Apɔsul Dɛn Wok 12:5 - Krio Fɔs Oli Baybul

⁵ Wɛn Pita bin de na sɛl, di Kristiɛn dɛn bin de pre fɔ am traŋa wan.

Apɔsul Dɛn Wok 12:5 Referans Kwoze

1 Kɔrint 12:26

If wan pat pan di bɔdi de sɔfa ɔl di ɔda pat dɛn go sɔfa wit am, ɛn if wan pat gɛt rɛspɛkt, ɔl di ɔda pat dɛn go gladi wit am.

Jems 5:16

Na dat mek, una fɔ tɛl una kɔmpin Kristiɛn di sin dɛn we una dɔn sin ɛn una fɔ pre mek Gɔd mek una wɛl. Wɛn pɔsin we de waka tret bifo Gɔd pre, da pre de gɛt pawa ɛn Gɔd go ansa am.

Fɔs Lɛta Fɔ Tɛsalonayka 5:17

una fɔ de pre ɔltɛm,

Matyu 18:19

“A de tɛl una igen se, if tu pan una gri fɔ aks Gɔd fɔ du sɔntin na dis wɔl, mi Papa we de na ɛvin go du di tin fɔ una.

Di Ibru Pipul Dɛn 13:3

Una mɛmba dɛn pipul we de na jel, lɛkɛ se unasɛf de na jel wit dɛn; ɛn una mɛmba dɛn pipul we de sɔfa, ɛn una put unasɛf na dɛn ples.

Apɔsul Dɛn Wok 12:12

Wɛn Pita no wetin bi, i go na Meri in os. Dis Meri ya na bin Jɔn Mak in mama. Pita mit plɛnti pipul de pre na di os.

Lyuk 18:1

Jizɔs pul parebul fɔ in lanin bɔy dɛn fɔ sho dɛn se dɛn fɔ de pre ɔltɛm ɛn dɛn at nɔ fɔ pwɛl.

Apɔsul Dɛn Wok 12:4

Wɛn dɛn ol Pita, dɛn put am na sɛl. Dɛn mek sikstin soja man dɛn de gyad am; di soja man dɛn bin de fo-fo we dɛn de gyad am. Ɛrɔd Agripa bin mekɔp fɔ lɛ dɛn jɔj Pita wɛn di Ju ɔlide we nem Pasova dɔn.

Apɔsul Dɛn Wok 12:6

Di nɛt bifo di mɔnin we Ɛrɔd bin mekɔp fɔ mek dɛn jɔj Pita, Pita bin de slip midul tu soja man dɛn. Dɛn bin tay am wit tu chen ɛn ɔda soja man dɛn bin tinap na di get de gyad di ples.