Apɔsul Dɛn Wok 10:1 - Krio Fɔs Oli Baybul

¹ Wan man bin de na Sizaria we bin nem Kɔnilyɔs, na bin kapten fɔ dɛn soja man na Rom. Dɛn bin de kɔl dɛn soja man ya “Itali Soja man Dɛn”.

Apɔsul Dɛn Wok 10:1 Referans Kwoze

Apɔsul Dɛn Wok 27:1

Wɛn dɛn gri fɔ mek wi go Itali, dɛn lɛf Pɔl ɛn sɔm ɔda jelman dɛn wit wan bigman fɔ dɛn soja man, we nem Julyɔs. Julyɔs na bin wan pan dɛn bigman fɔ di big kiŋ na Rom in soja man dɛn.

Matyu 27:27

Nain Paylet in soja man dɛn kɛr Jizɔs go bifo Paylet in os, dɔn ɔl di soja man dɛn we bin lib de go gɛda rawnd am.

Apɔsul Dɛn Wok 8:40

Wɛn dat dɔn, Filip fɛn insɛf na wan tɔŋ we nem Ezotɔs; wɛn i kɔmɔt de i bigin tɛl ɔl dɛn pipul na ɔl dɛn tɔŋ di Gud Nyuz te i rich Sizaria.

Apɔsul Dɛn Wok 27:43

Bɔt di soja man dɛn bigman nɔ bin want mek dɛn kil Pɔl, so i nɔ gri mek di soja man dɛn kil di jelman dɛn. I tɛl dɛn wan we sabi swim fɔ jomp na di wata ɛn swim go na di sho.

Apɔsul Dɛn Wok 25:1

Wɛn Fɛstɔs bi gɔvna, di de we mek fo, i kɔmɔt Sizaria go Jerusɛlɛm.

Matyu 27:54

Wɛn di soja ɔfisa ɛn di soja man dɛn we bin de gyad Jizɔs si wetin bi wɛn di grɔn shek, dɛn se, “Dis man na Gɔd in Pikin, fɔ tru!”

Apɔsul Dɛn Wok 27:31

Pɔl tɛl di soja man dɛn bigman ɛn di ɔda soja man dɛn se, “If dɛn pipul ya kɔmɔt insay di big bot, una go day!”

Apɔsul Dɛn Wok 25:13

I nɔ tu te afta dat, Kiŋ Agripa ɛn Banaysi kam na Sizaria. Dɛn bin kam tɛl Fɛstɔs adu.

Apɔsul Dɛn Wok 23:33

Wɛn dɛn rich Sizaria, dɛn kɛr Pɔl go to di gɔvna, ɛn dɛn gi di gɔvna di lɛta.

Apɔsul Dɛn Wok 23:23

Di soja man dɛn edman kɔl tu ɔda bigman pan di soja man dɛn; i tɛl dɛn se, “Una go rɛdi tu ɔndrɛd soja man, sɛvinti we de rayd ɔs, ɛn tu ɔndrɛd we de tek lɔŋ nɛf fɛt, fɔ go Sizaria. Una go lɛf bay nayn oklɔk dis nɛt.

Apɔsul Dɛn Wok 22:25

Bɔt wɛn dɛn want bit am, dɛn tay am; nain Pɔl aks di soja man dɛn edman we bin tinap de se, “Di lɔ tɛl una se una kin bit pɔsin we na Roman wɛn una nɔ jɔj am yet?”

Apɔsul Dɛn Wok 21:8

Di ɔda de wi kɔmɔt Tɔlɛmis go Sizaria. Wi go tap to wan man we bin de tɛl pipul di Gud Nyuz, i bin nem Filip. Na bin wan pan dɛn sɛvin pipul we dɛn bin pik na Jerusɛlɛm fɔ ɛp fɔ du Gɔd wok.

Jɔn 18:12

Di Roman sojaman dɛn, di soja man dɛn bigman, ɛn di gyad dɛn ol Jizɔs ɛn tay am,

Jɔn 18:3

So Judas go mit Jizɔs ɛn di ɔda lanin bɔy dɛn na di gadin. I go wit sɔm Roman soja man dɛn ɛn sɔm pan dɛn pipul we bin de gyad Gɔd in Os. Na dɛn bigman we de mek sakrifays fɔ pipul sin ɛn di Faresi dɛn sɛn di gyad dɛn go wit Judas. Dɛn bin ol lamp, faya tik layt, ɛn tin fɔ tek fɛt.

Lyuk 7:2

Wan bigman we na bin ɔfisa na di Roman ami bin gɛt lɛkɛ wan ɔndrɛd soja man ɔnda am. In bɔy we i bin lɛk bad bin sik sote i want day.

Mak 15:16

Di soja man dɛn kɛr Jizɔs go insay Paylet in os, dɔn dɛn gɛda di ɔda soja man dɛn.

Apɔsul Dɛn Wok 10:24

Wɛn i rich Sizaria di ɔda de, Kɔnilyɔs bin de wet dɛn, i bin dɔn kɔl in fambul dɛn ɛn in padi dɛn.

Apɔsul Dɛn Wok 21:31

Di pipul dɛn bin de tray fɔ kil Pɔl, nain dɛn sɛn go tɛl di Roman soja man dɛn edman se fɛt de na di tɔŋ.