Apɔsul Dɛn Wok 1:4 - Krio Fɔs Oli Baybul

⁴ Di tɛm we Jizɔs bin stil de wit dɛn, i bin tɛl dɛn fɔ du sɔntin; i bin se, “Una nɔ fɔ kɔmɔt na Jerusɛlɛm, una fɔ wet te una gɛt wetin mi Papa dɔn prɔmis una, we a bin dɔn tɛl una bɔt.

Apɔsul Dɛn Wok 1:4 Referans Kwoze

Lyuk 24:49

A go sɛn wetin mi Papa dɔn prɔmis to una. Bɔt una wet na Jerusɛlɛm sote una gɛt pawa we kɔmɔt ɛvin ɛn kɔba una lɛkɛ kɔba klos, bifo una go.”

Jɔn 14:16

A go aks mi Papa fɔ gi una ɔda pɔsin we go de ɛp una fɔ du wetin Gɔd want ɛn i go sɛn di pɔsin kam. Da pɔsin go de wit una sote go.

Jɔn 15:26

“Wɛn di wan we de ɛp pipul fɔ du wetin Gɔd want, kam, dat na di Spirit we kɔmɔt to mi Papa, i go mek pipul no di tru tin bɔt Gɔd. A go mek mi Papa sɛn am kam to una ɛn i go tɛl una bɔt mi.

Apɔsul Dɛn Wok 2:33

Gɔd dɔn mek Jizɔs rayz frɔm di grev ɛn mek i sidɔm nain raytan. Papa Gɔd dɔn gi Jizɔs in Spirit we i bin prɔmis ɛn ɔl wetin una de si ɛn wetin una de yɛri, na Jizɔs de mek dɛn bi.

Jɔn 7:39

Jizɔs bin de tɔk dat bɔt di Spirit we ɔl dɛn pipul we biliv pan am go gɛt. Gɔd nɔ bin dɔn gi dɛn di Spirit yet, bikɔs i nɔ bin dɔn mek Jizɔs go ɔp ɔp na ɛvin ɛn gɛt ɔna yet.

Jɔn 20:22

Dɔn i blo pan dɛn ɛn se, “Una mek Gɔd in Spirit kam insay una.

Lyuk 12:12

Wɛn da tɛm de rich, Gɔd in Spirit go tɛl una wetin una fɔ tɔk.”

Lyuk 11:13

If una we bad so sabi fɔ gi una pikin dɛn gud tin, Gɔd we na una Papa we de na ɛvin go gi una gud tin pas dat; i go gi dɛn wan we aks am in Spirit!”

Apɔsul Dɛn Wok 10:41

I nɔ sho insɛf to ɔlman! Na to wi nɔmɔ, we Gɔd dɔn pik fɔ si am, i sho insɛf. Afta Jizɔs rayz frɔm di grev, wi bin it ɛn drink wit am.

Matyu 10:20

Nɔto una go de tɔk da tɛm de, na Gɔd we na una Papa in Spirit go put di wɔd dɛn na una mɔt.

Di Nɔmba Dɛm 9:22

If i kɔba di Tɛnt fɔ wande o, ɔ wan mɔnt o ɔ ivin wan ia sɛf, di Izrɛlayt dɛn go de na kamp ɛn nɔ muf bɔt wans i grap, dɛn go go.