Apɔsul Dɛn Wok 12:9 - Krio Fɔs Oli Baybul

⁹ Pita fala di enjɛl kɔmɔt insay di sɛl. I nɔ bin no se na tru tin di enjɛl de tɛl am, i bin min se in de drim.

Apɔsul Dɛn Wok 12:9 Referans Kwoze

Di Sam Dɛm 126:1

Wɛn PAPA GƆD briŋ wi kam bak na Jerusɛlɛm ɛn mek we liv lɛk aw wi bin liv, i tan lɛk na drim wi dɛn bin de drim.

Di Ibru Pipul Dɛn 11:8

Na bikɔs Ebraam bin biliv Gɔd mek i du wetin Gɔd tɛl am fɔ du wɛn Gɔd kɔl am ɛn sɛn am fɔ go na di ples we i prɔmis fɔ gi am. I grap ɛn go, pan ɔl we i nɔ bin no di ples we i de go.

Apɔsul Dɛn Wok 26:19

“Kiŋ Agripa, a du dɛn tin we di vɔys we kɔmɔt ɛvin tɛl mi fɔ du.

Apɔsul Dɛn Wok 10:3

Wan santɛm, bay dɛn tri oklɔk, Gɔd sho Kɔnilyɔs sɔntin. I si Gɔd in enjɛl gud gud wan; di enjɛl kɔl am, i se, “Kɔnilyɔs!”

Jɛnɛsis 45:26

Dɛn tɛl dɛn papa se Josɛf de ɛn i nɔ day yet. In na big bigman na Ijipt. We Jekɔb yɛri dis in mɔt ful ɛn i nɔ bin biliv wetin dɛn se.

Apɔsul Dɛn Wok 11:5

“A bin de pre na wan tɔŋ we nem Jɔpa, nain Gɔd sho mi sɔntin. A si sɔntin we tan lɛkɛ big bedshit de kam dɔŋ. Di bedshit bin tay na di fo kɔna dɛn wit rop. I kɔmɔt ɔp na ɛvin kam dɔŋ klos mi.

Apɔsul Dɛn Wok 10:17

Di tin we Pita si mek i wɔnda ɛn i bin want no wetin dat min. Da sem tɛm de, dɛn pipul we Kɔnilyɔs sɛn bin dɔn rich na di os we Saymɔn Pita de ɛn dɛn bin tinap na di get.

Apɔsul Dɛn Wok 9:10

Wan man bin de na Damaskɔs we na bin Jizɔs in lanin bɔy, i bin nem Ananayas; Gɔd sho am sɔntin. I si di Masta ɛn i yɛri di Masta de kɔl am, “Ananayas!” I ansa se, “Masta, luk mi na ya, sa.”

Jɔn 2:5

Jizɔs in mama tɛl di savant dɛn se mek dɛn du ɛnitin we i tɛl dɛn fɔ du.

Jɛnɛsis 6:22

Noa du ɔl wetin PAPA GƆD tɛl am fɔ du.

Apɔsul Dɛn Wok 12:8

Di enjɛl tɛl Pita se, “Wɛr yu klos, tay yu bɛlt, ɛn wɛr yu sus. Kam lɛ wi go.” Pita du ɔl wetin di enjɛl tɛl am fɔ du.