Apɔsul Dɛn Wok 11:1 - Krio Fɔs Oli Baybul

¹ Di apɔsul dɛn ɛn ɔl di pipul dɛn we bin biliv pan Jizɔs na Judia yɛri se dɛn pipul we nɔto Ju biliv Gɔd in wɔd.

Apɔsul Dɛn Wok 11:1 Referans Kwoze

Di Sam Dɛm 22:27

Ɔlman na wɔl go mɛmba se i fɔ prez PAPA GƆD ɛn nain go bi PAPA GƆD insay ɔl di os dɛn,

Malakay 1:11

PAPA GƆD Ɔlmayti se, frɔm we san grap na mɔnin te di tɛm we i de go dɔŋ, nain in nem big to ɔl di neshɔn dɛn na wɔl ɛn ɔlsay we dɛn de mek sakrifays to am, nɔ kin bi bamfa wan bikɔs ɔl di neshɔn dɛn na wɔl no se in na big PAPA GƆD.

Ayzaya 32:15

tete dɛn put PAPA GƆD in Spirit insay wi, ɛn di dray ɛn ɛmti ples tɔn fil we frut de bia bɔku bɔku wan, ɛn dɛn si di fil we frut de bia bɔku bɔku wan lɛkɛ fɔrɛst.

Apɔsul Dɛn Wok 15:3

Di chɔch mɛmba dɛn sɛn Pɔl ɛn Banabas go. Wɛn Pɔl ɛn Banabas bin de pas na Finishia ɛn Sameria, dɛn tɛl di chɔch pipul dɛn se dɛn pipul we nɔto Ju dɔn biliv Gɔd. Dis nyuz mek ɔl di Kristiɛn dɛn gladi bad.

Apɔsul Dɛn Wok 14:27

Wɛn dɛn rich Antiɔk, dɛn gɛda ɔl di pipul dɛn we bin biliv pan Jizɔs ɛn tɛl dɛn ɔl wetin Gɔd mek dɛn du ɛn aw Gɔd mek dɛn pipul we nɔto Ju biliv pan Jizɔs.

Zɛkaraya 2:11

PAPA GƆD se da tɛm de bɔku dɛn ɔda neshɔn go go ɔnda in rul ɛn insɛf go tap midul dɛn, dɔn dɛnsɛf go bi in pipul dɛn ɛn ɔlman go no se na PAPA GƆD sɛn am.

Zɛfinaya 3:9

Dat tɛm de dɛn ɔl go de tɔk wan laŋwej, dat na fɔ de pre to PAPA GƆD nɔmɔ wit ɔl dɛn at ɛn du wetin i want.

Zɛfinaya 2:11

PAPA GƆD insɛf go dil wit dɛn traŋa traŋa wan. Yɛs, i go nyakanyaka dɛn ɛn mek dɛn gɔd nɔ fiba natin to dɛn ɛn ɔlman naw go butu ɛn wɔship am, usay dɛn de, na ɔl di neshɔn dɛn na wɔl.

Mayka 5:7

Da tɛm de di wan dɛn we lɛf na Jekɔb in jɛnareshɔn go de midul di ɔda pipul dɛn lɛk aw ren kin fɔdɔm pan plant fɔ mek i gro fayn. Na PAPA GƆD dɛn abop pan, nɔto pan mɔtalman.

Ozie 2:23

A go sho am wetin i min fɔ mek a lɛk di land. A go sɔri fɔ “a nɔ de sɔri fɔ am”; ɛn lɛ “nɔto mi pɔsin” no se in na mi pɔsin, dɔn insɛf go se, “Yu na mi Gɔd.”

Jɛrimaya 16:19

E PAPA GƆD, we de gi mi trɛnk ɛn we de protɛkt mi, yu we de kɔba mi we a gɛt trɔbul, na to yu di neshɔn dɛn go kam we go kɔmɔt ɔlsay kan tɔk se: “Dɛn nɔ lɛf natin gi wi fɔstɛmpapa dɛm pas lay lay, wɔtlɛs tin dɛm we nɔ go min natin to dɛm.

