Apɔsul Dɛn Wok 12:8 - Krio Fɔs Oli Baybul

⁸ Di enjɛl tɛl Pita se, “Wɛr yu klos, tay yu bɛlt, ɛn wɛr yu sus. Kam lɛ wi go.” Pita du ɔl wetin di enjɛl tɛl am fɔ du.

Apɔsul Dɛn Wok 12:8 Referans Kwoze

Matyu 3:11

A de baptayz una wit wata fɔ sho se una dɔn lɛf fɔ du bad, bɔt di wan we de kam afta a dɔn du mi wok, in go baptayz una wit Gɔd in Spirit ɛn wit faya. I gɛt pawa pas mi, ɛn a nɔ fit sɛf fɔ lus in sus.

Lyuk 12:37

If di bɔy dɛn nɔ slip yet wɛn dɛn masta kam bak, dɛn go gɛt blɛsin. A de tɛl una fɔ tru se, di masta go drɛs ɛn i go kɔl in bɔy dɛn mek dɛn kam sidɔm, dɔn i go gi dɛn it.

Apɔsul Dɛn Wok 12:7

Wantɛm, di Masta in enjɛl bɔs kam insay di sɛl ɛn brayt brayt layt shayn ɔlsay na di sɛl. Di enjɛl shek Pita in sholda fɔ wek am. I se, “Pita, mekes grap!” Di chen dɛn pan Pita in an kɔt kɔmɔt.

Apɔsul Dɛn Wok 12:9

Pita fala di enjɛl kɔmɔt insay di sɛl. I nɔ bin no se na tru tin di enjɛl de tɛl am, i bin min se in de drim.

Mak 6:9

I tɛl dɛn fɔ wɛr sus, bɔt dɛn nɔ fɔ kɛr ɔda klos.

Apɔsul Dɛn Wok 8:26

Gɔd sɛn in enjɛl to Filip, di enjɛl tɛl Filip se, “Filip, grap, fala da rod na di dɛzat we go frɔm Jerusɛlɛm te rich Geza.”

Apɔsul Dɛn Wok 27:23

Yɛstade nɛt, Gɔd we gɛt mi ɛn we a de pre to sɛn in enjɛl kam to mi.