Sɛkɛn Lɛta Fɔ Tɛsalonayka 3:8 - Krio Fɔs Oli Baybul

⁸ Wi bin mek pipul ɛp wi, bɔt wi bin de pe dɛn fɔ ɔl di it we dɛn bin de gi wi. Wi bin de wok traŋa wan; wi bin de wok de ɛn nɛt bikɔs wi nɔ bin want fɔ mek ɛni wan pan una pul mɔni fɔ ɛp wi.

Sɛkɛn Lɛta Fɔ Tɛsalonayka 3:8 Referans Kwoze

Matyu 6:11

Gi wi wetin wi fɔ it tide.

Fɔs Lɛta Fɔ Tɛsalonayka 2:9

Wi brɔda dɛn, a no se una mɛmba aw wi bin de lebɔ traŋa wan! Wi bin de lebɔ de ɛn nɛt so dat una nɔ go gɛt fɔ wɔri fɔ gi wi mɔni, wɛn wi bin de tɛl una di Gud Nyuz we Gɔd tɛl wi.

Apɔsul Dɛn Wok 18:3

I bin tap to dɛn, ɛn dɛn ɔl bin de wok wan ples. Na tɛnt Pɔl bin de mek we i bin de sɛl fɔ gɛt mɔni fɔ manej in layf. Na di sem wok Akwila dɛn bin de du.

Fɔs Lɛta Fɔ Tɛsalonayka 4:11

Una fɔ mekɔp fɔ liv kwayɛt layf, una nɔ fɔ put mɔt pan ɔda pipul biznɛs, ɛn una fɔ wok fɔ unasɛf fɔ gɛt wetin una want, jɛs lɛkɛ aw wi bin dɔn tɛl una wɛn wi bin de wit una.

Lɛta Fɔ Ɛfisɔs 4:28

Mek di pɔsin we bin de tif lɛf fɔ tif, ɛn bigin wok traŋa wan fɔ ɛp insɛf ɛn fɔ ɛp ɔda pipul we nɔ gɛt.

1 Kɔrint 4:12

wi kin de wok traŋa traŋa wan. Wɛn pipul se mek bad fala wi, wi kin se mek bɛtɛ fala dɛn; wɛn pipul dɛn mek wi sɔfa, wi kin bia;

Sɛkɛn Lɛta Fɔ Tɛsalonayka 3:12

Wi de tek Masta Jizɔs Krays in nem tɛl dɛn pipul de se: dɛn nɔ fɔ de ambɔg, bɔt dɛn fɔ liv di rayt we, ɛn dɛn fɔ lebɔ fɔ gɛt wetin dɛn go it. Wi de beg dɛn fɔ du ɔl dɛn tin ya.

2 Kɔrint 11:9

Ɛn di tɛm we a bin de wit una, ɛnitɛm we a kin want mɔni, a nɔba aks una fɔ ɛnitin; dɛn brɔda we kɔmɔt Masidonia kin briŋ ɔl wetin a want. Aw tin bin dɔn de bi so, na so i go de bi ɔltɛm! A nɔ go gi una kɔz fɔ wɔri bɔt mi!

Apɔsul Dɛn Wok 20:34

Unasɛf no se a wok wit mi an fɔ gɛt ɔl wetin wi fɔ gɛt.

Prɔvabs 31:27

I nɔ tek in famili ple ɛn nɔ de miks pan aydulnɛs.

Nɛimaya 5:18

Ɛvri de na wan man kaw, siks pan di bɛst ship dɛn wit sɔm chikin, nain wi ɔl de it. Dɔn afta ɛvri tɛn de a kin gi dɛn difrɛn difrɛn kayn wayn. Na so dɛn kin bɔku. Pan ɔl dis, a nɔ wande se dɛn fɔ gi mi di it we dɛn dɔn se gɔvna fɔ gɛt bikɔs tin bin dɔn ɔlrɛdi traŋa fɔ di pipul dɛn.

1 Kɔrint 9:4

A nɔ gɛt rayt fɔ tek it ɛn drink we pipul gi mi fɔ mek a ebul du mi wok?

2 Kɔrint 11:27

A dɔn du traŋa wok; plɛnti tɛm sɛf a nɔba slip; a kin aŋri; a kin tɔsti; sɔntɛm it nɔba de fɔ mi; klos nɔba de fɔ wɛr; ples nɔba de fɔ tap.

2 Kiŋ 6:2

so dɛn want fɔ go kɔt tik dɔŋ Riva Jɔdan we dɛn go tek mek abule. I ansa dɛn se lɛ dɛn go.