Apɔsul Dɛn Wok 1:21 - Krio Fɔs Oli Baybul

^21-22 “Na dat mek wi fɔ pik wan man we fɔ tɛl ɔda pipul se Jizɔs rayz frɔm di grev. Di pɔsin we wi go pik fɔ dɔn de wit wi frɔm di tɛm we Jɔn bin de baptayz pipul sote di tɛm we Gɔd tek Jizɔs go ɛvin.”

Apɔsul Dɛn Wok 1:21 Referans Kwoze

Jɔn 15:27

Ɛn unasɛf go tɔk bɔt mi, bikɔs una dɔn de wit mi frɔm di tɛm we a bin bigin lan pipul.

2 Samiɛl 5:2

Dɛn se ivin we Sɔl na bin dɛn kiŋ, na Devid bin de lid dɛn sojaman dɛn fɔ go fɛt ɛn PAPA GƆD tɛl am se nain go gɛt fɔ lid di Izrɛlayt dɛn ɛn bi dɛn kiŋ.

Ditarɔnɔmi 31:2

I bin tɛl dɛn se in dɔn ol wan ɔndrɛd ɛn twɛnti ia da de de, ɛn i nɔ gɛt da trɛnk de igen lɛk fɔstɛm. I tɛl dɛn igen se PAPA GƆD we na dɛn PAPA GƆD bin tɛl am se, i nɔ go gri mek in Mozis krɔs Riva Jɔdan.

Di Nɔmba Dɛm 27:17

sɔmbɔdi we go kɛr dɛn go usay fɔ go ɛn briŋ dɛn kam usay dɛn fɔ de so dat PAPA GƆD in pipul dɛn nɔ go tan lɛk ship we nɔ gɛt udat de mɛn am.

1 Kiŋ 3:7

“E PAPA GƆD we na mi PAPA GƆD! Yu dɔn mek yu savant bi kiŋ nain papa Devid in ples. Bɔt mi na smɔl pikin ɛn a nɔ sabi aw fɔ du di wok.

Lyuk 1:2

Ɛn ɔl wetin dɛn de rayt na dɛn sem tin we dɛn pipul we bin de we dɛn tin ya fɔs bigin apin, ɛn we bin de tɔk Gɔd in wɔd, tɛl wi.

Lyuk 24:3

Wɛn dɛn go insay di grev, dɛn nɔ si Masta Jizɔs in bɔdi.