Apɔsul Dɛn Wok 10:2 - Krio Fɔs Oli Baybul

² Kɔnilyɔs ɛn di pipul dɛn nain os bin fred Gɔd. I bin de du plɛnti gud fɔ ɛp dɛn Ju pipul we po ɛn i kin de pre to Gɔd ɔltɛm.

Apɔsul Dɛn Wok 10:2 Referans Kwoze

Apɔsul Dɛn Wok 10:4

Kɔnilyɔs skyad ɛn luk di enjɛl ɛn se, “Wetin yu want, sa?” Di enjɛl se, “Gɔd dɔn yɛri dɛn pre we yu kin de pre, i dɔn si di gud wok we yu dɔn du fɔ dɛn po pipul, ɛn i dɔn ansa yu.

Apɔsul Dɛn Wok 10:22

Dɛn ansa se, “Na Kapten Kɔnilyɔs, da bigman fɔ dɛn soja man dɛn na Itali, sɛn wi to yu. Na gud man we fred Gɔd ɛn ɔl di Ju pipul dɛn rɛspɛkt am bad. Gɔd bin sɛn enjɛl to Kɔnilyɔs fɔ mek i kɔl yu fɔ go nain os, mek i go yɛri wetin yu gɛt fɔ tɛl am.”

Apɔsul Dɛn Wok 13:16

Pɔl tinap; i mek sayn to di pipul dɛn fɔ sɛt mɔt, dɔn i se, “Mi Ju pipul dɛn ɛn una we nɔto Ju, una ɔl we fred Gɔd; una lisin wetin a de tɔk!

Apɔsul Dɛn Wok 10:35

Gɔd go mek ɛnibɔdi we rɛspɛkt am ɛn du wetin i want, bi in yon.

Apɔsul Dɛn Wok 10:7

Wɛn Gɔd in enjɛl we bin de tɔk to Kɔnilyɔs dɔn go, Kɔnilyɔs kɔl tu pan in bɔy dɛn, wan soja man, ɛn in raytan man we kin pre to Gɔd.

Apɔsul Dɛn Wok 8:2

Na sɔm pipul we bin biliv Gɔd, bɛr Stivin; dɛn kray fɔ am bita wan.

Rɛvɛleshɔn 15:4

Masta, udat de we nɔ go fred yu? Udat nɔ go gri fɔ tɛl ɔda pipul bɔt yu pawa? Na yu wangren na Gɔd. Ɔl dɛn pipul na ɔl dɛn neshɔn go kam fɔdɔm bifo yu ɛn prez yu, bikɔs ɔlman dɔn si se di jɔj we yu de jɔj, gud.”

Apɔsul Dɛn Wok 18:8

Di edman na di Ju mitin os we bin nem Krispɔs bin biliv pan di Masta. Krispɔs ɛn di pipul dɛn we bin de nain os, ɛn plɛnti ɔda pipul we bin de na Kɔrint yɛri wetin Pɔl tɔk; dɛn biliv am ɛn mek i baptayz dɛn.

Apɔsul Dɛn Wok 13:26

“Mi pipul dɛn we de wɔship Gɔd, una we na Ebraam in grampikin pikin dɛm ɛn una we nɔto Ju; Gɔd mek dɛn kam tɛl wi bɔt aw i de sev pipul.

Lyuk 2:25

Da tɛm de, wan man bin de na Jerusɛlɛm we bin nem Simiɔn. Dis man ya bin lɛk Gɔd ɛn i bin de waka tret ɛn de du ɔl wetin Gɔd want. I bin de wet fɔ di tɛm we Gɔd go sɔri fɔ di Izrɛl pipul dɛn ɛn pul dɛn kɔmɔt pan waala. Gɔd in Spirit bin de insay am,

Daniɛl 6:16

Nain di kiŋ gi ɔda, ɛn dɛn go tek Daniɛl ɛn trowe am insay usay dɛn layɔn dɛn de. Di kiŋ tɛl Daniɛl se, “Yu PAPA GƆD we yu de wok fɔ ɔltɛm, go sev yu ya!”

Jems 1:5

If ɛni wan pan una want mɔ sɛns fɔ du ɛnitin, mek i aks Gɔd, Gɔd go gi am, bikɔs Gɔd de gi mɔtalman plɛnti tin dɛn ɛn i gladi fɔ du dat.

