Apɔsul Dɛn Wok 1:16 - Krio Fɔs Oli Baybul

¹⁶ ɛn bigin tɔk to dɛn se, “Mi pipul dɛn, Gɔd in Spirit bin mek Devid rayt lɔntɛm na Gɔd in Buk bɔt Judas, da man we bin de bifo dɛn pipul we go ol Jizɔs; ɔl wetin i bin dɔn rayt bin jɛs gɛt fɔ bi.

Apɔsul Dɛn Wok 1:16 Referans Kwoze

Di Sam Dɛm 41:9

Di wan sɛf we a bin se na mi bɛst frɛn we a trɔs we wi tu kin it togɛda, insɛf dɔn tɔn pan mi.

Jɔn 13:18

“A nɔ de tɔk bɔt una ɔl; a no di wan dɛn we a dɔn pik. Bɔt wetin dɛn rayt na Gɔd in Buk mɔs bi. Dɛn rayt se, ‘Di pɔsin we wi ɔl tu bin de it wan ples, dɔn de fɛt mi naw.’

Apɔsul Dɛn Wok 1:20

“Dɛn rayt na di Sambuk se, ‘Mek natin nɔ lɛf nain os ɛn mek nɔbɔdi nɔ sidɔm de.’ Dɛn rayt igen se, ‘Mek ɔda pɔsin du di wok we i bin de du.’

Matyu 26:56

Ɔl dis bi so dat wetin di Prɔfɛt dɛn bin rayt na Gɔd in Buk go bi.” Wɛn i dɔn tɔk dɔn, nain ɔl di lanin bɔy dɛn lɛf am ɛn rɔnawe.

Matyu 26:54

Bɔt if a du dat, aw wetin rayt na Gɔd in Buk go bi, we dɛn se na so Gɔd want wetin de bi naw fɔ bi?”

Matyu 26:47

Jizɔs bin de tɔk wɛn Judas we na wan pan in twɛlv lanin bɔy dɛn, kam. I kam wit plɛnti pipul we ol sɔd ɛn tin dɛn fɔ tek fɛt. Na di bigman dɛn we de mek sakrifays fɔ pipul sin ɛn di ɔda Ju bigman dɛn bin sɛn dɛn pipul ya.

Pita In Fɔs Lɛta 1:11

Wɛn Krays in Spirit we bin de insay dɛn bin tɔk bɔt aw Krays bin gɛt fɔ sɔfa ɛn di wɔndaful tin dɛn we bin gɛt fɔ apin afta dat, di prɔfɛt dɛn bin tray fɔ no ustɛm dɛn tin de go bi ɛn aw dɛn go bi.

Mak 14:43

As Jizɔs de tɔk so, nain Judas we na wan pan in lanin bɔy dɛn kam wit sɔm pipul we ol sɔd ɛn ɔda tin dɛn fɔ tek fɛt. Na di bigman dɛn we de mek sakrifays fɔ pipul sin, di Ju Lɔ ticha dɛn, ɛn di ɔda Ju bigman dɛn bin sɛn di pipul dɛn.

Pita In Sɛkɛn Lɛta 2:21

I bin fɔ bɛtɛ mek dɛn nɔ no di rayt we we dɛn fɔ waka, pas fɔ mek dɛn lɛf fɔ fala Gɔd in lɔ, naw we dɛn dɔn no am.

Apɔsul Dɛn Wok 23:6

Pɔl si se di pipul dɛn na di Ju gran kot miks; sɔm pan dɛn na bin Sadyusi ɛn sɔm na bin Faresi. Nain i tɔk se, “Mi brɔda dɛn, mi na Faresi, mi fambul dɛn na bin Faresi. Dɛn want fɔ jɔj mi bikɔs a biliv se Gɔd go mek dɛn pipul we dɔn day, rayz frɔm dɛn grev.”

Apɔsul Dɛn Wok 23:1

Pɔl luk di mɛmba dɛn ɔl ɛn se, “Mi brɔda dɛn, frɔm we a no misɛf sote tide, a nɔ gɛt nɔ dawt na mi at se wetin a de du bifo Gɔd, rayt.”

Apɔsul Dɛn Wok 22:1

I se, “Mi papa dɛn ɛn mi brɔda dɛn, una lisin mek a tɛl una wetindu una nɔ fɔ kɔndɛm mi!”

Apɔsul Dɛn Wok 15:7

Wɛn dɛn dɔn tɔk dɔn, nain Pita tinap fɔ tɔk. I se, “Mi pipul dɛn, una no se Gɔd bin dɔn pik mi lɔntɛm fɔ go tɛl dɛn pipul we nɔto Ju dis Gud Nyuz so dat dɛn go yɛri am ɛn biliv pan di Masta.

Apɔsul Dɛn Wok 13:38

Mi pipul dɛn, a want mek una no se na fɔseka Jizɔs mek dɛn de tɛl una se Gɔd go padin una fɔ di bad tin dɛn we una de du. A want mek una no se ɛnibɔdi we biliv pan am, Gɔd go mek da pɔsin de tap fɔ du di bad tin dɛn we i de du, ɛn dat na wan tin we di Lɔ we Gɔd bin gi Mozis nɔ ebul du.

