Apɔsul Dɛn Wok 12:10 - Krio Fɔs Oli Baybul

¹⁰ Pita ɛn di enjɛl pas di gyad dɛn na di fɔs get, dɛn pas di sɛkɛn gyad dɛn na di ɔda get. Wɛn Pita ɛn di enjɛl rich na di big ayɛn get, di get opin fɔ insɛf. Pita ɛn di enjɛl kɔmɔt na do. Dɛn ɔl tu bin de waka go dɔŋ di trit; wantɛm, di enjɛl lɔs lɛf Pita in wangren.

Apɔsul Dɛn Wok 12:10 Referans Kwoze

Apɔsul Dɛn Wok 5:19

Bɔt di Masta in enjɛl kam na nɛt ɛn opin di get na di jel we di apɔsul dɛn bin de, dɛn di enjɛl pul di apɔsul dɛn kɔmɔt na di jel ɛn tɛl dɛn se,

Apɔsul Dɛn Wok 16:26

Wantɛm, di grɔn bigin trimbul bad bad wan; ɔl di jelos sɛf bigin shek. Ɔl di sɛl do dɛn opin ɛn di chen dɛn lus kɔmɔt pan ɔl di jelman dɛn.

Jɔn 20:19

Na bin Sɔnde ivin, di lanin bɔy dɛn bin gɛda wan ples ɛn lɔk ɔl di do dɛn, bikɔs dɛn bin de fred di Ju bigman dɛn. Aw dɛn lib de, na de Jizɔs jɛs bɔs pan dɛn ɛn se, “Mek Gɔd gi una kol at.”

Ayzaya 21:8

Nain di wan we si ala se, “Na pan wachman tawa a de tinap o, PAPA GƆD, ol de, ɛvri de, ɛn a de na mi post ol nɛt, ɛvride.

Di Nɔmba Dɛm 15:34

dɔn dɛn kip am fɔs bikɔs dɛn nɔ bin no wetin fɔ du am.

Jɛnɛsis 42:17

We i dɔn tɔk so, i put dɛn na jel fɔ tri de.

Jɛnɛsis 40:3

so i sɛn dɛn go jel na di kapten fɔ di gyad in os, na di sem ples we Josɛf bin de.

Rɛvɛleshɔn 3:7

“Rayt dis mɛsej ya sɛn am go to di enjɛl we de gyad di Kristiɛn dɛn na Filadɛlfia: “Na di mɛsej dis we Krays we na di tru wan, sɛn. Nain ol di ki we Devid bin ol. If i opin ɛni do, nɔbɔdi nɔ de we go ebul lɔk am. If i lɔk ɛni do, nɔbɔdi nɔ de we go ebul opin am:

Apɔsul Dɛn Wok 12:4

Wɛn dɛn ol Pita, dɛn put am na sɛl. Dɛn mek sikstin soja man dɛn de gyad am; di soja man dɛn bin de fo-fo we dɛn de gyad am. Ɛrɔd Agripa bin mekɔp fɔ lɛ dɛn jɔj Pita wɛn di Ju ɔlide we nem Pasova dɔn.

Jɔn 20:26

Afta wan wik dɔn pas, di lanin bɔy dɛn bin gɛda bak na wan ples, ɛn lɔk ɔl di do dɛn. Tɔmɔs insɛf bin de wit dɛn. Pan ɔl we di do bin lɔk, Jizɔs jɛs kam midul dɛn bak ɛn se, “Mek Gɔd gi una kol at.”