Sɛkɛn Lɛta Fɔ Tɛsalonayka 3:16 - Krio Fɔs Oli Baybul

¹⁶ Mek di Masta insɛf, we de mek wi gɛt kol at, gi una kol at ɔltɛm pan ɔltin. Mek i de wit una ɔl.

Sɛkɛn Lɛta Fɔ Tɛsalonayka 3:16 Referans Kwoze

Di Sam Dɛm 29:11

PAPA GƆD de gi trɛnk to in pipul; lɛ PAPA GƆD blɛs in pipul ɛn gi dɛn ɔl wetin dɛn want fɔ ɛnjɔy layf.

Jɔn 16:33

A de tɛl una ɔl dɛn tin ya so dat una we gɛt wanwɔd wit mi go gɛt kol at. Mɔtalman go mek una sɔfa, bɔt una nɔ fred! A dɔn win di wɔl!”

Jɔn 14:27

“A nɔ de gi una di kayn kol at we di pipul dɛn ɛn di tin dɛn na dis wɔl ya de gi, bɔt a de gi una mi yon kol at. A nɔ de gi mi yon kol at lɛkɛ aw di pipul dɛn na wɔl de gi kol at. Una nɔ ɛŋ at fɔ ɛnitin, una nɔ mek ɛnitin wɔri una.

Matyu 1:23

“Wan yɔŋ uman we nɔ no bɔt man yet go gɛt bɛlɛ ɛn i go bɔn bɔy pikin, dɛn go gi di pikin nem Imanyuɛl” (Imanyuɛl min se, Gɔd de wit wi).

Lɛta Fɔ Rom 15:33

Mek Gɔd, we de gi kol at, de wit una ɔl! Emɛn.

Lɛta Fɔ Rom 16:20

I nɔ go te igen Gɔd we de gi kol at, go pwɛl Setan in pawa ɛn put am ɔnda una. Mek wi Masta Jizɔs Krays sho una aw i gud.

Di Jɔj Dɛm 6:24

So Gidiɔn bil wan ɔlta de fɔ PAPA GƆD ɛn kɔl am, PAPA GƆD na pis. I de te tide na Ofrɔ we blant di Abieza famili.

Lyuk 2:14

“Lɛ ɔlman prez ɛn ɔna Gɔd we de ɔp ɔp na ɛvin, mek ɔl mɔtalman we mek Gɔd gladi, gɛt kol at!”

Fɔs Lɛta Fɔ Tɛsalonayka 5:23

Mek Gɔd we de gi wi kol at mek una tan lɛkɛ insɛf, ɛn mek i kip una spirit, layf, ɛn bɔdi klin so dat wɛn wi Masta Jizɔs Krays kam bak, i nɔ go gɛt ɛnitin fɔ jɔj una fɔ.

Sɛkɛn Lɛta To Timoti 4:22

Mek di Masta de wit yu spirit ɔltɛm. Mek Gɔd sho una ɔl aw i gud.

Lɛta Fɔ Rom 1:7

So a de rayt to una ɔl na Rom we Gɔd lɛk ɛn we i dɔn kɔl fɔ bi in yon pipul. Mek Gɔd we na wi Papa ɛn Masta Jizɔs Krays sho una aw i gud ɛn gi una kol at.

Matyu 28:20

Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

Zɛkaraya 6:13

I se i go bil PAPA GƆD in os ɛn ɔl wetin i de du go tan lɛk wetin kiŋ de du, dɔn nain go bi kiŋ fɔ rul in pipul. I go gɛt fɔ gɛt man we de mek sakrifays fɔ pipul sin nia am ɛn dɛn ɔltu go wok wit wanwɔd.

Di Nɔmba Dɛm 6:26

Mek PAPA GƆD in an de pan una ɔltɛm ɛn gi una kolat.”

Faylimɔn 1:25

A de pre mek di Masta Jizɔs Krays sho una aw i gud.

Ayzaya 8:10

Una ɛŋed o, bɔt i nɔ go min natin; una tɔk wetin una fil, na fɔ natin, bikɔs PAPA GƆD de wit wi.

1 Samiɛl 17:37

Devid se, PAPA GƆD we mek di layɔn ɛn di bia nɔ kil am go mɔs mek di Filistin nɔ kil am. Sɔl tɛl Devid lɛ i go fɛt di fɛt. I pre mek PAPA GƆD de wit am.

Ruth 2:4

I te lilibit nain Boaz kɔmɔt Bɛtliɛm, ɛn we i de tɛl in wokman dɛn adu, i pre mek PAPA GƆD blɛs dɛm. Dɛnsɛf pre mek PAPA GƆD blɛs am.

