Apɔsul Dɛn Wok 13:16 - Krio Fɔs Oli Baybul

¹⁶ Pɔl tinap; i mek sayn to di pipul dɛn fɔ sɛt mɔt, dɔn i se, “Mi Ju pipul dɛn ɛn una we nɔto Ju, una ɔl we fred Gɔd; una lisin wetin a de tɔk!

Apɔsul Dɛn Wok 13:16 Referans Kwoze

Apɔsul Dɛn Wok 12:17

Pita mek sayn wit in an to dɛn fɔ mek dɛn sɛt mɔt, dɔn i tɛl dɛn aw di Masta pul am kɔmɔt na sɛl. Bifo Pita go, i tɛl di Kristiɛn dɛn fɔ tɛl Jems ɛn di ɔda Kristiɛn dɛn we nɔ bin de, wetin bi.

Apɔsul Dɛn Wok 13:26

“Mi pipul dɛn we de wɔship Gɔd, una we na Ebraam in grampikin pikin dɛm ɛn una we nɔto Ju; Gɔd mek dɛn kam tɛl wi bɔt aw i de sev pipul.

Apɔsul Dɛn Wok 10:2

Kɔnilyɔs ɛn di pipul dɛn nain os bin fred Gɔd. I bin de du plɛnti gud fɔ ɛp dɛn Ju pipul we po ɛn i kin de pre to Gɔd ɔltɛm.

Rɛvɛleshɔn 2:29

“Ɛnibɔdi we gɛt yes, mek i lisin dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples.

Rɛvɛleshɔn 2:17

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Dɛn wan we go stil tinap traŋa afta Setan dɔn tray dɛn, a go gi dɛn da it we dɛn kɔl mana we nɔbɔdi nɔ de si naw. Ɛn igen, a go gi dɛn wan wayt ston we wan nyu nem rayt pan. Nɔbɔdi nɔ go no di nem we rayt pan di ston pas di pɔsin we a gi di nem.

Rɛvɛleshɔn 2:11

“Ɛnibɔdi we gɛt yes mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Ɛnibɔdi we stil tinap traŋa afta Setan dɔn tray am, di sɛkɛn day nɔ go mit am.

Rɛvɛleshɔn 2:7

“Ɛnibɔdi we gɛt yes, mek i yɛri dɛn wɔd ya we Gɔd in Spirit dɔn tɛl di Kristiɛn dɛn na dɛn difrɛn ples. “Pɔsin we stil tinap traŋa afta Setan dɔn tray am, a go mek i it pan di tin we di tik we de gi layf de bia, da tik de de gro na di gadin we Gɔd mek.

Apɔsul Dɛn Wok 22:22

Di pipul dɛn nɔ tɔk natin sote Pɔl tɔk dɔn. Nain dɛn ala se, “Una kɛr am go kil am! Lɛ wi nɔ si am igen!”

Apɔsul Dɛn Wok 21:40

Di edman gi Pɔl chans fɔ tɔk. Pɔl tinap na di stɛp, i mek sayn to di pipul dɛn wit in an; wɛn di pipul dɛn dɔn sɛt mɔt, i tɔk to dɛn na Ibru.

Apɔsul Dɛn Wok 19:33

Sɔm pipul bin de blem Alɛgzanda fɔ di fɛt bikɔs nain di Ju pipul dɛn bin put bifo. Alɛgzanda mek sayn to di pipul dɛn fɔ sɛt mɔt bikɔs i bin want ɛksplen to dɛn se in ɛn in padi dɛn nɔ no bɔt di fɛt.

Apɔsul Dɛn Wok 13:46

Pɔl ɛn Banabas nɔ fred fɔ tɔk; dɛn se, “Wi bin gɛt fɔ tɛl una dɛn Ju pipul bɔt Gɔd bifo wi tɛl dɛn pipul we nɔto Ju. We una nɔ gri biliv pan am, una dɔn kɔndɛm unasɛf se una nɔ fit fɔ gɛt layf sote go. Na dat mek wi de tɛl dɛn pipul we nɔto Ju bɔt Gɔd naw.

Apɔsul Dɛn Wok 10:35

Gɔd go mek ɛnibɔdi we rɛspɛkt am ɛn du wetin i want, bi in yon.

Apɔsul Dɛn Wok 3:12

Wɛn Pita si di pipul dɛn, i se, “Mi kɔntri man dɛn, wetin mek una de wɔnda fɔseka wetin dɔn bi ɛn wetin mek una de luk wi so? Una min se na wi yon pawa ɔ na bikɔs wi gud mek dis man wɛl?

Apɔsul Dɛn Wok 2:22

“Una dɛn pipul na Izrɛl, una opin una yes gud ɛn lisin wetin a de tɔk. Jizɔs we kɔmɔt Nazarɛt na Man we Gɔd sɛn to wi. Unasɛf no bɔt ɔl dɛn tin ya bikɔs na ya dɛn bi.

Apɔsul Dɛn Wok 2:14

Wɛn dɛn tɔk so, nain Pita ɛn di ɔda ilɛvin apɔsul dɛn tinap; Pita bigin fɔ tɔk to di pipul dɛn lawd wan. I se, “Mi Ju pipul dɛn ɛn una ɔl we de na Jerusɛlɛm, una lisin wetin a de kam tɛl una.

Lyuk 1:50

frɔm tɛm, i de sɔri fɔ ɔl dɛn wan we rɛspɛkt am.

Matyu 11:15

Udat gɛt yes fɔ yɛri, mek i yɛri!

Di Sam Dɛm 135:20

Ɔl udat kɔmɔt na Livay insɛf yon famili layn fɔ prez PAPA GƆD! Ɛn ɔl udat gɛt fred ɛn rɛspɛkt fɔ PAPA GƆD fɔ prez PAPA GƆD!

Di Sam Dɛm 85:9

I go sev ɔl udat de du wetin in want, dɔn i go sho insɛf fɔ udat i bi na Izrɛl.

Di Sam Dɛm 67:7

PAPA GƆD go blɛs wi ɛn ɔlman na wɔl go fred ɛn rɛspɛkt am.

1 Kiŋ 8:40

lɛ dɛn go de fred yu na dis land we yu gi wi papa dɛn.

Lyuk 23:40

Bɔt di ɔda wikɛd man we insɛf bin ɛŋ pan krɔs, tɔk pan in kɔmpin. I se, “Yu nɔ de fred Gɔd? Dɛn dɔn kɔndɛm yusɛf fɔ day lɛkɛ dis man ya.

Lyuk 1:22

Wɛn i kam na do, i nɔ bin ebul fɔ tɔk to di pipul dɛn, na dat dɛn tek no se i si sɔntin insay Gɔd in Os. I nɔ ebul tɔk wan wɔd sɛf, i bin jɛs de mek sayn wit in an.