Sɛkɛn Lɛta Fɔ Tɛsalonayka 3:5 - Krio Fɔs Oli Baybul

⁵ A de pre mek di Masta sho una mɔ ɛn mɔ aw Gɔd lɛk una ɛn mek i mek una no gud gud aw Krays dɔn bia ɛn aw i de mek una bia.

Sɛkɛn Lɛta Fɔ Tɛsalonayka 3:5 Referans Kwoze

Di Sam Dɛm 119:36

Lɛ a nɔ fɛt fɔ wetin a go gen bɔt lɛ a du wetin yu lɔ dɛn se.

1 Kronikuls 29:18

PAPA GƆD we na Ebram, Ayzak ɛn Jekɔb we na wi papa dɛn, dɛn Gɔd, bin dɔn mek dɛn pipul ya gri sote go fɔ dɛn kayn tin ya na dɛn at, ɛn mek dɛn at de to yu.

Ditarɔnɔmi 30:6

PAPA GƆD go chenj dɛn ɛn dɛn jɛnareshɔn dɛn at, so dat dɛn go lɛk PAPA GƆD we na dɛn PAPA GƆD wit ɔl dɛn at ɛn wit ɔl dɛn sol so dat dɛn go kɔntinyu fɔ de na di land.

Jɔn In Fɔs Lɛta 4:19

Wi lɛk Gɔd ɛn wi kɔmpin bikɔs na Gɔd fɔs lɛk wi.

1 Kɔrint 8:3

Bɔt if pɔsin lɛk Gɔd, Gɔd no se da pɔsin de nain yon.

Jɛrimaya 31:33

PAPA GƆD se, ‘Bɔt na di kayn Kɔvinant dis we a go mek wit Izrɛl dɛn tɛm dɛn de: A go put mi lɔ insay dɛm ɛn a go rayt am na dɛn at; ɛn a go bi dɛm Gɔd, ɛn dɛn go bi mi pipul.

Prɔvabs 3:6

Mek i put an pan ɔl wetin yu de du, ɛn yu go si yu we klia.

Fɔs Lɛta Fɔ Tɛsalonayka 3:11

A de pre mek Gɔd insɛf we na wi Papa ɛn wi Masta Jizɔs opin di rod fɔ wi fɔ go to una.

Di Ibru Pipul Dɛn 9:28

Krays insɛf day wan tɛm nɔmɔ fɔ fri pipul, mek sin nɔ go gɛt pawa oba dɛn igen. I go kam bak na wɔl di sɛkɛn tɛm, bɔt da tɛm de i nɔ de kam fɔ pul sin kɔmɔt na pipul layf, i de kam fɔ gi dɛn pipul we de wet fɔ am layf we go de sote go na ɛvin.

Lɛta Fɔ Rom 8:25

Bɔt if wi de abop fɔ tin we wi nɔ si yet, wi go bia wet fɔ am.

Di Sam Dɛm 119:5

Eya, a wish a bin ebul fɔ de obe yu lɔ dɛn ɔltɛm!

1 Kiŋ 8:58

Lɛ PAPA GƆD mek wi ɔl at tɔn to am, fɔ de du wetin i se ɛn kip to ɔl di kɔmandmɛnt dɛn we i gi wi papa dɛn.

Pita In Fɔs Lɛta 4:1

So, bikɔs Krays sɔfa wɛn i day na di krɔs, unasɛf fɔ rɛdi wɛn una de sɔfa, fɔ tink lɛkɛ aw Krays bin de tink ɛnitɛm we i de sɔfa, bikɔs pɔsin we de sɔfa dɔn dɔn wit sin.

Jems 2:5

Mi kɔmpin Kristiɛn dɛn we a lɛk, a want mek una yɛri mi! Dɛn pipul we nɔ gɛt natin na dis wɔl, Gɔd dɔn pik dɛn fɔ biliv wi Masta Jizɔs Krays ɛn fɔ mek dɛn go na ɛvin we i de rul; dɛn jɛntri na Gɔd in yay. Na dat Gɔd dɔn prɔmis fɔ du fɔ ɔl dɛn wan we lɛk am.

Taytɔs 2:13

naw we wi de wet fɔ da tɛm we wi abop se Jizɔs Krays, we na wi wɔndaful Gɔd ɛn Seviɔ go kam wit ɔl in wɔndaful pawa.

