Sɛkɛn Lɛta Fɔ Tɛsalonayka 3:2 - Krio Fɔs Oli Baybul

² Una pre igen mek Gɔd pul wi kɔmɔt na dɛn bad bad pipul dɛn an, bikɔs nɔto ɔlman biliv di Gud Nyuz.

Sɛkɛn Lɛta Fɔ Tɛsalonayka 3:2 Referans Kwoze

Lɛta Fɔ Rom 15:31

Una pre mek dɛn pipul na Judia we nɔ biliv pan Jizɔs Krays nɔ du mi bad, ɛn mek Gɔd in pipul dɛn na Jerusɛlɛm gladi fɔ wetin a de go du fɔ dɛn.

Ditarɔnɔmi 32:20

I se in nɔ go ɛp dɛn igen ɛn i go si if dɛn go de lɛkɛ aw dɛn bin de we in bin de du fɔ dɛn, bikɔs dɛn na traŋayes pipul dɛn we nɔ de waka tret.

Lɛta Fɔ Rom 10:16

Bɔt nɔto ɔlman biliv di Gud Nyuz. Ayzaya insɛf tɔk se, “Masta, udat dɔn biliv di mɛsej frɔm we wi de tɔk am?”

Apɔsul Dɛn Wok 28:24

Sɔm pipul biliv wetin Pɔl tɔk, bɔt sɔm nɔ biliv.

Fɔs Lɛta Fɔ Tɛsalonayka 2:18

Wi bin want tɔn bak go to una. Misɛf tray plɛnti tɛm fɔ go to una, bɔt Setan nɔ gri gi wi chans fɔ go.

Apɔsul Dɛn Wok 14:2

Bɔt dɛn Ju pipul we nɔ bin gri fɔ biliv pan Jizɔs put wɔd na dɛn pipul we nɔto bin Ju dɛn yes ɛn dɛn du di Kristiɛn dɛn bad.

Apɔsul Dɛn Wok 13:50

Bɔt di Ju pipul dɛn put wɔd na di bigman na di tɔŋ dɛn yes, dɔn dɛn put wɔd na dɛn big uman we nɔto bin Ju we fred Gɔd, dɛnsɛf yes. So dɛn du Pɔl ɛn Banabas bad bad tin dɛn ɛn drɛb dɛn kɔmɔt na di tɔŋ.

Apɔsul Dɛn Wok 13:45

Wɛn di Ju pipul dɛn si ɔl di pipul dɛn na di Ju mitin os, dɛn jɛlɔs Pɔl ɛn Banabas. Dɛn se na lay Pɔl de lay ɛn dɛn tɔk bad bɔt am.

Lyuk 18:8

A de tɛl una se, i nɔ go te, Gɔd go tek in pipul dɛn kes ɛn fɛt fɔ dɛn! Pan ɔl dat, wɛn Mɔtalman Pikin go kam bak, a wɔnda if i go mit pipul na di wɔl we biliv pan am!”

Matyu 23:23

“I go bad fɔ una dɛn Faresi ɛn dɛn Ju Lɔ ticha; una na ipokrit! Una de gi wan pat pan tɛn pat pan ɔltin we una gɛt, ivin dɛn smɔl tin lɛkɛ siminji, jinja ɛn patmɛnji; bɔt una nɔ de gri du di rayt tin we di Lɔ se una fɔ du. Tin lɛkɛ dɛn wan ya so: fɔ du di rayt tin to pipul, fɔ sɔri fɔ pipul ɛn fɔ tru to pipul, na ɔl dɛn tin ya una bin fɔ de du wit di ɔda tin dɛn we una de du.

Matyu 17:17

Jizɔs se, “Una dɛn tide pipul ya nɔ biliv mi ɛn una traŋayes. Aw lɔŋ a go de wit una? Aw lɔŋ a fɔ bia wit una? Briŋ di pikin kam to mi.”

Sɛkɛn Lɛta To Timoti 4:17

Bɔt di Masta bin de wit mi ɛn i gi mi pawa, we mek a ebul tɛl pipul ɔl di mɛsej, mek ɔl dɛn wan we nɔto Ju, yɛri; ɛn i mek a nɔ go insay layɔn mɔt.

1 Kɔrint 15:32

If na Ɛfisɔs ya a dɔn fɛt wit dɛn pipul we tan lɛkɛ wayl bif na bush fɔ satisfay misɛf nɔmɔ, wetin a go gen? If Gɔd nɔ de mek dɛn wan we dɔn day rayz frɔm dɛn grev, “Mek wi it ɛn drink ɛn ɛnjɔy wisɛf naw, bikɔs wi go day jisnɔ,” lɛkɛ aw dɛn kin se.

Apɔsul Dɛn Wok 17:5

Bɔt di Ju pipul dɛn bin vɛks we plɛnti pipul jɔyn wit Pɔl ɛn Saylas, so dɛn gɛda dɛn trit pipul fɔ mek nɔys. Di Ju pipul dɛn ɛn di trit pipul dɛn kɔnfyus di tɔŋ ɛn dɛn ston Jesɔn in os. Dɛn bin de fɛn Pɔl ɛn Saylas fɔ mek dɛn kam bifo di pipul dɛn na trit.

Apɔsul Dɛn Wok 25:27

Bikɔs i nɔ go fayn fɔ mek a sɛn jelman go to di kiŋ na Rom if a nɔ ebul tɛl am wetin di jelman du.”