Sɛkɛn Lɛta Fɔ Tɛsalonayka 3:3 - Krio Fɔs Oli Baybul

³ Bɔt di Masta na pɔsin we nɔ go lɛf una, i go mek una tinap traŋa ɛn i nɔ go mek ɛni bad tin mit una.

Sɛkɛn Lɛta Fɔ Tɛsalonayka 3:3 Referans Kwoze

Sɛkɛn Lɛta To Timoti 4:18

If ɛni bad tin mit mi di Masta go pul mi kɔmɔt pan am, i nɔ go mek natin du mi ɛn i go kɛr mi go na ɛvin we i de rul lɛkɛ Kiŋ. Mek wi prez am ɛn ɔna am sote go! Emɛn.

Fɔs Lɛta Fɔ Tɛsalonayka 5:24

Gɔd we kɔl una fɔ bi in yon pipul go du dat fɔ una, bikɔs i de du ɔl wetin i prɔmis.

1 Kɔrint 10:13

Ɛnitɛm we una fil fɔ du bad, una fɔ mɛmba se ɔda pipul sɛf kin fil fɔ du dɛn sem tin de. Bɔt Gɔd we de du ɛnitin we i prɔmis fɔ du, nɔ go mek una fil fɔ du ɛni bad tin we una nɔ go gɛt pawa fɔ lɛf; bɔt wɛn una fil fɔ du bad, da sem tɛm de Gɔd go mek una ebul tinap traŋa ɛn i go sho una wetin fɔ du mek una nɔ go du di bad tin we una bin want fɔ du.

Di Sam Dɛm 121:7

PAPA GƆD nɔ go mek bad mit yu i go mek shɔ se yu ɔrayt.

1 Kɔrint 1:9

Gɔd we kɔl una fɔ jɔyn an wit in Pikin, Jizɔs Krays, wi Masta, nɔ go disapɔynt ɛnibɔdi we abop pan am.

Jɔn 17:15

A nɔ de aks yu fɔ pul dɛn kɔmɔt to di ɔda pipul dɛn na wɔl, a de aks yu fɔ kip dɛn mek Setan nɔ du dɛn natin.

Jud In Lɛta 1:24

Lɛ Gɔd we ebul mek una nɔ sin ɛn we ebul mek sin nɔ de na una layf atɔl, briŋ una wit gladi na una at na di wɔndaful ples we i de. Nain na wi wangren Gɔd, we dɔn sev wi bay Jizɔs Krays, wi Masta, nain gɛt prez, pawa ɛn ɔna frɔm tɛm, naw ɛn sote go! Emɛn.

Matyu 6:13

Mek wi nɔ lɛf fɔ biliv pan yu ɛnitɛm we Setan tray wi; nɔ mek Setan ebul wi. [Na yu de rul di wɔl, na yu gɛt pawa, ɛn na yu gɛt prez ɛn ɔna, fɔ ɛva ɛn ɛva. Emɛn.’]

Pita In Sɛkɛn Lɛta 2:9

Ɔl dis sho se di Masta de pul gud pɔsin pan waala ɛn i de pɔnish dɛn bad pɔsin te di de we i go jɔj dɛn, rich,

Di Sam Dɛm 19:13

Ɛp mi lɛ a nɔ de sin bay wilful; da tɛm de a nɔ go de du natin we gud dɔn i nɔ go bi se mi na pɔsin we de disobe yu.

Sɛkɛn Lɛta Fɔ Tɛsalonayka 2:17

kɔrej una ɛn ɛp una fɔ du ɛn tɔk ɔl wetin gud.

Lyuk 11:4

Padin wi fɔ di bad tin dɛn wi de du, bikɔs wisɛf de padin dɛn wan we de du wi bad. Mek wi nɔ lɛf fɔ biliv yu ɛnitɛm we Setan tray wi.’”

Matyu 5:37

Wɛn una se una go du sɔntin, una nɔ fɔ swɛ, ɛn wɛn una se una nɔ go du sɔntin, una nɔ fɔ swɛ. Bikɔs ɛni wɔd we una tɔk pas dat kɔmɔt to Setan.

1 Kronikuls 4:10

Jebɛz bin pre to Izrɛl dɛn Gɔd se “Duya blɛs mi, gi mi mɔ land ɛn kɔba mi mek natin bad nɔ mit mi” Ɛn PAPA GƆD bin gi am wetin i pre fɔ.

Jɛnɛsis 48:16

mek di enjɛl we dɔn pul mi pan ɔl mi trɔbul, blɛs dɛn pikin ya so! Mek pipul dɛn mɛmba mi nem, mi papa Ayzak ɛn mi grampa Ebraam dɛn nem sote go! Mek dɛn jɛnareshɔn bɔku na dis wɔl!”

Pita In Fɔs Lɛta 5:10

Bɔt di tɛm we una gɛt fɔ sɔfa nɔ lɔŋ, ɛn wɛn una dɔn sɔfa dɔn, Gɔd we lɛk una gud gud, go kɔl una fɔ mek unasɛf gɛt pan di pawa ɛn ɔna we insɛf gɛt we go de sote go, bikɔs una gɛt wanwɔd wit Krays. In we du dat, go mek ɔltin bi na una layf lɛkɛ aw i fɔ bi ɛn i go mek una biliv pan am traŋa wan, i nɔ go mek ɛnitin shek di biliv we una biliv pan am.