Apɔsul Dɛn Wok 12:7 - Krio Fɔs Oli Baybul

⁷ Wantɛm, di Masta in enjɛl bɔs kam insay di sɛl ɛn brayt brayt layt shayn ɔlsay na di sɛl. Di enjɛl shek Pita in sholda fɔ wek am. I se, “Pita, mekes grap!” Di chen dɛn pan Pita in an kɔt kɔmɔt.

Apɔsul Dɛn Wok 12:7 Referans Kwoze

Apɔsul Dɛn Wok 5:19

Bɔt di Masta in enjɛl kam na nɛt ɛn opin di get na di jel we di apɔsul dɛn bin de, dɛn di enjɛl pul di apɔsul dɛn kɔmɔt na di jel ɛn tɛl dɛn se,

Apɔsul Dɛn Wok 16:26

Wantɛm, di grɔn bigin trimbul bad bad wan; ɔl di jelos sɛf bigin shek. Ɔl di sɛl do dɛn opin ɛn di chen dɛn lus kɔmɔt pan ɔl di jelman dɛn.

Di Sam Dɛm 146:7

I de fɛt fɔ udat nɔ ebul fɛt fɔ insɛf ɛn gi it to udat nɔ gɛt tin fɔ it. PAPA GƆD de lɛ di prizina dɛn go fri.

Di Sam Dɛm 107:14

I pul dɛn kɔmɔt pan di siriɔs trɔbul we dɛn bin de pan ɛn brok di chen we bin de pan dɛn lɛkɛ jelman.

Di Sam Dɛm 34:7

PAPA GƆD in enjɛl de rawnd udat rɛspɛkt ɛn dɛn wan we de fred am. I de pul am pan trɔbul.

Apɔsul Dɛn Wok 10:30

Kɔnilyɔs ansa se, “I dɔn tek fo dez naw, bay dis tɛm, tri oklɔk santɛm, a bin de pre na mi os. Wantɛm, wan man we wɛr klos we de shayn kam tinap bifo mi.

Lɛta Fɔ Ɛfisɔs 5:14

Na dat mek dɛn rayt se, “Yu we de slip, yu wek, ɛn rayz frɔm di grev, ɛn Krays go gi yu layt.”

Apɔsul Dɛn Wok 2:24

Bɔt Gɔd wek Jizɔs we bin dɔn day ɛn mek am rayz frɔm di grev; i nɔ mek day mek i sɔfa igen bikɔs day nɔ bin gɛt pawa fɔ mek i nɔ rayz igen.

Lyuk 24:4

Aw dɛn de wɔndrin bɔt wetin bi, wantɛm dɛn si tu man dɛn we wɛr brayt brayt klos kam tinap klos dɛn.

Lyuk 2:9

Dɛn si enjɛl we Gɔd, we na wi Masta, sɛn, tinap bifo dɛn. Na so ɔl di ples bin de shayn brayt wit Gɔd in layt, so dɛn bigin fred bad bad wan.

Mayka 7:9

Na fɔ bia wetin PAPA GƆD gɛt fɔ du bikɔs dɛn dɔn sin to am. I go fɛt fɔ dɛn ɛn mek ɔl udat fɔ gɛt rayt gɛt rayt. Dɔn i go mek ɔlman si wetin i du we i go sev dɛn.

Daniɛl 6:22

Mi PAPA GƆD sɛn in eŋɛl kan lɔk di layɔn dɛn mɔt, ɛn dɛn nɔ du mi natin bikɔs bifo PAPA GƆD, a nɔ bin du natin bad; ɛn a nɔ bin du ɛnitin bad to yu.”

1 Kiŋ 19:7

PAPA GƆD in enjɛl mit am di sɛkɛn tɛm ɛn wek am se lɛ i grap ɛn it, ɔ nɔ so di rod go mɔna am.

Apɔsul Dɛn Wok 12:23

Di Masta in enjɛl kam put sik pan Ɛrɔd bikɔs i nɔ rɛspɛkt Gɔd; wɔrɔm it in bɔdi ɛn i day.

Apɔsul Dɛn Wok 9:3

Sɔl bin de na rod de go Damaskɔs; as i de rich klos di tɔŋ, wantɛm, nain brayt layt lɛkɛ laytin we kɔmɔt na di klawd shayn pan am.

Abakɔk 3:4

We i de kam so, di ples de brayt lɛk na laytin de flash, di laytin de flash pan in an ɔl, bikɔs na de i ayd in pawa.

