Sɛkɛn Lɛta Fɔ Tɛsalonayka 3:7 - Krio Fɔs Oli Baybul

⁷ Unasɛf no gud gud wan se una fɔ wok lɛkɛ aw wi bin de wok. Wi wok traŋa wan wɛn wi bin de wit una.

Sɛkɛn Lɛta Fɔ Tɛsalonayka 3:7 Referans Kwoze

Sɛkɛn Lɛta Fɔ Tɛsalonayka 3:6

Mi Kristiɛn pipul dɛn, wi de tek wi Masta Jizɔs Krays in nem tɛl una se una nɔ fɔ mek padi wit dɛn Kristiɛn we nɔ want du natin, ɛn we nɔ de du wetin wi bin dɔn tɛl dɛn fɔ du.

Sɛkɛn Lɛta Fɔ Tɛsalonayka 3:9

Wetin mek wi bin de du ɔl da wok de, nɔto bikɔs wi nɔ gɛt rayt fɔ tɛl una fɔ gi wi it ɛn ples fɔ slip, bɔt na bikɔs wi bin want sho una patan fɔ fala.

1 Kɔrint 4:16

Na dat mek, a de beg una fɔ waka wit Gɔd lɛkɛ aw a de waka wit am.

1 Kɔrint 11:1

So una fɔ de du lɛkɛ aw a de du, bikɔs a de du lɛkɛ aw Krays bin de du.

Lɛta Fɔ Filipay 3:17

Mi Kristiɛn brɔda dɛn, una fɔ de du ɔl wetin una si a de du. Una fɔ de luk dɛn wan we de du wetin wi dɔn sho una se gud fɔ du.

Taytɔs 2:7

Yusɛf, bay aw yu de du ɔl wetin yu de du, na yu pipul fɔ de fala fɔ du gud. Wɛn yu de tich pipul, yu fɔ sho dɛn se yu min wetin yu de tɔk ɛn yu fɔ siriɔs.

Fɔs Lɛta To Timoti 4:12

Nɔ mek nɔbɔdi se bikɔs yu smɔl yu nɔ go ebul du dis wok. Na yu fɔ sho dɛn pipul we biliv Gɔd aw dɛn fɔ de du bay aw yu de tɔk, aw yu de du, aw yu lɛk pipul, aw yu biliv Gɔd, ɛn di kayn layf we yu liv.

Fɔs Lɛta Fɔ Tɛsalonayka 2:10

Una no, una we biliv di Gud Nyuz, ɛn Gɔd sɛf no aw wi bin de du wɛn wi bin de wit una. Wi layf bin tan lɛkɛ aw Gɔd want am fɔ tan, i bin tret ɛn klin.

Lɛta Fɔ Filipay 4:9

Una fɔ de du dɛn tin we a dɔn lan una. Una fɔ de du dɛn tin we a bin de tɔk se fɔ du ɛn dɛn tin we a bin de du. Ɛn Gɔd we de gi kol at go de wit una.

Pita In Fɔs Lɛta 5:3

Una nɔ fɔ de trit dɛn pipul ya we Gɔd gi una fɔ kia fɔ, lɛkɛ slev, bɔt una fɔ de du gud we go mek di pipul dɛnsɛf want fɔ tan lɛkɛ una.

Fɔs Lɛta Fɔ Tɛsalonayka 5:14

Wi brɔda dɛn, wi de beg una fɔ tɛl dɛn pipul we nɔ want du natin se dat nɔ rayt, una fɔ kɔrej dɛn pipul we de fred, una fɔ ɛp dɛn pipul we nɔ ɔndastand Gɔd biznɛs gud, ɛn una fɔ bia wit ɔlman.

Prɔvabs 31:18

I no se in biznɛs de mek prɔfit ɛn i de wok te let na nɛt.