Apɔsul Dɛn Wok 1:6 - Krio Fɔs Oli Baybul

⁶ Wɛn di apɔsul dɛn bin gɛda na wan mitin, dɛn aks Jizɔs se, “Masta, na naw yu go mek di Izrɛl pipul dɛn rul bak?”

Apɔsul Dɛn Wok 1:6 Referans Kwoze

Lyuk 19:11

As di pipul dɛn de bin de lisin, Jizɔs pul wan ɔda parebul bikɔs i bin de klos Jerusɛlɛm ɛn di pipul dɛn bin min se Gɔd go kam dɔŋ kam rul wantɛm.

Lyuk 17:20

Di Faresi dɛn aks Jizɔs ustɛm Gɔd go kam fɔ rul di wɔl. Jizɔs ansa dɛn se, “Wɛn Gɔd de kam fɔ rul di wɔl una nɔ go si sayn fɔ sho una se Gɔd de kam fɔ rul di wɔl.

Daniɛl 7:27

Di kindɔm ɛn di pawa ɛn di kindɔm in pawa ɔnda di wanol ɛvin go go to di pipul dɛn we biliv pan PAPA GƆD we ay pas ɔl; dɛn kindɔm go de sote go ɛn ɔl ɔda pawa dɛn go wok fɔ dɛn ɛn go obe dɛn.’

Matyu 24:3

Wɛn Jizɔs sidɔm na Mawnt Ɔliv, in lanin bɔy dɛn nɔmɔ kam mit am ɛn aks am se, “Tɛl wi ustɛm dɛn tin ya go bi, us sayn go sho wi se yu de kam bak ɛn di wɔl de dɔn?”

Lyuk 22:29

Lɛkɛ aw mi Papa dɔn gi mi pawa fɔ rul, na so misɛf gi una pawa fɔ rul.

Matyu 17:11

Jizɔs ansa se, “Dɛn rayt na Gɔd in Buk se Ilayja go kam bak fɔ rɛdi ɔltin.

Matyu 20:21

Jizɔs aks am se, “Wetin yu want?” I ansa se, “A want mek yu prɔmis mi se, mi tu pikin dɛn go sidɔm klos yu wɛn yu de rul, wan fɔ sidɔm na yu raytan ɛn di ɔda wan na yu lɛfan.”

Zɛkaraya 9:9

I se, di pipul na Zayɔn fɔ gladi bad. Di wan dɛn na Jerusɛlɛm fɔ ala big big wan bikɔs dɛn kiŋ de kam mit dɛn. Pan ɔl we i dɔn win batul dɛn, na ɔdinari dɔŋki i de rayd pan, di bebi wan lɛk se in nɔto natin.

Emɔs 9:11

PAPA GƆD tɔk se, “Wande wande, a go mek Devid in kindɔm, we dɔn tan lɛk os we dɔn brok, tinap bak. A go ripia di wɔl dɛn ɛn bil dɛn bak. A go mek lɛ i tan lɛk aw i bin tan lɔntɛm.

Jɛrimaya 33:26

datɛnde, a bin fɔ pul an pan Jekob ɛn Devid we na mi wokman dɛn disɛndant dɛm, ɛn a nɔ go pik wan pan in disɛndant dɛn fɔ rul Ebram, Ayzak ɛn Jekob dɛn sid. Bikɔs a go gi dɛm dɛn jɛntri bak, ɛn a go sho dɛn masi.”

Ayzaya 1:26

Ɛn a go put una jɔj dɛn bak lɛk fɔstɛm, ɛn una advays dɛn, jɛs lɛk aw una bin bigin. Afta dat, dɛn go kɔl una di siti we de waka tret na PAPA GƆD in yay, siti we de kip Gɔd wɔd.”

Jɛnɛsis 49:10

Juda, kiŋ wok nɔ go kɔmɔt biɛn yu, yu jɛnareshɔn dɛn go rul te rich to di wan we mek dɛn bi kiŋ. Ɔl di ɔda neshɔn dɛn go obe am.

Jɔn 21:21

Wɛn Pita si am, i aks Jizɔs se, “Masta, wetin go bi to dis man ya?”

Mak 9:12

Jizɔs ansa se, “Ilayja mɔs kam ɛn rɛdi ɔltin. Bɔt wetindu dɛn rayt na Gɔd in Buk se Mɔtalman Pikin go sɔfa plɛnti ɛn pipul nɔ go tek am mek natin?

Mayka 5:2

PAPA GƆD se na Bɛtliɛm Ɛfrata we smɔl pas ɔl di siti dɛn na Juda, i go mek sɔmbɔdi kɔmɔt ɛn bi bigman insay Izrɛl ɛn na pɔsin we ɔlman go no bɔt bikɔs dɛn go no in fambul tik.

Ozie 3:4

Di Izrɛlayt dɛn go de fɔ lɔŋ ɛn nɔ go gɛt kiŋ ɔ prins, dɛn nɔ go ivin mek sakrifays; ples ɔ pɔsin fɔ mek sakrifays nɔ go de, ɛn dɛn nɔ go ebul no wetin PAPA GƆD se.