Izikɛl 43:2

Ɛn Izrɛl in Gɔd in glori bin de kɔmɔt na di ist; ɛn i bin de mek sawnd lɛk we bɔku bɔku wata de rɔn, ɛn di ath bin de shayn wit In glori.

Ayzaya 60:1

Grap ɛn shayn; bikɔs yu layt dɔn kam, ɛn PAPA GƆD in glori dɔn kam pan yu.

Di Sam Dɛm 116:16

PAPA GƆD, fɔ tru tru, mi na pɔsin we de wɔship yu lɛk aw mi mama sɛf bin de wɔship yu; yu dɔn mek di sik we na bin lɛkɛ chen pan mi brok.

1 Kiŋ 19:5

I lidɔm slip ɔnda di tik. Nain wan enjɛl kam mit am, i tɔch am, ɛn tɛl am se lɛ i grap ɔn it.

Rɛvɛleshɔn 18:1

Wɛn dat dɔn, a si wan ɔda enjɛl kɔmɔt na ɛvin kam dɔŋ na wɔl, i bin gɛt wɔndaful pawa. Di layt we bin de shayn pan am, layt ɔl dɛn ples na wɔl.

Di Ibru Pipul Dɛn 1:14

Udat na di enjɛl dɛn? Dɛn na spirit ɛn dɛn na Gɔd in mɛsenja dɛn; na dɛn Gɔd de sɛn fɔ ɛp dɛn pipul we Gɔd go sev.

Apɔsul Dɛn Wok 12:6

Di nɛt bifo di mɔnin we Ɛrɔd bin mekɔp fɔ mek dɛn jɔj Pita, Pita bin de slip midul tu soja man dɛn. Dɛn bin tay am wit tu chen ɛn ɔda soja man dɛn bin tinap na di get de gyad di ples.

Abakɔk 3:11

Di san ɛn di mun nɔ gri fɔ shayn igen we dɛn si aw yu aro dɛn de flay, ɛn yu spia de shayn na di laytin.

Ayzaya 37:30

Na de Ayzaya tɛl Kiŋ Ɛzikaya se i gɛt fɔ si wan sayn. Di sayn na, da ia de, i go it wetin bɔs na grɔn fɔ insɛf. Di nɛks ia, na wetin lɛf pan di tin dɛn we bin bɔs i go it; dɔn di ɔda ia i go plant ɛn avɛst kɔn, vayn ɛn grep we i go it.

2 Samiɛl 22:29

Yu, PAPA GƆD, na di wan we gi mi layf; PAPA GƆD de sho mi in layt ɛn mek mi we klia na layf.

Di Sam Dɛm 68:6

I de fɛn fambul dɛn fɔ udat nɔ gɛt fambul i de mek di wan dɛnsɛf we de na jel siŋ bikɔs dɛn gladi bɔt i de mek dɛn wan we de mek rebɛl pan PAPA GƆD biznɛs tap na ples usay bɛtɛ nɔ de.

Jɛrimaya 40:1

Dis na PAPA GƆD in wɔd we kam to Jɛrimaya afta Nɛbyuzaradan we na di kapten fɔ di gyadman dɛm, bin fri am lɛ i kɔmɔt na Rama, afta i bin chen am go ɛgzayl wit di wan dɛn we dɛn bin kapchɔ na Jerusɛlɛm ɛn Juda, fɔ go Babilɔn.

Daniɛl 3:28

Nain Nɛbyukadnɛza se, “Lɛ blɛsin de pan Shedrak, Mishak ɛn Abɛdnigo dɛn Gɔd we sɛn in eŋɛl ɛn fri in wokman dɛm we biliv am; dɛn na di man dɛm we nɔ bin obe di kiŋ in wɔd, ɛn bin rɛdi fɔ day bifo dɛn go wok fɔ ɛn wɔship ɛni ɔda gɔd, we nɔto dɛn yon Gɔd.

Matyu 2:13

Afta di sɛnsman dɛn dɔn go, Gɔd sɛn wan enjɛl na drim fɔ wɔn Josɛf. Di enjɛl se, “Kiŋ Ɛrɔd de fɛn di pikin fɔ kil am, so grap tek di pikin ɛn in mama, rɔn go Ijipt wantɛm, ɛn lib de sote a tɛl yu fɔ kɔmɔt de.”

Apɔsul Dɛn Wok 12:8

Di enjɛl tɛl Pita se, “Wɛr yu klos, tay yu bɛlt, ɛn wɛr yu sus. Kam lɛ wi go.” Pita du ɔl wetin di enjɛl tɛl am fɔ du.