Apɔsul Dɛn Wok 12:4 - Krio Fɔs Oli Baybul

⁴ Wɛn dɛn ol Pita, dɛn put am na sɛl. Dɛn mek sikstin soja man dɛn de gyad am; di soja man dɛn bin de fo-fo we dɛn de gyad am. Ɛrɔd Agripa bin mekɔp fɔ lɛ dɛn jɔj Pita wɛn di Ju ɔlide we nem Pasova dɔn.

Apɔsul Dɛn Wok 12:4 Referans Kwoze

Lyuk 22:33

Saymɔn ansa Jizɔs se, “Masta, a dɔn rɛdi fɔ go jel wit yu ɛn fɔ day sɛf wit yu.”

Prɔvabs 19:21

Man kin de plan bɔku tin nain at, bɔt na wetin PAPA GƆD want de bi.

Lyuk 21:12

Bɔt bifo ɔl dɛn tin ya bi, pipul go ol una ɛn du una plɛnti bad tin. Dɛn go drɛg una go bifo dɛn bigman na di Ju mitin os ɛn dɛn go put una na jel. Dɛn go kɛr una go bifo dɛn kiŋ ɛn dɛn gɔvna bikɔs una biliv pan mi.

Apɔsul Dɛn Wok 4:28

Dɛn bigman bin gɛda fɔ du ɔltin we yu bin dɔn mekɔp se fɔ bi. Na dat yu bin ebul du bikɔs yu gɛt pawa ɛn na dat yu bin want mek bi.

Apɔsul Dɛn Wok 4:3

Dɛn ol Pita ɛn Jɔn, bɔt we ivintɛm bin dɔn kam, dɛn go kip dɛn na jel sote do klin.

Jɔn 21:18

A de tɛl yu se, wɛn yu bin yɔŋ, yu kin jɛs rɛdi ɛn go ɛni say we yu want go, bɔt wɛn yu dɔn ol, yu go tret yu an dɛn, ɛn ɔda pɔsin go tay dɛn ɛn kɛr yu go say we yu nɔ want go.”

Matyu 26:5

Bɔt dɛn gri se dɛn nɔ go du am wɛn dɛn de pan di Pasova ɔlide, fɔ mek di pipul dɛn nɔ go fɛt.

Matyu 24:9

“Da tɛm de, dɛn go ol sɔm pan una, ɛn gi una to pipul we go mek una sɔfa, dɔn dɛn go kil una. Pipul nɔ go lɛk una bikɔs una biliv pan mi.

Prɔvabs 27:1

Nɔ bost bɔt tumara bikɔs yu nɔ no wetin go gɛt fɔ apin.

Ɛsta 3:13

Na spɛshal pipul dɛn kɛr di lɛta dɛn go na di difrɛn ples we se dɛn fɔ kil ɛn dɔnawe wit ɔl di Ju dɛn wɛda dɛn yɔŋ ɔ dɛn ol, dɛn na uman ɔ dɛn na pikin, dɛn ɔl fɔ day di sem de na di mɔnt we mek twɛlv in tɔtin de dɔn dɛn fɔ tek ɔl wetin dɛn gɛt.

Apɔsul Dɛn Wok 8:3

Sɔl bigin fɔ mek dɛn pipul we bin biliv Jizɔs, sɔfa. I kin go frɔm os to os go fɛn dɛn, man ɛn uman, ɛn drɛg dɛn go na jel.

Apɔsul Dɛn Wok 5:18

So dɛn ol di apɔsul dɛn ɛn put dɛn na jel.

Jɔn 19:23

Afta di sojaman dɛn dɔn nel Jizɔs pan di krɔs, dɛn tek in klos sheb am fo say ɛn tek wan wan pat. Dɔn dɛn tek di klos we i wɛr pantap we nɔ stich ɛni say.

Lamɛnteshɔn 3:37

Udat dɔn tɔk se na so i fɔ bi ɛn i bi, nɔbɔdi pas PAPA GƆD we dɔn se na so i fɔ bi.

Ɛksodɔs 12:1

PAPA GƆD bin tɔk to Mozis ɛn Erɔn we dɛn bin stil de Ijipt. I se,

Mak 14:1

I bin jɛs lɛf tu de bifo di Ju ɔlide we dɛn kɔl Pasova, we dɛn kin it bred we nɔ gɛt yist. Di bigman dɛn we de mek sakrifays fɔ pipul sin ɛn di Ju Lɔ ticha dɛn bin de fɛn we fɔ ol Jizɔs ɛn kil am, mek plɛnti pipul nɔ no.

Apɔsul Dɛn Wok 12:3

Wɛn di kiŋ si se di Ju pipul dɛn gladi fɔ wetin i du, i du ɔda bad tin; i mek soja man dɛn ol Pita. Ɔl dis bi di tɛm we dɛn bin gɛt wan Ju ɔlide we dɛn kin it bred we nɔ gɛt yist.

Apɔsul Dɛn Wok 12:5

Wɛn Pita bin de na sɛl, di Kristiɛn dɛn bin de pre fɔ am traŋa wan.