Apɔsul Dɛn Wok 11:3 - Krio Fɔs Oli Baybul

³ Dɛn se, “Pita go to dɛn pipul we nɔ sakɔmsayz ɛn it wit dɛn.”

Apɔsul Dɛn Wok 11:3 Referans Kwoze

Apɔsul Dɛn Wok 10:28

I tɛl di pipul dɛn se, “Unasɛf no se wi Ju Lɔ tɛl wi se wi nɔ fɔ kip kɔmpin wit pipul dɛn we nɔto Ju ɔ miks to dɛnsɛf. Bɔt Gɔd dɔn sho mi se a nɔ fɔ se mi kɔmpin mɔtalman nɔ fit fɔ miks to wi.

Lɛta Fɔ Galeshya 2:12

Bifo di pipul dɛn we Jems bin sɛn, rich na Antiɔk, Pita bin dɔn de it wit di Kristiɛn dɛn we nɔto bin Ju, bɔt we di pipul dɛn we Jems sɛn rich, Pita lɛf fɔ it wit dɛn, bikɔs i bin de fred dɛn pipul we bin de pin se, dɛn fɔ sakɔmsayz ɔl dɛn man we na Kristiɛn we nɔto Ju.

Lyuk 15:2

Dat mek dɛn Faresi ɛn dɛn Ju Lɔ ticha bigin grɔmbul, dɛn se, “Dis man de mek padi wit dɛn bad pipul we wi nɔ de miks wit, ɛn i de it wit dɛn.”

Jɔn In Sɛkɛn Lɛta 1:10

If ɛnibɔdi we nɔ biliv wetin Krays dɔn lan wi, kam to una fɔ lan una ɛnitin, una nɔ fɔ kip am na una os; una nɔ fɔ tɛl am adu sɛf.

1 Kɔrint 5:11

A min se una nɔ fɔ gɛt natin fɔ du wit ɛnibɔdi we kɔl insɛf una Kristiɛn brɔda, we liv bad layf, we want ɔltin fɔ insɛf, we de pre to dɛn tin we mɔtalman mek fɔ pre to, ɛn we de gi pipul bad nem; we de drɔnk ɛn we de tif. Una nɔ fɔ sidɔm sɛf fɔ it wit pɔsin lɛkɛ dat.

Apɔsul Dɛn Wok 10:48

Pita se mek dɛn kɔl Jizɔs Krays in nem we dɛn de baptayz dɛn. Di pipul dɛn mek Pita tap to dɛn lili bit.

Apɔsul Dɛn Wok 10:23

Pita kɔl di man dɛn go insay di os ɛn i mek dɛn slip de, da nɛt de. Wɛn do klin, Pita wit di tri man dɛn, ɛn sɔm pan dɛn Gɔd pipul na Jɔpa lɛf fɔ go to Kɔnilyɔs na Sizaria.

Matyu 9:11

Wɛn sɔm pan di Faresi dɛn si dat, dɛn aks Jizɔs in lanin bɔy dɛn se, “Wetin mek una ticha de it wit dɛn kayn pipul ya?”

Jɔn 18:28

Ali mɔnin di gyad dɛn go pul Jizɔs na Kaye fas in os kɛr am go na di gɔvnain os. Di Ju bigman dɛn nɔ go insay di gɔvnain os, bikɔs dɛn Ju Lɔ se if dɛn go insay os we pipul we nɔto Ju tap, dɛn nɔ go klin na Gɔd yay, ɛn dat go mek dɛn nɔ fit fɔ it pan di it we dɛn mek fɔ di Pasova.

Apɔsul Dɛn Wok 10:32

Sɛn kɔl wan man we nem Saymɔn Pita, i de na Jɔpa; i de na wan Saymɔn we de wok dɛn bif kanda, in os we de klos di waf.’