Di Ibru Pipul Dɛn 13:20

Gɔd we de gi mɔtalman kol at, dɔn mek wi Masta Jizɔs rayz frɔm di grev wit layf ɛn mek i bi di shɛpad we pas ɔl fɔ de wach wi we nain pipul dɛn. Na Jizɔs in blɔd dɔn mek di agrimɛnt, we Gɔd mek wit wi, go de sote go.

Di Ibru Pipul Dɛn 7:2

Da tɛm de, Ebraam bin sheb ɔl wetin i siz na di wa, tɛn pat, ɛn i gi Mɛlkizidɛk wan pat. Mɛlkizidɛk min, “Kiŋ we de du wetin rayt;” ɛn dɛn de kɔl am, “Kiŋ we de briŋ kol at,” bikɔs Selɛm, di ples we i bin de rul, min “Kol at.”

2 Kɔrint 13:11

Mi brɔda dɛn, na di wɔd dat o! Una fɔ tray fɔ de du wetin rayt ɔltɛm; una fɔ lisin wɛn a de tɔk to una fɔ mek una de du gud, una fɔ gɛt wanwɔd wit una kɔmpin, ɛn una nɔ fɔ de mek plaba. So Gɔd we lɛk ɔlman ɛn we de gi kol at go de wit una.

1 Kɔrint 14:33

bikɔs Gɔd nɔ want mek wi we i kɔl fɔ du in wok, kɔnfyus pan ɛnitin we wi de du. I want mek ɔltin waka fayn. Lɛkɛ aw i de bi na ɔl dɛn chɔch,

Ayzaya 66:12

Bikɔs na di PAPA GƆD se; “A de tɛl una, a go mek prɔspɛriti go to am lɛk riva, ɛn di neshɔn dɛn jɛntri go to am lɛk riva we de ova flo; ɛn una go sɔk, ɛn i go tot una nain fut ɛn mek una dans nain ni.

Ayzaya 54:10

Di mawnten dɛn kin skata ɛn di il dɛn kin brok, Bɔt di lɛk we a lɛk una we nɔ de chenj, nɔ go dɔn, ɛn mi Kɔvinant fɔ kɔl at, nɔbɔdi nɔ go pul am kɔmɔt, na so PAPA GƆD we de sɔri fɔ una, se.

Ayzaya 45:7

A mek layt ɛn daknɛs, A mek gladi gladi ɛn waala, na Mi na PAPA GƆD, we de du ɔl dɛn tin ya.

Ayzaya 26:12

PAPA GƆD, yu go mek wi gɛt pis, yu dɔn wok ɔl wi wok fɔ we.

Di Sam Dɛm 72:7

We di Kiŋ de rul, lɛ di land ful wit yu gudnɛs ɛn lɛ di pipul gɛt kol at te di mun lɛf fɔ shayn;

Di Sam Dɛm 72:3

Mek di wanol land bɛtɛ, ɛn mek di pipul avɛst bɔku ɛn lɛ ɔl dis bi bikɔs di pipul na di land de du tin tret wan.

Di Sam Dɛm 46:11

PAPA GƆD, we na wi ami kɔmanda de wit wi di PAPA GƆD we wi papa Jekɔb bin de wɔship nain na wi sikyɔriti.

Sɛkɛn Lɛta Fɔ Tɛsalonayka 3:18

A de pre mek wi Masta Jizɔs Krays sho una ɔl aw i gud ɛn aw i lɛk una.

Egay 2:9

I se aw PAPA GƆD in os go fayn go pas aw i bin fayn fɔs. PAPA GƆD Ɔlmayti se, i go mek shɔ se di pipul dɛn prɔspa, dɛn go ɛnjɔy gud gud tin dɛn ɛn liv wil kolat.

Di Sam Dɛm 46:7

PAPA GƆD, we na wi ami kɔmanda de wit wi di PAPA GƆD we wi papa Jekɔb bin de wɔship nain na wi sikyɔriti.

1 Samiɛl 20:13

I se wɛda i gladi wit Devid ɔ if i want fɔ du Devid bad, i mɔs sɛn tɛl Devid ɔ nɔ so mek PAPA GƆD lɛ i alaki if i nɔ lɛ Devid rɔnawe saful. I se mek PAPA GƆD de wit yu as I bin de wit mi papa.

Lɛta Fɔ Ɛfisɔs 6:23

Mi Kristiɛn brɔda dɛn, mek Gɔd we na wi Papa ɛn di Masta, Jizɔs Krays gi una ɔl kol at, ɛn mek di biliv we una biliv pan Jizɔs Krays mek una lɛk una kɔmpin.

Fɔs Lɛta Fɔ Tɛsalonayka 3:11

A de pre mek Gɔd insɛf we na wi Papa ɛn wi Masta Jizɔs opin di rod fɔ wi fɔ go to una.