Apɔsul Dɛn Wok 1:3 - Krio Fɔs Oli Baybul

³ Afta Jizɔs day, fɔ fɔti de i bin de sho insɛf to in apɔsul dɛn; ɛn bay aw i kin sho insɛf ɔltɛm, in apɔsul dɛn nɔ dawt se i bin stil de layf wan. Ɛnitɛm we Jizɔs sho insɛf to dɛn, i kin tɛl dɛn bɔt Gɔd in rul.

Apɔsul Dɛn Wok 1:3 Referans Kwoze

Apɔsul Dɛn Wok 13:31

Jizɔs sho insɛf plɛnti tɛm to dɛn pipul we fala am kɔmɔt Galili go Jerusɛlɛm, ɛn dɛn pipul ya bin de tɛl ɔda pipul dɛn na Izrɛl bɔt am.

Jɔn 20:26

Afta wan wik dɔn pas, di lanin bɔy dɛn bin gɛda bak na wan ples, ɛn lɔk ɔl di do dɛn. Tɔmɔs insɛf bin de wit dɛn. Pan ɔl we di do bin lɔk, Jizɔs jɛs kam midul dɛn bak ɛn se, “Mek Gɔd gi una kol at.”

Jɔn In Fɔs Lɛta 1:1

Wi de rayt to una bɔt di Wɔd we gɛt layf, we bin dɔn de frɔm we Gɔd mek di wɔl. Wi dɔn yɛri am, wi dɔn si am wit wi yon yay, ɛn wi dɔn tɔch am wit wi an.

Jɔn 21:14

Na di tɔd tɛm dat we Jizɔs sho insɛf to in lanin bɔy dɛn, afta i rayz frɔm di grev.

Jɔn 21:1

Afta dat, Jizɔs sho insɛf bak to in lanin bɔy dɛn, wɛn dɛn bin de klos Lek Taybiryɔs. Na di tin dis we bi:

Matyu 28:9

Aw dɛn de go, nain dɛn jɛs si Jizɔs. Jizɔs tɔk to dɛn. I se, “Mek una gɛt kol at.” Dɛn go ol Jizɔs in fut ɛn wɔship am.

Apɔsul Dɛn Wok 28:31

I kin tɛl dɛn bɔt Gɔd in rul. I nɔba fred wɛn i de lan dɛn bɔt Masta Jizɔs Krays ɛn nɔbɔdi nɔba ambɔg am.

Fɔs Lɛta Fɔ Tɛsalonayka 2:12

Wi kin tɔk to una mek una at nɔ pwɛl, ɛn wi kin tɛl una ɔltɛm fɔ liv di kayn layf we go mek Gɔd satisfay wit una, bikɔs Gɔd kɔl una fɔ bi in yon pipul we i de rul ɛn fɔ gɛt pan di ɔna we i gɛt.

Lɛta Fɔ Kɔlɔse 1:13

I pul wi kɔmɔt pan sin we bin gɛt pawa oba wi ɛn we bin mek wi de na dak ɛn i briŋ wi kam ɔnda in Pikin we i lɛk bad, in pawa. Na Gɔd in Pikin dɔn pul wi kɔmɔt ɔnda sin in pawa, dat na we i dɔn padin wi.

Lɛta Fɔ Rom 14:17

Wɛn pɔsin de tɔk bɔt di rul we Gɔd de rul, i nɔ de tɔk bɔt tin fɔ it ɛn tin fɔ drink, bɔt i de tɔk bɔt aw Gɔd de mek ɔltin rayt bitwin in ɛn mɔtalman, di kol at we Gɔd de gi, ɛn di gladi we Gɔd in Spirit de put na pɔsin in at.

Matyu 21:43

“So a de tɛl una se, ‘Di rayt we una gɛt fɔ mek Gɔd rul una nɔ go bi una yon igen, na dɛn pipul we go du wetin Gɔd want go gɛt am.’ [

Ditarɔnɔmi 9:9

Mozis se we in bin go ɔp di mawnten fɔ go tek di tablɛt dɛn we PAPA GƆD bin dɔn rayt ɔl wetin dɛn fɔ de du, ɛn nɔ fɔ de du fɔseka di Kɔvinant we dɛn bin mek wit am, in bin de de fɔ fɔti de ɛn i nɔ it natin; wata sɛf a i nɔ drink.

Matyu 4:2

Wɛn Jizɔs dɔn fast fɔti de ɛn nɛt, i bin aŋri.

Matyu 3:2

“Una chenj una we ɛn lɛf fɔ du di bad tin dɛn we una de du, bikɔs Gɔd in rul dɔn kam klos!”

1 Kiŋ 19:8

I grap bak, i it ɛn drink; na da it de de nain bɛlɛ we gi am trɛnk fɔ fɔti de ɛn fɔti nɛt te i rich Saynay we na PAPA GƆD in mawnten.

Ditarɔnɔmi 9:18

Mozis se nain in lidɔm bak flat wan na grɔn ɛn pre to PAPA GƆD fɔ ɔda fɔti de ɛn fɔti nɛt, fɔ ɔl di sin dɛn we di Izrɛlayt dɛn bin dɔn kɔmit we mek PAPA GƆD vɛks bad bad wan. Ɔl datɛnde, Mozis nɔ it natin.

Mak 16:19

Wɛn Masta Jizɔs dɔn tɔk to in lanin bɔy dɛn, Gɔd tek am go ɔp na ɛvin, i go sidɔm na Gɔd in raytan.

Apɔsul Dɛn Wok 8:12

Bɔt wɛn di pipul dɛn, man ɛn uman, biliv wetin Pita tɛl dɛn bɔt Gɔd in rul ɛn bɔt Jizɔs Krays, dɛn mek Filip baptayz dɛn.

Apɔsul Dɛn Wok 19:8

Pɔl bin de na Ɛfisɔs tri mɔnt ɛn ɔl da tɛm de i kin de go tɔk to di pipul dɛn na di Ju mitin os, i nɔba fred. I kin agyu wit dɛn bɔt Gɔd in rul ɛn tray fɔ sho dɛn se di tin dɛn we i de tɔk bɔt Gɔd in rul na tru.

Apɔsul Dɛn Wok 28:23

So dɛn fɛn tɛm we plɛnti pipul kin kam na di mitin. Wɛn di tɛm rich, dɛn go mit Pɔl na di ples we i bin de. Pɔl tɔk frɔm mɔnin te nɛt de tray fɔ sho dɛn se na tru i de tɔk ɛn i tɛl dɛn di mɛsej bɔt Gɔd in rul. I rid di Lɔ we Gɔd bin gi Mozis ɛn dɛn tin we dɛn prɔfɛt bin rayt, fɔ mek di pipul dɛn go biliv pan Jizɔs.