Apɔsul Dɛn Wok 12:3 - Krio Fɔs Oli Baybul

³ Wɛn di kiŋ si se di Ju pipul dɛn gladi fɔ wetin i du, i du ɔda bad tin; i mek soja man dɛn ol Pita. Ɔl dis bi di tɛm we dɛn bin gɛt wan Ju ɔlide we dɛn kin it bred we nɔ gɛt yist.

Apɔsul Dɛn Wok 12:3 Referans Kwoze

Ɛksodɔs 23:15

Di fɔs wan we na di ɔlide fɔ it bred we nɔ gɛt yist pan am, fɔ bi insay Abib mɔnt, dat na dis mɔnt we una lɛf Ijipt. Una mek di ɔlide ya fɔ ɔna mi. Nɔbɔdi nɔ fɔ kam bifo mi ɛmti an.

Apɔsul Dɛn Wok 24:27

Wɛn tu ia dɔn pas, Filiks kɔmɔt na pawa ɛn Pɔsiɔs Fɛstɔs tek in ples. Filiks bin want mek di Ju pipul dɛn lɛk am so i nɔ fri Pɔl bifo i go.

Jɔn 12:43

Dɛn bin lɛk fɔ bay gudfes to mɔtalman pas fɔ du dɛn tin we go mek Gɔd satisfay wit dɛn.

Apɔsul Dɛn Wok 25:9

Fɛstɔs bin want fɔ mek di Ju pipul dɛn lɛk am so i aks Pɔl se, “Yu go want lɛ dɛn kɛr yu go Jerusɛlɛm, mek a go tɔk di kes de?”

Lɛta Fɔ Galeshya 1:10

A nɔ de tɔk fɔ mek mɔtalman prez mi, na Gɔd in prez a want. Una min se a want fɔ mek mɔtalman lɛk mi, if na dat a bin want, afta ɔl dɛn ia ya, a nɔ go bi Krays in savant.

Apɔsul Dɛn Wok 20:6

Wɛn da Ju ɔlide we dɛn kin it bred we nɔ gɛt yist, dɔn, wi tek big bot na Fili pay. Na fayv de wi tek bifo wi rich Troas ɛn wi mit di ɔda pipul dɛn de. Na wan wik wi de na Troas.

Fɔs Lɛta Fɔ Tɛsalonayka 2:4

Bɔt wi de tɛl pipul wetin Gɔd want wi fɔ tɛl dɛn, bikɔs i gi wi dis wok we i si se in kin abop pan wi fɔ du am lɛkɛ aw i want wi fɔ du am. Wi nɔ de tray fɔ pliz mɔtalman, bɔt wi want fɔ pliz Gɔd we no wetin de na wi at.

Jɔn 21:18

A de tɛl yu se, wɛn yu bin yɔŋ, yu kin jɛs rɛdi ɛn go ɛni say we yu want go, bɔt wɛn yu dɔn ol, yu go tret yu an dɛn, ɛn ɔda pɔsin go tay dɛn ɛn kɛr yu go say we yu nɔ want go.”

Jɔn 19:11

Jizɔs se, “Yu nɔ bin fɔ gɛt pawa oba mi if Gɔd nɔ bin gi yu da pawa de. Na dat mek, da man we mek dɛn briŋ mi kam bifo yu in sin bad pas yu yon.”

Matyu 26:17

Di fɔs de pan di ɔlide we di Ju dɛn kin it bred we nɔ gɛt yist, di lanin bɔy dɛn go aks Jizɔs usay i want dɛn fɔ go rɛdi di Pasova it.

Di Sam Dɛm 76:10

Di vɛks we yu kin vɛks pan mɔtalman kin lɛ dɛn si wetin mek dɛn fɔ prez yu; ɛn dɛn wan dɛn we nɔba sɔfa we yu de jɔj kin lɛk fɔ prez yu mɔ.

Apɔsul Dɛn Wok 4:13

Di bigman dɛn na di Ju gran kot si se Pita ɛn Jɔn nɔ bin sabi rid ɛn rayt, ɛn dɛn na bin ɔdinari pipul, bɔt dɛn nɔ bin de fred fɔ tɔk. Na dat mek dɛn wɔnda; ɛn dɛn kam gɛt fɔ no se dɛn bin de wit Jizɔs.

Apɔsul Dɛn Wok 2:14

Wɛn dɛn tɔk so, nain Pita ɛn di ɔda ilɛvin apɔsul dɛn tinap; Pita bigin fɔ tɔk to di pipul dɛn lawd wan. I se, “Mi Ju pipul dɛn ɛn una ɔl we de na Jerusɛlɛm, una lisin wetin a de kam tɛl una.

Apɔsul Dɛn Wok 12:4

Wɛn dɛn ol Pita, dɛn put am na sɛl. Dɛn mek sikstin soja man dɛn de gyad am; di soja man dɛn bin de fo-fo we dɛn de gyad am. Ɛrɔd Agripa bin mekɔp fɔ lɛ dɛn jɔj Pita wɛn di Ju ɔlide we nem Pasova dɔn.