Apɔsul Dɛn Wok 1:13 - Krio Fɔs Oli Baybul

¹³ Wɛn dɛn rich na Jerusɛlɛm, dɛn go na wan rum ɔp di garɛt na di os we dɛn bin tap. Di pipul dɛn we bin tap de na Pita, Jɔn, Jems, Andru, Filip, Tɔmɔs, Batalomyu, Matyu, Jems we na Alfiɔs in pikin, Saymɔn we bin de fɛt fɔ fri in kɔntri, Judas we na bin Jems in pikin.

Apɔsul Dɛn Wok 1:13 Referans Kwoze

Apɔsul Dɛn Wok 20:8

Plɛnti lamp bin de na di rum we wi bin de ol di mitin. Di rum bin de na wan garɛt.

Lyuk 22:12

Di man go sho una wan big rum na di garɛt wit tebul, chia ɛn ɔltin we una want, na de una fɔ rɛdi wi it.”

Mak 14:15

Di man go sho una wan big rum we de na di garɛt. I dɔn rɛdi am fɔ wi, ɔltin we wi want de insay de, na de una fɔ rɛdi di it fɔ mɛmba di Pasova.”

Mak 2:14

Afta dat, Jizɔs bigin waka go; as i de go, i si wan man we de gɛda taks. Di man bin nem Livay ɛn na bin Alfiɔs in pikin. Livay bin sidɔm insay in ɔfis. Jizɔs tɔk to am, i se, “Kam fala mi!” I grap ɛn fala Jizɔs.

Jems 1:1

Na mi Jems we de wok fɔ Gɔd ɛn wi Masta Jizɔs Krays, de rayt to ɔl Gɔd in pipul dɛn we skata ɔlɔbɔt na wɔl. A de tɛl una ɔl adu!

Apɔsul Dɛn Wok 12:17

Pita mek sayn wit in an to dɛn fɔ mek dɛn sɛt mɔt, dɔn i tɛl dɛn aw di Masta pul am kɔmɔt na sɛl. Bifo Pita go, i tɛl di Kristiɛn dɛn fɔ tɛl Jems ɛn di ɔda Kristiɛn dɛn we nɔ bin de, wetin bi.

Apɔsul Dɛn Wok 2:38

Pita ansa dɛn se, “Una ɔl fɔ lɛf dɛn bad tin we una de du ɛn kam to Gɔd. Mek dɛn baptayz una wit Jizɔs Krays in nem; Gɔd go padin una fɔ di bad tin dɛn we una de du ɛn i go gi unain Spirit.

Jud In Lɛta 1:1

Mi Jud, we de wok fɔ Jizɔs Krays ɛn we na Jems in brɔda, de rayt to una we Gɔd we na wi Papa lɛk, ɛn we i kɔl, ɛn una we Jizɔs Krays kip fɔ mek natin nɔ bi to una:

Lɛta Fɔ Galeshya 2:9

Jems, Pita ɛn Jɔn, we dɛn se na bin bakbon na di chɔch bin no se Gɔd gi mi dis wok ya fɔ du, dɛn shek mi ɛn Banabas an fɔ sho se wi ɔl dɔn bi wan we wi de wok fɔ Gɔd. Dɛn tɛl mi ɛn Banabas se, wi tu fɔ go wok to dɛn pipul we nɔto Ju, ɛn dɛn tri fɔ go wok to dɛn pipul we na Ju.

Lɛta Fɔ Galeshya 1:19

Na Jems we na Masta Jizɔs in brɔda ɛn Pita nɔmɔ a mit de, a nɔ bin si ɔda apɔsul dɛn.

Apɔsul Dɛn Wok 15:13

Wɛn Banabas ɛn Pɔl dɔn tɔk dɔn, nain Jems se, “Mi pipul dɛn, a want mek una lisin mi!

Apɔsul Dɛn Wok 4:19

Pita ɛn Jɔn aks dɛn se, “Una tɛl wi, wetin na di rayt tin we Gɔd want: wi fɔ gri fɔ du wetin mɔtalman want ɔ wi fɔ du wetin Gɔd want?

Apɔsul Dɛn Wok 4:13

Di bigman dɛn na di Ju gran kot si se Pita ɛn Jɔn nɔ bin sabi rid ɛn rayt, ɛn dɛn na bin ɔdinari pipul, bɔt dɛn nɔ bin de fred fɔ tɔk. Na dat mek dɛn wɔnda; ɛn dɛn kam gɛt fɔ no se dɛn bin de wit Jizɔs.

Apɔsul Dɛn Wok 2:14

Wɛn dɛn tɔk so, nain Pita ɛn di ɔda ilɛvin apɔsul dɛn tinap; Pita bigin fɔ tɔk to di pipul dɛn lawd wan. I se, “Mi Ju pipul dɛn ɛn una ɔl we de na Jerusɛlɛm, una lisin wetin a de kam tɛl una.

Jɔn 21:2

Saymɔn Pita; Tɔmɔs, we dɛn kɔl “Twin”; Natanyɛl we kɔmɔt Kena we de na Galili; Zɛbidi in pikin dɛn; ɛn tu ɔda wan pan Jizɔs in lanin bɔy dɛn ɔl bin de wan ples.

Jɔn 18:17

Di titi we bin de na di get aks Saymɔn Pita se, “Yusɛf nɔto wan pan da man de in lanin bɔy dɛn?” Saymɔn Pita se, “Nɔ-o, mi nɔto in lanin bɔy!”

Jɔn 11:16

Tɔmɔs, we dɛn de kɔl Twin, bigin tɔk to in kɔmpin lanin bɔy dɛn. I se, “Una lɛ wi ɔl fala wi ticha go, so dat wi go day wit am.”

Mak 14:33

Jizɔs mek Pita, Jems ɛn Jɔn fala am go. In at bin ful, i bin ebi.

Mak 9:2

Wɛn siks de pas, Jizɔs tek Pita, Jems ɛn Jɔn go na wan ay il, na dɛn nɔmɔ bin lib de. Wantɛm, Jizɔs in bɔdi chenj bifo di lanin bɔy dɛn yay;

Mak 5:37

Jizɔs nɔ gri mek ɔlman fala am go, pas Pita, Jems ɛn Jɔn we na Jems in brɔda.

Matyu 9:9

Jizɔs kɔmɔt na di ples we i bin de. As i de go, nain i si wan man we nem Matyu. Na bin man we de gɛda taks fɔ di gɔvmɛnt, i bin sidɔm nain ɔfis. Jizɔs kɔl am. I se, “Kam bi mi lanin bɔy.” Matyu grap ɛn bigin fala Jizɔs.

Jɔn In Sɛkɛn Lɛta 1:1

Mi, Jɔn we na una bigman na di chɔch, de rayt to di uman we Gɔd dɔn pik ɛn in pikin dɛn we a lɛk fɔ tru. Nɔto mi wangren, bɔt ɔlman we no wetin tru, lɛk una,

1 Kɔrint 15:7

Afta dat, i sho insɛf to Jems, dɛn i sho insɛf to ɔl di apɔsul dɛn.

Jɔn 14:22

Judas, nɔto Judas Iskariɔt, se, “Masta, wetindu na wi nɔmɔ yu go mek no udat yu bi; wetindu yu nɔ go mek ɔlman na wɔl no udat yu bi?”