛr klos ɛn rɔb ashis.

Lɛta Fɔ Kɔlɔse 4:17

Una tɛl Akipɔs se i fɔ si dat i du ɔl di wok we di Masta dɔn gi am fɔ du.

1 Samiɛl 2:11

Dɔn Ɛlkena ɛn Ana go bak na dɛn os na Rama bɔt Samiɛl in lɛf fɔ wok na PAPA GƆD in os na Shaylɔ wit Ilaɛl we bin de de as di man we de mek sakrifays fɔ pipul sin.

Sɛkɛn Lɛta To Timoti 2:2

Dɛn wɔd we yu kin yɛri a de tɛl plɛnti pipul, yusɛf fɔ tɛl dɛn pipul we yu kin abop pan, we go kip dɛn na dɛn at, so dat dɛnsɛf go ebul lan ɔda pipul dɛn sem tin ya.

Lɛta Fɔ Ɛfisɔs 3:7

Gɔd dɔn blɛs mi ɛn gi mi pawa so dat a go wok traŋa fɔ prɛd di Gud Nyuz ɔlɔbɔt.

Apɔsul Dɛn Wok 13:3

Di chɔch pipul dɛn na Antiɔk fas ɛn pre. Dɛn put an pan Banabas ɛn Sɔl dɛn ed fɔ blɛs dɛn, dɔn dɛn sɛn dɛn go.

Apɔsul Dɛn Wok 10:30

Kɔnilyɔs ansa se, “I dɔn tek fo dez naw, bay dis tɛm, tri oklɔk santɛm, a bin de pre na mi os. Wantɛm, wan man we wɛr klos we de shayn kam tinap bifo mi.

Apɔsul Dɛn Wok 10:19

Di tin we Gɔd sho Pita bin mek Pita de wɔnda stil ɛn i bin stil want fɔ no wetin dat min, nain Gɔd in Spirit tɛl am se, “Tri man dɛn de luk fɔ yu.

Apɔsul Dɛn Wok 8:29

Gɔd in Spirit tɛl Filip se, “Filip, go klos da man we de nain chariɔt.”

Matyu 9:38

Na dat mek una fɔ pre to Gɔd we na di Masta fɔ sɛn mɔ pipul fɔ kam gɛda dɛn pipul ya ɛn briŋ dɛn kam to am.”

Matyu 6:16

“Una nɔ tay fes wɛn una de fast lɛkɛ aw dɛn ipokrit pipul dɛn kin du wɛn dɛn de fast, so dat pipul go si se dɛn de fast. A de tɛl una se; dɛn dɔn gɛt dɛn pe.

Ditarɔnɔmi 10:8

Mozis kɔntinyu fɔ mɛmba di Izrɛlayt dɛn wetin ɛn wetin bin dɔn apin. I se na da tɛm de, PAPA GƆD bin se na di Livayt fambul dɛn nɔmɔ fɔ tot di Ak ɔf di Kɔvinant, mek sakrifays fɔ pipul sin, ɛn tek PAPA GƆD in nem blɛs di ɔda fambul dɛn, so PAPA GƆD go du gud tin dɛn fɔ dɛn, ɛn na so dɛn de du.

Di Ibru Pipul Dɛn 5:4

Nɔbɔdi nɔ de mek insɛf edman we de mek sakrifays fɔ pipul sin, na Gɔd nɔmɔ de kɔl pɔsin fɔ du dis kayn wok lɛkɛ aw i bin pik Erɔn lɔntɛm fɔ du di sem kayn wok.

Sɛkɛn Lɛta To Timoti 4:11

Na Lyuk nɔmɔ de wit mi na ya. Briŋ Mak kam wit yu wɛn yu de kam, bikɔs in kin de ɛp mi fɔ du di wok.

Sɛkɛn Lɛta To Timoti 4:5

Bɔt yu fɔ kɔntrol yusɛf ɔltɛm; yu fɔ bia wɛn yu de sɔfa, yu fɔ de tɛl pipul di Gud Nyuz, ɛn yu fɔ du ɔl wetin pɔsin we de wok fɔ Gɔd fɔ du.

2 Kɔrint 11:27

A dɔn du traŋa wok; plɛnti tɛm sɛf a nɔba slip; a kin aŋri; a kin tɔsti; sɔntɛm it nɔba de fɔ mi; klos nɔba de fɔ wɛr; ples nɔba de fɔ tap.

2 Kɔrint 6:5

wɛn pipul bit wi, wɛn wi go jel, wɛn strayk bɔs pan wi, wɛn wi wok te wi nɔ ebul igen, wɛn wi nɔ de slip ɛn wɛn wi nɔ gɛt tin fɔ it.

1 Kɔrint 7:5

Uman nɔ fɔ ɛva rifyuz in man, semwe so di man sɛf nɔ fɔ ɛva rifyuz in wɛf, pas nɔmɔ dɛn tu gri se dɛn nɔ fɔ gɛt ɛnitin fɔ du wit dɛn kɔmpin dɛn tɛm we dɛn want pre; bɔt we dɛn tɛm de dɔn pas, dɛn fɔ stat fɔ liv bak lɛkɛ aw mare du man ɛn maredman fɔ liv, if nɔ so, we dɛn nɔ go ebul kɔntrol dɛnsɛf, Setan go mek dɛn sin wɛn i kam fɔ tray dɛn.

Lɛta Fɔ Rom 10:15

Ɛn aw pipul go tɛl dɛn di mɛsej if nɔbɔdi nɔ sɛn pipul fɔ tɛl dɛn? Dɛn rayt na Gɔd in Buk se, “Na wɔndaful tin we dɛn pipul we de briŋ di Gud Nyuz, de kam.”

Apɔsul Dɛn Wok 20:28

Una tek tɛm aw una liv ɛn una kia fɔ Gɔd In pipul dɛn na di chɔch lɛkɛ aw pipul we de mɛn ship kin kia fɔ dɛn ship, bikɔs Gɔd in Pikin day fɔ mek dɛn bi Gɔd yon pipul.

Apɔsul Dɛn Wok 6:4

Wi, we na di apɔsul dɛn, go jɛs de fɔ pre ɛn fɔ tɛl pipul bɔt Gɔd.”

1 Kronikuls 16:4

Pantap dat, i pik sɔm pan di Livayt dɛm fɔ bi PAPA GƆD in wokman bifo PAPA GƆD in Ak, fɔ kɔl am, tɛl am tɛnki ɛn fɔ prez PAPA GƆD we na Izrɛl dɛn Gɔd.

Lyuk 10:1

Jizɔs pik sɛvinti tu ɔda man dɛn ɛn sɛn dɛn tu tu fɔ go ɔl di say dɛn we insɛf bin want fɔ go.

Apɔsul Dɛn Wok 4:36

Na so Josɛf, da Livayt we kɔmɔt Sayprɔs, bin du. Di apɔsul dɛn bin de kɔl am Banabas, dat min “Pɔsin we de kɔrej ɔda pipul”.

Apɔsul Dɛn Wok 13:4

Gɔd in Spirit bin sɛn Banabas ɛn Sɔl go na wan tɔŋ we nem Silishia. Dɛn tek bot go na wan ples we de midul wata we nem Sayprɔs.

Matyu 17:21

Bɔt una nɔ go ebul du dis kayn wok if una nɔ fast ɛn pre.]”