Apɔsul Dɛn Wok 1:8 - Krio Fɔs Oli Baybul

⁸ Wɛn Gɔd in Spirit kam pan una, i go gi una pawa fɔ mek una tɔk bɔt mi na Jerusɛlɛm, na Judia, na Sameria ɛn ɔlɔbɔt na wɔl.”

Apɔsul Dɛn Wok 1:8 Referans Kwoze

Matyu 28:19

Una go ɔlɔbɔt na di wɔl ɛn mek di pipul dɛn bi mi lanin bɔy dɛn; una baptayz dɛn wit di pawa we Papa Gɔd ɛn in Pikin ɛn in Spirit gi una.

Mak 16:15

Jizɔs se, “Una go ɔlɔbɔt na di wɔl ɛn tɛl ɔlman di Gud Nyuz bɔt mi.

Lɛta Fɔ Rom 15:19

di wɔndaful wok dɛn we sho se Gɔd gɛt pawa, ɛn di pawa we Gɔd in Spirit gɛt mek dɛn du wetin Gɔd bin want dɛn fɔ du. Ɛni say we a tap wɛn a bin kɔmɔt Jerusɛlɛm de go Ilirikum, a tɛl pipul di Gud Nyuz bɔt Krays.

Apɔsul Dɛn Wok 5:32

Wi, we nain apɔsul dɛn, ɛn Gɔd in Spirit, de mek pipul no bɔt dɛn tin ya. Gɔd dɔn gi dɛn pipul we de du wetin i tɛl dɛn fɔ du, in Spirit.”

Apɔsul Dɛn Wok 4:33

Di apɔsul dɛn bin de sho se Gɔd in pawa de wit dɛn wɛn dɛn de tɛl ɔda pipul se Jizɔs bin rayz frɔm di grev. Gɔd bin de blɛs dɛn ɔl.

Apɔsul Dɛn Wok 6:8

Stivin na bin man we gɛt Gɔd in blɛsin ɛn Gɔd in pawa we mek i ebul du plɛnti big wok we ɔlman si.

Lɛta Fɔ Rom 10:18

Bɔt mek a aks una sɔntin: Na tru se di Ju dɛn nɔ bin dɔn yɛri di mɛsej bɔt Jizɔs Krays? Dɛn bin dɔn yɛri di mɛsej, yɛs. Dɛn rayt na Gɔd in Buk se: “Ɔl dɛn pipul ɔlɔbɔt na wɔl yɛri di wɔd dɛn we di mɛsenja dɛn tɔk.”

Jɔn 15:27

Ɛn unasɛf go tɔk bɔt mi, bikɔs una dɔn de wit mi frɔm di tɛm we a bin bigin lan pipul.

Lyuk 10:19

A dɔn gi una pawa: una go mas snek, dɛn nɔ go du una natin; una go mas kɔktel, dɛn nɔ go bɛt una. A dɔn gi una pawa oba ɔl Setan in pawa so natin nɔ go du una.

Apɔsul Dɛn Wok 1:5

Jɔn bin de baptayz pipul wit wata, bɔt i nɔ go te igen Gɔd go baptayz una wit in Spirit.”

Matyu 24:14

Pipul go tɛl ɔlman na wɔl di Gud Nyuz bɔt wɛn Gɔd go rul di wɔl, so dat ɔlman go gɛt di chans fɔ yɛri ɛn biliv di Gud Nyuz; na da tɛm de di wɔl go dɔn.

Apɔsul Dɛn Wok 2:32

Gɔd dɔn mek Jizɔs rayz frɔm di grev ɛn wi, we nain apɔsul dɛn de tɛl una bɔt wetin bin bi we wisɛf si.

Zɛkaraya 4:6

Dɔn di enjɛl tɛl am se PAPA GƆD want am fɔ no se nɔto bay di trɛnk ɔ pawa we i gɛt bɔt na bay PAPA GƆD in Spirit.

Apɔsul Dɛn Wok 22:15

Yu go de tɛl ɔlman wetin yu dɔn si ɛn wetin yu dɔn yɛri.

Mayka 3:8

Mayka tɛl dɛn se na PAPA GƆD in spirit nɔmɔ we de pan am de gi am pawa. I se i de gi am sɛns ɛn mek i ebul fɔ tɛl Jekɔb in jɛnareshɔn bɔt di bad we dɛn de du ɛn fɔ tɛl Izrɛl bɔt di sin dɛn we dɛn de kɔmit.