Sɛkɛn Lɛta To Timoti 4:8

Bikɔs a dɔn rich di say we a fɔ tap, di prayz we a wok fɔ de wet mi, na di prayz dat we ɛnibɔdi we de waka tret wit Gɔd go gɛt, di Masta we de jɔj rayt go gi mi di prayz di de we i go kam bak; ɛn nɔto mi nɔmɔ i go gi, i go gi ɔl dɛn wan we go gladi fɔ si am wɛn i kam.

Fɔs Lɛta Fɔ Tɛsalonayka 1:3

Ɛnitɛm we wi de pre to wi Gɔd we na wi Papa, wi kin tɛl am ɔl wetin una de du bikɔs una biliv pan Jizɔs, ɛn wi kin tɛl am aw una de wok traŋa wan bikɔs una lɛk Jizɔs Krays, ɛn aw una abop pan Masta Jizɔs Krays gud gud wan.

Lɛta Fɔ Galeshya 5:22

Bɔt Gɔd in Spirit go mek pipul lɛk dɛn kɔmpin, i go mek dɛn gladi, i go mek dɛn nɔ de mek plaba, i go mek dɛn ebul bia trɔbul, ɛn i go mek dɛn de ɛp dɛn kɔmpin mɔtalman, i go mek dɛn de du gud to ɔda pipul, i go mek dɛn tru to dɛn kɔmpin,

Lɛta Fɔ Rom 8:28

Wi no se ɛnitin we mit wi, Gɔd de mek i bi fɔ wi yon gud, wi we lɛk am, ɛn we i dɔn kɔl fɔ du wetin i bin dɔn plan.

Lɛta Fɔ Rom 5:5

We wi no se dɛn tin ya go bi, wi no se wi nɔ go disapɔynt, bikɔs Gɔd dɔn du plɛnti tin ɛn i stil de du plɛnti tin we sho se i lɛk wi bad, ɛn in Spirit we i gi wi dɔn mek wi fil di lɛk we i lɛk wi insay wi at.

Di Sam Dɛm 40:1

A wet wit peshɛnt fɔ PAPA GƆD fɔ ɛp mi; i yɛri mi ɛn kam ɛp mi.

Rɛvɛleshɔn 13:10

Ɛnibɔdi we Gɔd dɔn mak se dɛn fɔ kech, dɛn go kech am paopa; ɛnibɔdi we Gɔd dɔn mak se dɛn fɔ chuk ɛn kil, na chuk dɛn go chuk ɛn kil am. Na dat mek Gɔd in pipul dɛn fɔ tinap traŋa ɛn dɛn nɔ fɔ lɛf fɔ biliv pan Gɔd.”

Fɔs Lɛta Fɔ Tɛsalonayka 1:10

ɛn una de wet fɔ in Pikin we nem Jizɔs fɔ kɔmɔt ɛvin kam dɔŋ, in Pikin we i mek rayz frɔm di grev, ɛn we go mek Gɔd nɔ kɔndɛm mɔtalman lɛkɛ aw i bin fɔ du bikɔs i bin vɛks pan dɛn fɔ dɛn sin.

Lamɛnteshɔn 3:26

I gud lɛ pɔsin peshɛnt wet lɛ PAPA GƆD sev am.

Jɛrimaya 10:23

PAPA GƆD, a no se wetin mɔtalman de du nɔ de nainyon an, ɛn mɔtalman nɔ ebul kɔntrol inyon layf ɔ dayrɛkt in stɛp dɛm.

Pita In Sɛkɛn Lɛta 3:12

na so una fɔ de du wɛn una de wet fɔ di de we Gɔd go jɔj di wɔl, una fɔ du ɔl wetin una ebul fɔ mek da de de kam kwik, bikɔs da de de, di klawd go bɔn na faya ɛn ɔl wetin de na di klawd go mɛlt.

Rɛvɛleshɔn 1:9

Mi we de rayt dis buk na Jɔn, una brɔda, we wi ɔl de fala Jizɔs. Wi ɔl tinap traŋa pan ɔl di sɔfa we wi de sɔfa bikɔs wi tek Jizɔs Krays fɔ wi Kiŋ. Dɛn bin kɛr mi go lɛf mi na wan ples we dɛn kɔl Patmɔs we de midul wata, bikɔs a bin de tɛl pipul di mɛsej we Gɔd sɛn, we Jizɔs insɛf se na tru.