Sɛkɛn Lɛta Fɔ Tɛsalonayka 3:13 - Krio Fɔs Oli Baybul

¹³ Mi Kristiɛn pipul dɛn, una nɔ taya fɔ du gud.

Sɛkɛn Lɛta Fɔ Tɛsalonayka 3:13 Referans Kwoze

Di Ibru Pipul Dɛn 12:3

Una fɔ mɛmba Jizɔs we bin bia wɛn dɛn bad pipul we nɔ bin lɛk am, mek i sɔfa, so dat una nɔ go taya fɔ biliv pan am ɛn una at nɔ go pwɛl.

2 Kɔrint 4:1

We Gɔd dɔn sɔri fɔ wi ɛn gi wi dis wok ya fɔ du, wi nɔ go gri mek ɛnitin mek wi at pwɛl.

2 Kɔrint 4:16

Na di rizin dis we mek wi nɔ de gri mek wi at pwɛl ɛn tap fɔ wok. Pan ɔl we wi bɔdi de wes, nyu layf de kam insay wi ɛvri de.

Rɛvɛleshɔn 2:3

Pan ɔl we una dɔn sɔfa plɛnti bikɔs una de fala mi, una de bia ɛn una nɔ lɛf fɔ fala mi.

Di Ibru Pipul Dɛn 12:5

So una nɔ fɔgɛt Gɔd in wɔd we i tek kɔrej una, wɛn i kɔl unain pikin dɛn. I se, “Mi pikin, wɛn di Masta pɔnish yu, nɔ tek am layt, ɛn nɔ mek yu at pwɛl wɛn i tɔk pan yu.

Fɔs Lɛta Fɔ Tɛsalonayka 4:1

Mi brɔda dɛn, bifo a dɔn wetin a de tɔk, mek a tɛl una dis las tin. Una fɔ mɛmba se wi bin dɔn sho una aw una fɔ liv fɔ mek Gɔd satisfay, ɛn na so una liv, bɔt wi de tek Masta Jizɔs in nem beg una fɔ mek una tray fɔ liv layf we bɛtɛ sɛf pas di layf we una liv naw.

Lyuk 18:1

Jizɔs pul parebul fɔ in lanin bɔy dɛn fɔ sho dɛn se dɛn fɔ de pre ɔltɛm ɛn dɛn at nɔ fɔ pwɛl.

Zɛfinaya 3:16

Da de de, dɛn go tɛl di pipul na Jerusɛlɛm se, “Una we de na Zayɔn siti, una nɔ fɔ fred! Una nɔ mek natin pwɛl una at.

Di Sam Dɛm 27:13

A biliv se; mi go ɛnjɔy PAPA GƆD in gudnɛs na ya so we a nɔ day yet.

Lɛta Fɔ Filipay 1:9

A de pre fɔ mek una lɛk Gɔd ɛn una kɔmpin mɔtalman mɔ ɛn mɔ, ɛn mek una no bɔt Gɔd mɔ ɛn mɔ, ɛn sabi mɔ ɛn mɔ wetin gud ɛn wetin bad,

Lɛta Fɔ Rom 2:7

Sɔm pipul de du gud ɔltɛm, dɛn want mek Gɔd prez dɛn, gi dɛn ɔna, ɛn layf we nɔ go dɔn. Gɔd go gi dɛn layf we go de sote go.

Malakay 1:13

I se, dɛn kin mek se dɛn taya ɛn mek fes pan am, ɛn dɛn kin gi am animal bay we dɛn tek bay fos, ɔ wan we nɔ de waka ɔ i sik as dɛn sakrifays bɔt in nɔ go tek am na dɛn an.

Ditarɔnɔmi 20:8

Mozis se we dɛn go dɔn tɔk ɔl dat dɔn, di ɔfisa dɛn go aks dɛn se if ɛnibɔdi de de we in at wik ɛn de fred, lɛ i go bak wantɛm lɛ i nɔ kam mek in kɔmpin dɛn kam bigin fred.

1 Kɔrint 15:28

Bɔt wɛn Gɔd dɔn mek Krays gɛt pawa oba ɔltin, da tɛm de Krays insɛf we na di Pikin, go put insɛf ɔnda Gɔd we bin dɔn put ɔltin ɔnda am; so Gɔd in wangren go kam de oba dɛn ɔl.

Sɛkɛn Lɛta Fɔ Tɛsalonayka 3:15

Una nɔ du am lɛkɛ aw una kin du pɔsin we nɔ lɛk una, bɔt una wɔn am lɛkɛ aw una go wɔn una kɔmpin Kristiɛn.