Apɔsul Dɛn Wok 1:5 - Krio Fɔs Oli Baybul

⁵ Jɔn bin de baptayz pipul wit wata, bɔt i nɔ go te igen Gɔd go baptayz una wit in Spirit.”

Apɔsul Dɛn Wok 1:5 Referans Kwoze

Matyu 3:11

A de baptayz una wit wata fɔ sho se una dɔn lɛf fɔ du bad, bɔt di wan we de kam afta a dɔn du mi wok, in go baptayz una wit Gɔd in Spirit ɛn wit faya. I gɛt pawa pas mi, ɛn a nɔ fit sɛf fɔ lus in sus.

Lyuk 3:16

Jɔn se, “A de baptayz wit wata nɔmɔ, bɔt pɔsin we gɛt pawa pas mi de kam. A nɔ fit sɛf fɔ lus in sus. I go baptayz una wit Gɔd in Spirit ɛn wit faya.

1 Kɔrint 12:13

Semwe so, bay di sem Spirit, we wi dɔn baptayz, wi ɔl dɔn kam bi wan bɔdi, we na Krays in bɔdi; dɛn wan we na Ju ɛn dɛn wan we nɔto Ju, dɛn wan we na slev, ɛn dɛn wan we fri; ɛn di sem Spirit dɔn kam insay wi ɔl.

Taytɔs 3:5

i sev wi; ɛn nɔto fɔseka ɛni gud tin we wi bin dɔn du mek i du so, bɔt na bikɔs i sɔri fɔ wi, na dat mek i mek in Spirit klin wi layf ɛn gi wi nyu spirit ɛn nyu layf.

Mak 1:8

A dɔn baptayz una wit wata, bɔt in go baptayz una wit Gɔd in Spirit.”

Apɔsul Dɛn Wok 19:4

Pɔl se, “Wɛn Jɔn de baptayz pɔsin, i kin tɛl am mek i lɛf fɔ du di bad tin dɛn we i de du; i tɛl di Izrɛl pipul dɛn fɔ biliv di Wan we go kam wɛn in dɔn go. Na Jizɔs i bin de tɔk bɔt.”

Apɔsul Dɛn Wok 10:45

Dɛn Ju pipul we bin biliv pan Jizɔs we bin kɔmɔt Jɔpa fala Pita kam, bin wɔnda wɛn dɛn si se Gɔd gi dɛn pipul we nɔto Ju, in Spirit.

Jɔn 1:31

A nɔ bin no udat da pɔsin de go bi, bɔt wɛn a kam a bigin baptayz pipul wit wata, so dat di Izrɛl pipul dɛn go kam gɛt fɔ no udat i bi bambay.”

Joɛl 3:18

Da de de, di mawnten dɛnsɛf go gɛt wayn bɔku ɛn di il dɛn go gɛt bɔku milk, ɔl di watasay dɛn na Juda go gɛt bɔku wata; ɛn wata sɛf go bɔs insay PAPA GƆD in os fɔ wata di Shitim Vali.

Matyu 3:6

Dɛn kin tɛl Gɔd ɔl di bad tin dɛn we dɛn dɔn du, dɛn Jɔn kin baptayz dɛn na Riva Jɔdan.

Jɔn 1:26

Jɔn ansa se, “Mi de baptayz pipul wit wata, bɔt sɔmbɔdi de wit una, we una nɔ no.

Jɔn 1:33

A nɔ bin no yet se nain na di Pɔsin we a de wet, bɔt Gɔd we sɛn mi fɔ baptayz pipul wit wata bin dɔn tɛl mi bɔt am. I bin se, ‘Yu go si di Spirit kam dɔŋ pan wan pɔsin ɛn de wit am; na di pɔsin dat we go baptayz pipul wit Gɔd in Spirit.’”