Apɔsul Dɛn Wok 12:12 - Krio Fɔs Oli Baybul

¹² Wɛn Pita no wetin bi, i go na Meri in os. Dis Meri ya na bin Jɔn Mak in mama. Pita mit plɛnti pipul de pre na di os.

Apɔsul Dɛn Wok 12:12 Referans Kwoze

Apɔsul Dɛn Wok 12:5

Wɛn Pita bin de na sɛl, di Kristiɛn dɛn bin de pre fɔ am traŋa wan.

Faylimɔn 1:24

Mak, Aristakɔs, Dimas ɛn Lukas we wi ɔl de wok togɛda dɛnsɛf tɛl una adu.

Apɔsul Dɛn Wok 13:5

Wɛn dɛn rich na wan tɔŋ we nem Salamis, dɛn go na di Ju mitin os go tɛl di pipul dɛn bɔt Gɔd. Dɛn bin kɛr Jɔn Mak go fɔ ɛp dɛn.

Apɔsul Dɛn Wok 12:25

Banabas ɛn Sɔl kɛr di kɔpɔ go gi di chɔch bigman dɛn na Jerusɛlɛm. Wɛn dɛn de tɔn bak, dɛn kɛr Jɔn Mak go Antiɔk.

Ayzaya 65:24

Bifo dɛn de pre to mi, a go dɔn ansa, as dɛn de tɔk so, a dɔn yɛri.

Sɛkɛn Lɛta To Timoti 4:11

Na Lyuk nɔmɔ de wit mi na ya. Briŋ Mak kam wit yu wɛn yu de kam, bikɔs in kin de ɛp mi fɔ du di wok.

Lɛta Fɔ Kɔlɔse 4:10

Aristakɔs, we de na jel wit mi, ɛn Mak, we na Banabas in kɔzin tɛl una adu. (A bin dɔn sɛn tɛl una se, wɛn Mak go to una, una fɔ mek i tap to una).

Apɔsul Dɛn Wok 13:13

Pɔl ɛn in kɔmpin dɛn kɔmɔt Pafɔs, dɛn tek big bot go na Paga we de Pamfilya. Jɔn Mak lɛf Pɔl ɛn Banabas dɛn na Paga tɔn bak go Jerusɛlɛm.

Apɔsul Dɛn Wok 16:40

Wɛn Pɔl ɛn Saylas kɔmɔt na di sɛl, dɛn go na Lidia in os. Dɛn mit ɔda Kristiɛn dɛn de, so dɛn kɔrej dɛn bifo dɛn go.

Apɔsul Dɛn Wok 4:23

Wɛn dɛn fri Pita ɛn Jɔn, dɛn go mit di ɔda Kristiɛn dɛn ɛn tɛl dɛn wetin bi to dɛn ɛn wetin di bigman dɛn we de mek sakrifays fɔ pipul sin ɛn ɔl di ɔda bigman dɛn tɛl dɛn.

Pita In Fɔs Lɛta 5:13

Di chɔch pipul dɛn we de na Babilɔn, we tan lɛkɛ una chɔch lili bit, we Gɔd dɔn pik lɛkɛ aw i pik unasɛf, wit Mak, da yɔŋ man we de ɛp mi, de tɛl una adu.