Di Sam Dɛm 22:27

Ɔlman na wɔl go mɛmba se i fɔ prez PAPA GƆD ɛn nain go bi PAPA GƆD insay ɔl di os dɛn,

Apɔsul Dɛn Wok 13:31

Jizɔs sho insɛf plɛnti tɛm to dɛn pipul we fala am kɔmɔt Galili go Jerusɛlɛm, ɛn dɛn pipul ya bin de tɛl ɔda pipul dɛn na Izrɛl bɔt am.

Lyuk 1:35

Di enjɛl ansa am se, “Gɔd in Spirit go kam pan yu, Gɔd we pas ɔl in pawa go kɔba yu. Na dat mek pipul go kɔl di pikin we Gɔd go sɛn we yu go bɔn, Gɔd in Pikin.

Apɔsul Dɛn Wok 3:15

So, una kil Jizɔs we gɛt pawa fɔ gi tru layf, bɔt Gɔd mek i rayz frɔm di grev. Wi, we nain apɔsul dɛn, si Jizɔs wit wi yon yay afta i rayz frɔm di grev.

Ayzaya 52:10

PAPA GƆD dɔn lɛf in oli an na do bifo ɔl dɛn neshɔn dɛn yay; ɛn ɔl di kɔna na wɔl go se wi Gɔd in salveshɔn.

Lɛta Fɔ Kɔlɔse 1:23

Na so i go bi if una stil biliv di Gud Nyuz ɛn una nɔ dawt Gɔd. Una nɔ fɔ gri mek ɛnibɔdi mek una lɛf fɔ abop pan di tin we di Gud Nyuz we una dɔn yɛri mek una abop pan. Mi yon wok na fɔ tɛl una di Gud Nyuz we ɔlman na wɔl dɔn yɛri.

Ayzaya 66:19

Ɛn a go put wan sayn to dɛn. Ɛn a go sɛn di wan dɛn we nɔ day pan dɛn go na difrɛn neshɔn dɛm, dat na Tashish, Tubal ɛn Javan, to dɛn fa fawe kɔntri dɛn we de nia si, ɛn nɔ yɛri bɔt mi yet ɛn nɔ si mi glɔri yet; na dɛn go go tɛl dɛn bɔt mi glɔri.

Ayzaya 49:6

I se: “Na smɔl tin fɔ mek yu bi mi wokman fɔ gɛda Jekɔb in difrɛn fambul dɛn ɛn fɔ briŋ di wan dɛn pan Izrɛl we a kip, kam bak; A go mek yu lɛk layt to di neshɔn dɛm, lɛ mi salveshɔn go rich usay di wɔl tap.”

Apɔsul Dɛn Wok 8:1

Sɔl gladi we dɛn kil Stivin. Frɔm di de we dɛn kil Stivin, nain dɛn Ju bigman dɛn bigin mek dɛn pipul we bin biliv Jizɔs Krays, sɔfa bad wan. Dɛn ɔl rɔnawe kɔmɔt Jerusɛlɛm. Sɔm go Judia, sɔm go Sameria. Na di apɔsul dɛn nɔmɔ bin lɛf na di tɔŋ.

Ayzaya 42:10

Siŋ wan nyu siŋ to PAPA GƆD, siŋ in prez usay di wɔl tap! Le di si ala ɛn ɔl wetin de de, di kɔntri dɛn nia di si ɛn di wan dɛm we tap de.

Di Sam Dɛm 98:3

I mɛmba in lɔv ɛn aw i tru to di Izrɛlayt dɛn; Di wanol wɔl dɛn si aw PAPA GƆD de sev pipul.

Lyuk 24:29

so di tu man dɛn beg am fɔ slip na di sem os wit dɛn. Dɛn se, “Lɛ wi ɔl slip na ya bikɔs di tɛm dɔn let.” So Jizɔs go wit dɛn.

Jɛrimaya 16:19

E PAPA GƆD, we de gi mi trɛnk ɛn we de protɛkt mi, yu we de kɔba mi we a gɛt trɔbul, na to yu di neshɔn dɛn go kam we go kɔmɔt ɔlsay kan tɔk se: “Dɛn nɔ lɛf natin gi wi fɔstɛmpapa dɛm pas lay lay, wɔtlɛs tin dɛm we nɔ go min natin to dɛm.