Apɔsul Dɛn Wok 13:11 - Krio Fɔs Oli Baybul

¹¹ Di Masta dɔn put in an pan yu naw; yu go blɛn ɛn yu nɔ go ebul si di san sɛf sote di tɛm we Gɔd dɔn mak fɔ opin yu yay.” Wantɛm Ɛlimas in yay dak, i bigin waka de fɛn udat go ol in an waka wit am.

Apɔsul Dɛn Wok 13:11 Referans Kwoze

Di Sam Dɛm 32:4

Ol de ɛn nɛt PAPA GƆD nɔ bin de fil fɔ mi, pen de mɔna lɛk udat dɛn bit bad Di lili trɛnk we a bin gɛt sɛf, dɔn dɔn i tan lɛk we san de dray tin we sok, ɔl di trɛnk dɔn dɔn pan mi we san bit mi.

Ɛksodɔs 9:3

a go mek in animal dɛn, in ɔs, dɔŋki, kamɛl, in man ɛn uman kaw, ship ɛn got dɛn gɛt bad bad sik we go mek dɛn day.

Di Ibru Pipul Dɛn 10:31

I go bad fɔ di pɔsin we Gɔd we gɛt layf sote go, go kɔndɛm so.

1 Samiɛl 5:11

So dɛn kɔl ɔl di Filistin bigman dɛn ɛn tɛl dɛn fɔ sɛn di ak usay i kɔmɔt we na to di Izrɛlayt dɛn ɔ nɔ so ɔl di pipul dɛn go day. Dɛn se di wanol siti de fred se dɛn go day, bikɔs PAPA GƆD de pɔnish dɛn bad wan.

Pita In Sɛkɛn Lɛta 2:17

Dɛn kayn pipul ya jɛs tan lɛkɛ wɛl we nɔ gɛt wata ɛn lɛkɛ dak klawd we de sho se ren want kam wɛn di ples dray, bɔt big briz blo am go. Gɔd dɔn kip dak dak dak ples fɔ put dɛn.

Jɔn 9:39

Jizɔs se, “A kam na dis wɔl fɔ jɔj, so dat dɛn blɛnyay pipul go si ɛn dɛn wan we de si go blɛn.”

Job 19:21

Una sɔri fɔ mi, mi padi dɛn, una sɔri fɔ mi, bikɔs na PAPA GƆD in an dɔn wap mi dɔŋ.

Lɛta Fɔ Rom 11:25

Mi kɔmpin Kristiɛn dɛn, wan tru tin de we a want mek una no, we na sikrit. I go mek una nɔ tink se una gɛt sɛns tumɔs. Na di sikrit dis: Nɔto fɔɛva di pipul dɛn na Izrɛl nɔ go gri fɔ biliv, na sote di tɛm nɔmɔ we ɔl dɛn pipul we nɔto Ju we Gɔd dɔn mak, go kam ɔnda in rul.

Apɔsul Dɛn Wok 9:17

So Ananayas go; i go insay di os ɛn put in an pan Sɔl in ed ɛn pre fɔ am. I se, “Mi brɔda Sɔl, di Masta, Jizɔs we tɔk to yu wɛn yu bin de na rod de kam na ya, sɛn mi to yu. I sɛn mi fɔ kam pre fɔ yu mek yu go si bak ɛn fɔ mek Gɔd in Spirit kam insay yu.”

Ayzaya 29:10

Bikɔs PAPA GƆD dɔn put, spirit we de mek pɔsin slip dip dip wan, pan una, ɛn i dɔn lɔk una yay, una di prɔfɛt dɛm, ɛn i dɔn kɔba una ed, una di lukgrɔn man dɛm.

Di Sam Dɛm 38:2

Di aro we yu shut dɔn mit mi, ɛn yu dɔn wap mi dɔŋ.

2 Kiŋ 6:8

Wan tɛm di kiŋ na Siria bin de go fɛt wa wit di kiŋ na Izrɛl. Ɛn di kiŋ ɛng-ed wit in man dɛn se na soso ples in go bil in kamp.

1 Samiɛl 5:9

Bɔt afta dɛn dɔn muf di ak go na Gath, PAPA GƆD kam ple wɔwɔ na da siti de ɛn kɔnfyushɔn fɔdɔm na di wanol ples. Ɔlman, yɔŋ ɛn ol, bigin gɛt di sem kayn bɔmp na dɛn bɔdi.

Jɛnɛsis 19:11

Dɔn dɛn mek ɔl di man dɛn we bin de na do dɛn yay blɛn so dat dɛn nɔ go ebul fɔ si di domɔt.