Fɔs Lɛta Fɔ Tɛsalonayka 5:17

una fɔ de pre ɔltɛm,

Lɛta Fɔ Kɔlɔse 4:2

Una fɔ de pre ɔltɛm; una fɔ put una at pan dɛn tin we una de tɛl Gɔd ɛn una fɔ de tɛl am tɛnki.

Apɔsul Dɛn Wok 22:12

“Wan man bin de na di tɔŋ we bin nem Ananayas, na man we bin fred Gɔd, i bin de du wetin di Ju Lɔ se ɛn ɔl dɛn Ju na Damaskɔs bin rɛspɛkt am.

Apɔsul Dɛn Wok 13:50

Bɔt di Ju pipul dɛn put wɔd na di bigman na di tɔŋ dɛn yes, dɔn dɛn put wɔd na dɛn big uman we nɔto bin Ju we fred Gɔd, dɛnsɛf yes. So dɛn du Pɔl ɛn Banabas bad bad tin dɛn ɛn drɛb dɛn kɔmɔt na di tɔŋ.

Apɔsul Dɛn Wok 10:31

Di man se, ‘Kɔnilyɔs, Gɔd dɔn yɛri di pre we yu de pre ɛn i dɔn si du gud wok we yu dɔn du fɔ dɛn po pipul. I dɔn ansa yu.

Apɔsul Dɛn Wok 9:36

Wan uman bin de na Jɔpa we bin nem Tabita. (Dɛn Grik pipul de kɔl am Dɔkas we min, bif we dɛn kɔl dia.) Dis uman ya bin biliv pan Jizɔs ɛn ɔltɛm i kin de du gud ɛn i kin de ɛp dɛn po pipul.

Apɔsul Dɛn Wok 9:31

Da tɛm de, nɔbɔdi nɔ mek dɛn pipul we bin biliv pan Jizɔs Krays na Judia, Galili, ɛn Sameria sɔfa igen. Gɔd in Spirit bin de ɛp dɛn fɔ mek mɔ ɛn mɔ pipul biliv pan Jizɔs. Ɔl di pipul dɛn we bin biliv pan Jizɔs bin de du wetin Gɔd want ɛn dɛn bin rɛspɛkt di Masta.

Apɔsul Dɛn Wok 9:11

Di Masta tɛl am se, “Rɛdi, go na da trit we dɛn kɔl Tret Trit; go insay wan man we nem Judas in os ɛn aks fɔ Sɔl we kɔmɔt na wan tɔŋ we nem Tasɔs. Yu go mit i de pre ɛn

Lyuk 18:1

Jizɔs pul parebul fɔ in lanin bɔy dɛn fɔ sho dɛn se dɛn fɔ de pre ɔltɛm ɛn dɛn at nɔ fɔ pwɛl.

Daniɛl 6:26

A de mek wan lɔ se, ɔlman we de ɔlsay we de ɔnda mi, di kiŋ in kɔntrol, fɔ wɔship Daniɛl in PAPA GƆD, bikɔs na PAPA GƆD we gɛt layf, ɛn i de sote go; In kindɔm nɔ go ɛva fɔdɔm ɛn in pawa go de te ɔltin dɔn.

Daniɛl 6:20

Wɛn i kam nia di ol we Daniɛl bin de, i ala lawd wan wit bɔku pen nain vɔys se, “Daniɛl, PAPA GƆD we de sote go we na yu PAPA GƆD we yu de wok fɔ ɔl tɛm, i bin ebul fɔ sev yu frɔm di layɔn dɛn?”

Daniɛl 6:10

Wɛn Daniɛl bin si se di pepa dɔn sayn, i go nain os usay in winda dɛn de nain rum ɔpstiaz, we opin to Jerusɛlɛm; ɛn nildɔŋ tri tɛm fɔ de ɛn pre ɛn tɛl PAPA GƆD tɛnki lɛk aw i bin dɔn de du.

Ayzaya 59:19

So dɛn go fred PAPA GƆD in nem na di wɛst, ɛn in glori kɔmɔt usay di san de rayz; bikɔs I go kam lɛk watasay we di wata de rɔn wit spid, we na PAPA GƆD in briz de push am.

Ɛkliziastis 7:18

I gud fɔ ol wan say ɛn nɔ trowe di ɔda wan; bikɔs pɔsin we de fred PAPA GƆD go sɔksid wit dɛn tu.