Ayzaya 62:2

Di wanol wɔl go si se dɛn dɔn pul yu ed kɔmɔt, ɛn ɔl di kiŋ dɛn go si di shayn we una de shayn; ɛn dɛn go gi yu nyu nem we na PAPA GƆD in sɛf sɛf go gi una.

Ayzaya 60:3

Neshɔn dɛm go kam to yu layt, ɛn kiŋ dɛn to di brayt layt we go de sho pan yu.

Ayzaya 52:10

PAPA GƆD dɔn lɛf in oli an na do bifo ɔl dɛn neshɔn dɛn yay; ɛn ɔl di kɔna na wɔl go se wi Gɔd in salveshɔn.

Ayzaya 49:6

I se: “Na smɔl tin fɔ mek yu bi mi wokman fɔ gɛda Jekɔb in difrɛn fambul dɛn ɛn fɔ briŋ di wan dɛn pan Izrɛl we a kip, kam bak; A go mek yu lɛk layt to di neshɔn dɛm, lɛ mi salveshɔn go rich usay di wɔl tap.”

Ayzaya 42:6

Na mi na PAPA GƆD, A dɔn kɔl una fɔ waka tret na mi yay, A dɔn ol una an ɛn kip una; A dɔn gi una as Kɔvinant to di pipul dɛm, ɛn layt to di neshɔn dɛm,

Ayzaya 42:1

Dis na mi wokman we a de sɔpɔt, di wan we a dɔn pik, we mi sol de gladi fɔ; A dɔn put mi Spirit pan am, i go mek ɔl mɔtalman na wɔl trit in kɔmpin di sem.

Ayzaya 11:10

Da de de, Jɛsi in rut go bi sayn to di neshɔn dɛn; naim di neshɔn dɛn go luk fɔ, ɛn ɔlman go kɔle pan di say dɛn we i go tap.

Jɛnɛsis 49:10

Juda, kiŋ wok nɔ go kɔmɔt biɛn yu, yu jɛnareshɔn dɛn go rul te rich to di wan we mek dɛn bi kiŋ. Ɔl di ɔda neshɔn dɛn go obe am.

Lyuk 2:32

Nain na di layt we go mek dɛn wan we nɔ no yu na dis wɔl, no yu; i go mek yu pipul dɛn na Izrɛl gɛt plɛnti ɔna.”

Mak 16:5

Wɛn dɛn de go insay di grev, dɛn si wan yɔŋ man we wɛr lɔŋ wayt klos, i bin sidɔm na di raytan say. Di uman dɛn fred!

Matyu 8:11

A de tɛl una se, plɛnti pipul go kɔmɔt ɔlɔbɔt na wɔl ɛn sidɔm wit Ebraam, Ayzak ɛn Jekɔb na di ples we Gɔd de rul na ɛvin.

Matyu 2:1

Jizɔs bin bɔn na wan tɔŋ we nem Bɛtliɛm we de na Judia. Ɛrɔd na bin kiŋ da tɛm de. I nɔ tu te afta i bɔn, sɔm sɛnsman dɛn we no bɔt sta, we kɔmɔt na di ist, kam na Jerusɛlɛm.

Apɔsul Dɛn Wok 1:15

Wande, dɛn wan we biliv pan Jizɔs bin gɛt mitin; na bɔt wan ɔndrɛd ɛn twɛnti pipul bin go di mitin. Pita tinap midul di pipul dɛn

Apɔsul Dɛn Wok 11:29

Jizɔs in lanin bɔy dɛn gri fɔ ɛp dɛn Kristiɛn na Judia.

Apɔsul Dɛn Wok 28:15

Wɛn di Kristiɛn dɛn na Rom yɛri se wi de kam na Rom, sɔm mit wi na di makit na Apiɔs ɛn sɔm mit wi na wan ples we nem Tri Trenja Os. Wɛn Pɔl si dɛn, dat kɔrej am, i tɛl Gɔd tɛnki.