Apɔsul Dɛn Wok 13:15

Wɛn di pipul dɛn dɔn rid di Lɔ we Gɔd bin gi Mozis ɛn wetin dɛn prɔfɛt bin rayt, di bigman dɛn na di Ju mitin os sɛn pɔsin fɔ go tɛl Pɔl ɛn Banabas dis mɛsej ya: “Wi brɔda dɛn, wi want mek una tɔk to di pipul dɛn if una gɛt ɛni wɔd fɔ kɔrej dɛn.”

Apɔsul Dɛn Wok 7:2

Stivin ansa se, “Mi papa dɛn ɛn mi brɔda dɛn, a want mek una lisin mi! Gɔd we gɛt pawa pas ɔl bin sho insɛf to Ebraam wɛn Ebraam bin tap na Mɛsopotemia. Dat bin bi bifo Ebraam go tap na Aran.

Apɔsul Dɛn Wok 2:37

Wɛn di pipul dɛn yɛri ɔl wetin Pita tɔk, dɛn at kɔt; dɛn aks Pita ɛn di ɔda apɔsul dɛn se, “Wi brɔda dɛn, wetin wi fɔ du?”

Apɔsul Dɛn Wok 2:23

Una sɛl Jizɔs gi dɛn wikɛd pipul. Gɔd bin dɔn no bɔt dat ɛn i bin dɔn gri fɔ mek dat bi. Una gi dɛn wikɛd pipul pawa fɔ nel Jizɔs na di krɔs.

Jɔn 19:36

Ɔl dis bi so dat wetin bin dɔn rayt na Gɔd in Buk go kam bi tru. Dat na: “Dɛn nɔ go brok nɔn pan in bon dɛn.”

Jɔn 10:35

Wi no se dɛn tin we rayt na Gɔd in Buk tru ɔltɛm; ɛn Gɔd bin se dɛn pipul we i gi in mɛsej, na lili gɔd dɛn.

Lyuk 22:47

Aw Jizɔs de tɔk to in lanin bɔy dɛn, na de plɛnti, plɛnti pipul kam mit am. Wan pan Jizɔs in twɛlv lanin bɔy dɛn we nem Judas nain bin de bifo dɛn. Judas kam klos Jizɔs fɔ kis am.

Mak 12:36

Gɔd in Spirit mek Devid insɛf tɔk se, ‘Gɔd tɛl mi Masta se: Sidɔm na mi raytan, sote a mek yu mas dɛn pipul we nɔ lɛk yu.’

2 Samiɛl 23:2

Na PAPA GƆD de mek a tɔk ɔl wetin a gɛt fɔ se.

Apɔsul Dɛn Wok 28:25

So dɛn kɔmɔt de ɛn go dɛn we ɛn dɛn nɔ bin gɛt wanwɔd igen, bikɔs Pɔl bin se, “Gɔd in Spirit bin tɔk tru wɛn i tɛl Ayzaya fɔ tɛl una grampapa papa dɛn se,

Apɔsul Dɛn Wok 28:17

We Pɔl dɔn de tri de na Rom, i kɔl di Ju bigman dɛn we de na Rom kam na wan mitin. Wɛn dɛn ɔl dɔn gɛda, i se, “Mi brɔda dɛn, a nɔ du mi Ju pipul dɛn natin ɛn a nɔ brok di Ju Lɔ we wi grampapa papa dɛn bin gi wi. Bɔt di Ju pipul dɛn put mi insay jel na Jerusɛlɛm, dɔn dɛn an mi oba gi dɛn Roman pipul.

Apɔsul Dɛn Wok 15:13

Wɛn Banabas ɛn Pɔl dɔn tɔk dɔn, nain Jems se, “Mi pipul dɛn, a want mek una lisin mi!

Matyu 26:14

Wan pan Jizɔs in lanin bɔy dɛn we nem Judas Iskariɔt go mit di bigman dɛn we de mek sakrifays fɔ pipul sin.

Jɔn 17:12

Wɛn a bin stil de wit dɛn, a bin kip dɛn wit di pawa we de na yu nem we yu gi mi mek natin nɔ du dɛn. A bin kip dɛn mek natin nɔ du dɛn ɛn dɛn nɔn nɔ lɔs, pas di man we Gɔd bin dɔn mak fɔ go ɛl so dat wetin bin dɔn rayt na Gɔd in Buk go bi.

Pita In Sɛkɛn Lɛta 1:21

bikɔs nɔto di prɔfɛt dɛnsɛf bin jɛs sidɔm tink ɛn tɔk wetin dɛn want, bɔt na Gɔd in Spirit bin tɛl dɛn di wɔd dɛn we Gɔd want dɛn fɔ tɔk.

2 Kiŋ 15:12

Na so wetin PAPA GƆD bin dɔn tɛl Jeu kam tek bi. PAPA GƆD bin dɔn tɛl Jeu se in go mek in jɛnareshɔn dɛn rul te rich in gret grampikin.