Di Sam Dɛm 119:2

Dɛn pipul we de du wetin PAPA GƆD se fɔ du, wit ɔl dɛn at, gɛt blɛsin.

Di Sam Dɛm 102:15

Ɔlman na wɔl fɔ fred yu ɛn di kiŋ dɛn ɔl go fred ɛn rɛspɛkt yu.

Di Sam Dɛm 88:1

E PAPA GƆD, mi PAPA GƆD we de sev mi, ol de ɛn nɛt a de kray to yu lɛkɛ udat gɛt bɛrin.

Di Sam Dɛm 86:3

PAPA GƆD, av masi pan mi, as a nɔ de taya fɔ pre to yu.

Di Sam Dɛm 55:17

Frɔm mɔnin to nɛt, a de kray mek i ɛp mi, ɛn i de yɛri mi.

Di Sam Dɛm 41:1

Pɔsin we de sɔri fɔ udat nɔ ebul insɛf go go gɛt blɛsin. PAPA GƆD go pul in ed kɔmɔt pan trɔbul.

Di Sam Dɛm 25:5

mek a du wetin nɔmɔ yu want mi fɔ du, bikɔs yu na mi PAPA GƆD ɛn mi Seviɔ ɛn na yu nɔmɔ a biliv pan.

Job 1:5

Ɛvri mɔnin afta di pati kin dɔn, Job kin mek shɔ se i sɛn go was dɛn; spɛshal was fɔ mek shɔ se dɛn klin na PAPA GƆD yay; i kin grap ali mɔnin mek bɔn ɔfrin fɔseka dɛn ɔl. I kin tink se sɔntɛm we dɛn de na di pati, dɛn dɔn du ɔ se sɔntin we go dɔn mek PAPA GƆD vɛks pan dɛn. Na so Job bin de du ɔltɛm.

Job 1:1

Wan man bin de we nem Job, ɛn i bin tap na Ɔz. Job na bin gud man ɛn i bin de waka tret wit PAPA GƆD. In fred ɛn rɛspɛkt fɔ PAPA GƆD, ɛn in layf nɔ bin gɛt wan bɔt.

2 Kronikuls 6:33

duya ansa dɛn prea. Ansa dɛn prea na ɛvin ɛn gi dɛn wetin dɛn aks fɔ, so dat ɔlman na wɔl go no bɔt yu ɛn ɔna yu lɛkɛ aw wi di Izrɛlayt dɛn de du; lɛ dɛn go no se yu de na dis os we a dɔn bil fɔ dɛn rɛspɛkt.

1 Kiŋ 8:43

duya ansa dɛn prea. Ansa dɛn prea na ɛvin ɛn gi dɛn wetin dɛn aks fɔ, so dat ɔlman na wɔl go no bɔt yu ɛn ɔna yu lɛkɛ aw wi di Izrɛlayt dɛn de du; lɛ dɛn go no se yu de na dis os we a dɔn bil fɔ dɛn rɛspɛkt.

Jɔshwa 24:15

I se, “if yu nɔ wan sav PAPA GƆD, yu fɔ mekɔp yu maynd tide udat yu go wɔship. ‘As fɔ mi ɛn ɔl udat de na mi os, na PAPA GƆD wi go wɔship” if dɛn at nɔ gi dɛn fɔ sav PAPA GƆD, da de de, dɛn fɔ pik bitwin dɛn fɔstɛmpapa dɛn gɔd ɛn di gɔd we di Amɔrayt dɛn bin de wɔship usay dɛn di Izrɛlayt dɛn bin de so datɛnde.

Jɛnɛsis 18:19

A dɔn pik am fɔ tɛl in jɛnareshɔn dɛn fɔ obe mi ɛn du wetin rayt ɛn tret wit mi. Dat go mek misɛf du ɔl wetin a bin prɔmis am.”

Apɔsul Dɛn Wok 2:5

Ɔl dɛn Ju pipul we fred Gɔd, we kɔmɔt ɔlɔbɔt na dɛn ɔda kɔntri, bin de na Jerusɛlɛm da tɛm de.

Apɔsul Dɛn Wok 11:14

I go kam tɛl yu aw yu ɛn ɔl yu fambul dɛn go sev.’

Matyu 25:17

Semwe so, di wan we gɛt di tu tawzin gold kɔpɔ go tredin wit in kɔpɔ, i gen tu tawzin gold kɔpɔ mɔ.