Sɛkɛn Lɛta Fɔ Tɛsalonayka 3:6 - Krio Fɔs Oli Baybul

⁶ Mi Kristiɛn pipul dɛn, wi de tek wi Masta Jizɔs Krays in nem tɛl una se una nɔ fɔ mek padi wit dɛn Kristiɛn we nɔ want du natin, ɛn we nɔ de du wetin wi bin dɔn tɛl dɛn fɔ du.

Sɛkɛn Lɛta Fɔ Tɛsalonayka 3:6 Referans Kwoze

Sɛkɛn Lɛta Fɔ Tɛsalonayka 3:7

Unasɛf no gud gud wan se una fɔ wok lɛkɛ aw wi bin de wok. Wi wok traŋa wan wɛn wi bin de wit una.

Lɛta Fɔ Rom 16:17

Mi kɔmpin Kristiɛn dɛn, a de beg una fɔ de wach dɛn pipul we de sɛtfaya, mek pipul dɛn nɔ gɛt wanwɔd, ɛn mek di Kristiɛn dɛn bigin biliv ɔda tin. Dɛn de lan una tin we difrɛn frɔm wetin wi dɔn lan una; una nɔ fɔ gɛt natin fɔ du wit dɛn.

Fɔs Lɛta Fɔ Tɛsalonayka 5:14

Wi brɔda dɛn, wi de beg una fɔ tɛl dɛn pipul we nɔ want du natin se dat nɔ rayt, una fɔ kɔrej dɛn pipul we de fred, una fɔ ɛp dɛn pipul we nɔ ɔndastand Gɔd biznɛs gud, ɛn una fɔ bia wit ɔlman.

Sɛkɛn Lɛta Fɔ Tɛsalonayka 2:15

Wi Kristiɛn pipul dɛn, una nɔ fɔ chenj wetin una biliv, ɛn ɔltɛm una at fɔ de pan ɔl wetin wi pipul dɛn bin lan wi, ɛn we wisɛf bin lan una, wɛn wi bin de tɔk to una ɛn wɛn wi rayt una di fɔs lɛta.

Fɔs Lɛta Fɔ Tɛsalonayka 4:1

Mi brɔda dɛn, bifo a dɔn wetin a de tɔk, mek a tɛl una dis las tin. Una fɔ mɛmba se wi bin dɔn sho una aw una fɔ liv fɔ mek Gɔd satisfay, ɛn na so una liv, bɔt wi de tek Masta Jizɔs in nem beg una fɔ mek una tray fɔ liv layf we bɛtɛ sɛf pas di layf we una liv naw.

Lɛta Fɔ Kɔlɔse 3:17

Ɛni tin we una de du ɛn ɛnitin we una de tɔk fɔ sho se una biliv pan Masta Jizɔs, ɛn una fɔ tɛl Gɔd we na di Papa tɛnki fɔ wetin Krays dɔn du fɔ una.

Sɛkɛn Lɛta To Timoti 3:5

dɛn go de fɔm ipokrit lɛkɛ se dɛn bisin bɔt Gɔd wok, bɔt dɛn nɔ go biliv se Gɔd gɛt pawa. Nɔ miks wit dɛn pipul ya.

Fɔs Lɛta Fɔ Tɛsalonayka 4:11

Una fɔ mekɔp fɔ liv kwayɛt layf, una nɔ fɔ put mɔt pan ɔda pipul biznɛs, ɛn una fɔ wok fɔ unasɛf fɔ gɛt wetin una want, jɛs lɛkɛ aw wi bin dɔn tɛl una wɛn wi bin de wit una.

1 Kɔrint 11:2

Una du wɛl: una de mɛmba mi ɔltɛm ɛn una de mɛmba dɛn tin we a bin lan una, ɛn una de du dɛn.

Lɛta Fɔ Ɛfisɔs 4:17

A de tek di Masta in nem fɔ tɔk to una ɛn wɔn una se, una nɔ fɔ liv di layf igen we dɛn pipul we nɔ no Gɔd de liv.

1 Kɔrint 5:4

Wɛn una mit ɛn mi at de wit una, ɛn Masta Jizɔs in pawa de wit wi,

Matyu 18:17

If di pɔsin nɔ tek wetin di tu ɔ tri witnɛs tɛl am, yu fɔ tɔk wetin di pɔsin du yu na di chɔch mek ɔlman yɛri. Bɔt if di pɔsin nɔ gri tek wetin di chɔch pipul dɛn tɛl am, da tɛm de yu fɔ tek am lɛkɛ pɔsin we nɔ biliv pan Gɔd ɛn pɔsin we nɔ gri fɔ lɛf di bad we i de du.

Sɛkɛn Lɛta To Timoti 4:1

A de wɔn yu siriɔs wan bifo Gɔd ɛn bifo Krays Jizɔs we go jɔj dɛn wan we nɔ day yet ɛn dɛn wan we dɔn day: bikɔs Krays gɛt fɔ kam bak na wɔl ɛn rul lɛkɛ Kiŋ, a de tɛl yu,

Fɔs Lɛta To Timoti 6:5

ɛn i de mek dɛn man we nɔ de tink rayt ɛn we nɔ sabi igen wetin tru bɔt Krays, agyu ɔltɛm. Dɛn fil se Gɔd yon we nain fɔ tek jɛntri. Yu nɔ fɔ gɛt natin fɔ du wit dɛn.

2 Kɔrint 2:10

Wɛn una dɔn padin pɔsin fɔ wetin i du, misɛf go padin di pɔsin. Wɛn a padin am, dat is, if ɛni rizin de fɔ misɛf fɔ padin am, na fɔseka una a de du dat bifo Krays,

Fɔs Lɛta To Timoti 5:21

Bifo Gɔd, Jizɔs Krays, ɛn in gud enjɛl dɛn, a de tɛl yu fɔ du dɛn tin ya; trit ɔlman di sem we, pɔsin we na yu padi ɛn pɔsin we nɔto yu padi.

1 Kɔrint 5:9

A bin rayt tɛl una se, una nɔ fɔ gɛt ɛnitin fɔ du wit pipul we liv bad layf.

Jɔn In Sɛkɛn Lɛta 1:10

If ɛnibɔdi we nɔ biliv wetin Krays dɔn lan wi, kam to una fɔ lan una ɛnitin, una nɔ fɔ kip am na una os; una nɔ fɔ tɛl am adu sɛf.