Apɔsul Dɛn Wok 1:9 - Krio Fɔs Oli Baybul

⁹ Wɛn Jizɔs tɔk dɔn, aw di apɔsul dɛn de luk am, nain Gɔd tek am go ɔp na ɛvin. Di apɔsul dɛn luk Jizɔs sote i lɔs na di klawd.

Apɔsul Dɛn Wok 1:9 Referans Kwoze

Daniɛl 7:13

Insay di vishɔn dɛn na nɛt, a si pɔsin insay di klawd dɛn we de ɔp, pɔsin we tan lɛk mɔtalman, nain i kam to di Enshɛnt ɔf Dez ɛn dɛn sho am to am.

Mak 16:19

Wɛn Masta Jizɔs dɔn tɔk to in lanin bɔy dɛn, Gɔd tek am go ɔp na ɛvin, i go sidɔm na Gɔd in raytan.

Apɔsul Dɛn Wok 1:2

sote di de we Gɔd tek am go ɛvin. Bifo Jizɔs go ɛvin, Gɔd in Spirit we bin de pan am mek i tɛl dɛn apɔsul we i pik wetin dɛn fɔ du.

Ɛksodɔs 19:9

PAPA GƆD tɔk bak to Mozis. I se, “A de kam dɔŋ to yu insay wan tik, tik klawd fɔ lɛ di pipul dɛn go yɛri we a de tɔk to yu; dat go mek dɛn biliv yu frɔm naw sote go.” Dɔn Mozis tɛl PAPA GƆD wetin di pipul dɛn se.

Rɛvɛleshɔn 11:12

Dɛn di tu prɔfɛt dɛn yɛri lawd vɔys we kɔmɔt na ɛvin de tɔk to dɛn se, “Una kam ɔp ya!” Aw di pipul dɛn we nɔ lɛk dɛn tinap de luk dɛn, dɛn go ɔp na ɛvin insay wan klawd.

Jɔn 6:62

Wɛl, wetin go bi if una si Mɔtalman Pikin tɔn bak go na di ples we i bin de fɔs?

Lyuk 21:27

Da tɛm de, ɔlman go si we Mɔtalman Pikin de kɔmɔt na klawd ɛn kam na wɔl wit pawa ɛn brayt brayt layt go de shayn rawnd am.

Ayzaya 19:1

Wetin PAPA GƆD se go apin to Ijipt. Una luk o, PAPA GƆD de rayd pantap wan klawd we gɛt spid ɛn kam na Ijipt; di laylay gɔd dɛn na Ijipt go trimbul bifo am ɛn di Ijipshian dɛn go wan day wit fred.

Di Sam Dɛm 68:18

We i bin de go ɔp na ɛvin i kapchɔ pipul ɛn tek dɛn go wit am; pipul ɔl gi am prɛzɛnt, ɛn ivin dɛn wan we bin de mek rebɛl pan in di PAPA GƆD, bato am.

Rɛvɛleshɔn 14:4

Dɛn na man dɛn we nɔ bin miks pan uman biznɛs; dɛn bin de fala di Ship ɛni say i go. Na di Ship bin pik dɛn kɔmɔt to dɛn ɔda mɔtalman wɛn i bay dɛn, ɛn na dɛn fɔs i put wansay fɔ insɛf nɔmɔ ɛn fɔ Gɔd.

Rɛvɛleshɔn 1:7

A de tɛl una se na midul klawd i go kam ɛn ɔlman go si am; dɛn pipul sɛf we bin chuk am go si am; pipul na ɔl dɛn kɔntri ɛn dɛn wan we de tɔk dɛn difrɛn difrɛn laŋwej na wɔl go sɔri bikɔs i de kam. Na so i go bi fɔ tru! Emɛn.

Ɛksodɔs 34:5

PAPA GƆD kam dɔŋ insay di klawd ɛn tinap de wit am. Dɛn PAPA GƆD kɔl in oli nem Gɔd.

Apɔsul Dɛn Wok 1:11

Di tu man dɛn tɛl dɛn se, “Una we kɔmɔt Galili, wetindu una de luk na di klawd? Dis sem Jizɔs ya we Gɔd tek go ɔp na ɛvin go kam bak na wɔl lɛkɛ aw una si am de go ɔp na ɛvin.”

Fɔs Lɛta Fɔ Tɛsalonayka 4:17

afta dat, Gɔd go mek wi we nɔ go dɔn day yet ɛn dɛn wan we bin dɔn day, go ɔp na di klawd, ɛn wi ɔl go gɛda rawnd di Masta. So wi go de wit di Masta ɔltɛm.

Fɔs Lɛta To Timoti 3:16

Nɔbɔdi nɔ go dinay se di sikrit we de insay wi rilijɔn na big wan: I kam lɛkɛ mɔtalman, Gɔd in Spirit sho se i rayt fɔ du dat. Enjɛl dɛn si am. Pipul tɔk bɔt am ɔlɔbɔt na dɛn difrɛn neshɔn. Pipul na wɔl bin biliv pan am, Gɔd tek am go ɛvin, ɛn put am nain raytan.