Apɔsul Dɛn Wok 11:2 - Krio Fɔs Oli Baybul

² Dɛn Ju pipul we bin biliv pan Jizɔs tɔk pan Pita bikɔs i go Jerusɛlɛm.

Apɔsul Dɛn Wok 11:2 Referans Kwoze

Apɔsul Dɛn Wok 10:45

Dɛn Ju pipul we bin biliv pan Jizɔs we bin kɔmɔt Jɔpa fala Pita kam, bin wɔnda wɛn dɛn si se Gɔd gi dɛn pipul we nɔto Ju, in Spirit.

Apɔsul Dɛn Wok 15:5

Bɔt sɔm pan dɛn pipul we de na di Faresi grup se, “Dɛn pipul we nɔto Ju fɔ sakɔmsayz ɛn du di tin dɛn we Mozis in Lɔ se dɛn fɔ du.”

Apɔsul Dɛn Wok 15:1

Sɔm pipul kɔmɔt Judia go Antiɔk. Dɛn go tɛl di pipul dɛn na Antiɔk se, Gɔd nɔ go sev dɛn pas dɛn sakɔmsayz bikɔs na dat di Lɔ we Gɔd gi Mozis se.

Apɔsul Dɛn Wok 10:9

Di ɔda de wɛn dɛn pipul ya bin de na rod de go ɛn dɛn bin dɔn rich klos Jɔpa, Saymɔn Pita go pantap di os we flat fɔ pre lɛkɛ aw dɛn Ju pipul kin du. Na bin santɛm.

Lɛta Fɔ Kɔlɔse 4:11

Jɔshwa, we sɔm pipul de kɔl Jɔstɔs, insɛf de tɛl una adu. Pan ɔl dɛn wan we de wok wit mi, di tri pipul dɛn we a jɛs tɔk bɔt, na dɛn nɔmɔ na Ju we dɔn biliv pan Krays ɛn dɛn de wok wit mi fɔ mek Gɔd go rul di wɔl. Dɛn dɔn kɔrej mi plɛnti.

Taytɔs 1:10

Plɛnti pipul de, we nɔ de yɛri wɔd, we de mek ɔda pipul ful wit di nɔnsɛns we dɛn de tɔk, ɛn na dɛn Ju pipul mɔ de du so.