Apɔsul Dɛn Wok 10:4 - Krio Fɔs Oli Baybul

⁴ Kɔnilyɔs skyad ɛn luk di enjɛl ɛn se, “Wetin yu want, sa?” Di enjɛl se, “Gɔd dɔn yɛri dɛn pre we yu kin de pre, i dɔn si di gud wok we yu dɔn du fɔ dɛn po pipul, ɛn i dɔn ansa yu.

Apɔsul Dɛn Wok 10:4 Referans Kwoze

Lɛta Fɔ Filipay 4:6

Una nɔ fɔ mek ɛnitin wɔri una, bɔt una fɔ de pre bɔt ɔltin. Wɛn una de pre, una fɔ aks Gɔd fɔ ɛnitin we una want ɛn una fɔ tɛl am tɛnki.

Di Ibru Pipul Dɛn 6:10

Gɔd nɔ de du ɛnibɔdi bad, so i nɔ go fɔgɛt di wok we una dɔn du, ɛn i nɔ go fɔgɛt di lɛk we una lɛk am we una bin ɛp una kɔmpin Kristiɛn dɛn, ɛn aw una stil de ɛp dɛn.

Malakay 3:16

Dɛn di wan dɛn we de fred PAPA GƆD tɔk to dɛnsɛf ɛn PAPA GƆD yɛri wetin dɛn se, so i opin wan buk usay i rayt dɛn wan we de fred am dɛn nem, so dat i go de mɛmba se na dɛn de tink bɔt am.

Apɔsul Dɛn Wok 10:31

Di man se, ‘Kɔnilyɔs, Gɔd dɔn yɛri di pre we yu de pre ɛn i dɔn si du gud wok we yu dɔn du fɔ dɛn po pipul. I dɔn ansa yu.

Rɛvɛleshɔn 8:4

We di enjɛl ol di insɛns pɔt bifo Gɔd, wɛn di insɛns de bɔn, di smok bin de go ɔp to Gɔd wit di pre we Gɔd in pipul dɛn bin de pre.

Di Sam Dɛm 141:2

Lɛ mi prea tan lɛkɛ insɛns we a de bɔn fɔ yu, ɛn lɛ mi an dɛn we a es ɔp fɔ pre tan lɛkɛ sakrifays we pɔsin kin mek ivintɛm to yu.

Lɛta Fɔ Filipay 4:18

Una bin dɔn gi mi pas wetin a fɔ gɛt; a gɛt ɔl wetin a want naw we una dɔn sɛn Ɛpafrodaytɔs fɔ kam gi mi di tin dɛn we a bin want bad wan, ɛn wetin una gi mi mek a satisfay, i jɛs tan lɛkɛ sakrifays we una gi Gɔd we Gɔd gri fɔ ɛn we i gladi fɔ.

Di Ibru Pipul Dɛn 13:16

Una nɔ fɔgɛt se una fɔ de du ɔda pipul gud, ɛn una fɔ de gi dɛn pan wetin una gɛt, bikɔs na dɛn kayn sakrifays de, de mek Gɔd gladi.

Lyuk 1:29

Bɔt di wɔd we di enjɛl tɔk mek Meri in at wɔri, ɛn i bigin wɔnda wetin dat min.

Matyu 26:13

A de tɛl una se, ɔlɔbɔt na wɔl we dɛn go tɛl pipul dis gud nyuz, dɛn mɔs mɛmba dis uman fɔ dis wok ya we i dɔn du.”

Daniɛl 10:11

Nain i tɛl mi se, “Daniɛl, man we dɛn lɛk pasmak, lisin wetin a de tɛl yu. Tinap tret, bikɔs dɛn sɛn mi to yu.” Di tɛm we i bin de tɔk to mi, a tinap de trimbul.

Ayzaya 43:26

Una mɛmba mi, lɛ wi agyu; mek una kes, so dat dɛn go pruv se una gɛt rayt.

2 Kronikuls 32:24

Dɛn tɛm de kiŋ Ɛzikaya kam sik ɛn nia fɔ day; ɛn I pre to PAPA GƆD ɛn i ansa am ɛn gi am sayn.

2 Kronikuls 6:33

duya ansa dɛn prea. Ansa dɛn prea na ɛvin ɛn gi dɛn wetin dɛn aks fɔ, so dat ɔlman na wɔl go no bɔt yu ɛn ɔna yu lɛkɛ aw wi di Izrɛlayt dɛn de du; lɛ dɛn go no se yu de na dis os we a dɔn bil fɔ dɛn rɛspɛkt.

1 Samiɛl 3:10

So PAPA GƆD kam bak, tek pozishɔn ɛn kɔl am lɛk aw i dɔn yuz fɔ du. Samiɛl jɛs se “Tɔk, yu pikin de yɛri.”

Apɔsul Dɛn Wok 22:10

A se, ‘Masta, wetin a fɔ du?’ Di Masta ansa mi se, ‘Grap, go Damaskɔs, na de dɛn go tɛl yu ɔltin we Gɔd want yu fɔ du.’

Lyuk 24:5

Dɛn fred ɛn butu dɛn fes na grɔn. Di man dɛn aks dɛn se, “Wetin mek una de luk fɔ pɔsin we gɛt layf pan dɛn wan we dɔn day?

Ayzaya 45:19

A nɔ tɔk sikrit, na land ɔf daknɛs; A nɔ tɛl Jekɔb in pikin dɛm se, luk fɔ mi wit kɔnfyushɔn.’ Mi PAPA GƆD de tɔk tru, A de anawns wetin rayt.

Lɛvitikɔs 2:2

dɔn dɛn fɔ kɛr am go to Erɔn in bɔypikin dɛn we na man dɛn we de mek sakrifays fɔ pipul sin. Di wan pan dɛn we de mek dis patikla sakrifays fɔ tek wan an pan di flawa ɛn ɔyl wit ɔl di frankinsɛns ɛn bɔn am as wetin dɛn go sho to PAPA GƆD se nain yon; na ɔfrin we dɛn go bɔn na faya ɛn i go pul fayn sɛnt we go mek PAPA GƆD gladi.

Di Sam Dɛm 20:3

Lɛ PAPA GƆD mɛmba ɔl wetin yu dɔn gi am bɔt mɔ so, lɛ i gladi fɔ tek di animal dɛn we yu dɔn bɔn bifo am as sakrifays

Apɔsul Dɛn Wok 3:4

Pita ɛn Jɔn luk gud insay di man in yay, na de Pita tɛl am se, “Es yay, luk wi!”

Apɔsul Dɛn Wok 14:9

I bin sidɔm de lisin we Pɔl de tɔk. Pɔl bin no se di man biliv se Gɔd go mek i wɛl, so i luk di man pim,