Apɔsul Dɛn Wok 13:12 - Krio Fɔs Oli Baybul

¹² Di gɔvna biliv pan Jizɔs gud wan wɛn i si wetin bi. Ɔl di tin we dɛn lan am bɔt di Masta mek i wɔnda.

Apɔsul Dɛn Wok 13:12 Referans Kwoze

Apɔsul Dɛn Wok 13:7

Ba-Jizɔs na bin di gɔvnain padi. Di gɔvna bin nem Sajiɔs Pɔlɔs, na man we bin gɛt sɛns. Di gɔvna sɛn kɔl Banabas ɛn Sɔl, bikɔs i bin want yɛri Gɔd in wɔd.

Lyuk 4:22

Dɛn ɔl tɔk gud bɔt Jizɔs ɛn di fayn fayn wɔd dɛn we i tɔk mek dɛn wɔnda. Dɛn se, “Nɔto Josɛf in pikin dis?”

Apɔsul Dɛn Wok 28:7

Publiɔs na bin di bigman na di ples, i bin gɛt big fam klos de. I bin gladi fɔ si wi; wi tap to am tri de.

Apɔsul Dɛn Wok 19:7

Na lɛkɛ twɛlv pipul so bin baptayz.

Apɔsul Dɛn Wok 15:35

Pɔl, Banabas, ɛn plɛnti ɔda pipul bin te lili bit na Antiɔk de lan di pipul dɛn ɛn tɛl dɛn wetin di Masta se.

Apɔsul Dɛn Wok 13:49

Di Masta in wɔd prɛd ɔlsay na di kɔntri.

Apɔsul Dɛn Wok 6:10

Bɔt Gɔd in Spirit gi Stivin plɛnti sɛns, so dat wɛn i tɔk nɔbɔdi nɔba gɛt natin fɔ se.

Jɔn 7:46

Di gyad dɛn ansa se, “Nɔbɔdi nɔ tɔk lɛkɛ dis man ya wande.”

Lyuk 7:16

Ɔl di pipul dɛn fred ɛn bigin prez Gɔd. Dɛn se, “Wi dɔn si prɔfɛt we gɛt pawa! Gɔd dɔn kam fɔ sev in pipul dɛn!”

Matyu 27:54

Wɛn di soja ɔfisa ɛn di soja man dɛn we bin de gyad Jizɔs si wetin bi wɛn di grɔn shek, dɛn se, “Dis man na Gɔd in Pikin, fɔ tru!”

Apɔsul Dɛn Wok 8:25

Wɛn Pita ɛn Jɔn dɔn tɛl pipul wetin Gɔd dɔn du ɛn wetin i bin stil de du fɔ dɛn, ɛn wetin Gɔd in wɔd se, dɛn tɔn bak de go Jerusɛlɛm; dɛn bin de tɛl di pipul dɛn we dɛn de mit na dɛn vilej na Sameria di Gud Nyuz.

Apɔsul Dɛn Wok 13:8

Ɛlimas (na so dɛn Grik pipul bin de kɔl Ba-Jizɔs) ambɔg Banabas ɛn Sɔl. I tray fɔ mek Gɔvna Sajiɔs Pɔlɔs tap fɔ biliv pan Gɔd.

Apɔsul Dɛn Wok 13:48

Wɛn dɛn pipul we nɔto Ju yɛri dat, dɛn gladi ɛn dɛn prez di Masta fɔ wetin i tɛl dɛn. Dɛn pipul we Gɔd bin dɔn pik fɔ gɛt layf sote go, biliv pan Jizɔs Krays.

Apɔsul Dɛn Wok 15:36

I nɔ bin tu te, nain Pɔl tɛl Banabas se, “Lɛ wi go fɛn dɛn pipul we wi bin dɔn tɛl di Masta in mɛsej, lɛ wi go luk aw dɛn de du.”

Apɔsul Dɛn Wok 18:12

Di tɛm we Galio na bin di Roman gɔvna na Gris, ɔl di Ju pipul dɛn gɛda, dɛn ol Pɔl ɛn kɛr am go kot fɔ mek di gɔvna jɔj am.

Apɔsul Dɛn Wok 19:10

I tek tu ia de ɛn dat mek di pipul dɛn na Eshya, di Ju pipul dɛn, ɛn dɛn pipul we nɔto bin Ju yɛri di Masta in mɛsej.

Apɔsul Dɛn Wok 19:20

Ɔl di wɔndaful tin dɛn we bi, mek di Masta in wɔd prɛd ɔlsay, ɛn mɔ ɛn mɔ pipul biliv pan Masta Jizɔs Krays.

Apɔsul Dɛn Wok 19:38

If Dimitriɔs ɛn in wokman dɛn gɛt plaba wit ɛnibɔdi, di kot de ɛn di bigman de. Mek dɛn go le kɔmplen di de we dɛn bigman kin tɔk kes.