Sɛkɛn Lɛta Fɔ Tɛsalonayka 3:12 - Krio Fɔs Oli Baybul

¹² Wi de tek Masta Jizɔs Krays in nem tɛl dɛn pipul de se: dɛn nɔ fɔ de ambɔg, bɔt dɛn fɔ liv di rayt we, ɛn dɛn fɔ lebɔ fɔ gɛt wetin dɛn go it. Wi de beg dɛn fɔ du ɔl dɛn tin ya.

Sɛkɛn Lɛta Fɔ Tɛsalonayka 3:12 Referans Kwoze

Fɔs Lɛta Fɔ Tɛsalonayka 4:11

Una fɔ mekɔp fɔ liv kwayɛt layf, una nɔ fɔ put mɔt pan ɔda pipul biznɛs, ɛn una fɔ wok fɔ unasɛf fɔ gɛt wetin una want, jɛs lɛkɛ aw wi bin dɔn tɛl una wɛn wi bin de wit una.

Lɛta Fɔ Ɛfisɔs 4:28

Mek di pɔsin we bin de tif lɛf fɔ tif, ɛn bigin wok traŋa wan fɔ ɛp insɛf ɛn fɔ ɛp ɔda pipul we nɔ gɛt.

Sɛkɛn Lɛta Fɔ Tɛsalonayka 3:8

Wi bin mek pipul ɛp wi, bɔt wi bin de pe dɛn fɔ ɔl di it we dɛn bin de gi wi. Wi bin de wok traŋa wan; wi bin de wok de ɛn nɛt bikɔs wi nɔ bin want fɔ mek ɛni wan pan una pul mɔni fɔ ɛp wi.

Fɔs Lɛta Fɔ Tɛsalonayka 4:1

Mi brɔda dɛn, bifo a dɔn wetin a de tɔk, mek a tɛl una dis las tin. Una fɔ mɛmba se wi bin dɔn sho una aw una fɔ liv fɔ mek Gɔd satisfay, ɛn na so una liv, bɔt wi de tek Masta Jizɔs in nem beg una fɔ mek una tray fɔ liv layf we bɛtɛ sɛf pas di layf we una liv naw.

Lyuk 11:3

Gi wi wetin wi fɔ it ɛvri de.

Ɛkliziastis 4:6

Wan mɔndɔ kwayɛt layf bɛtɛ pas tu mɔndɔ yagba fɔ natin lɛk fɔ rɔnata briz.

Prɔvabs 17:1

I bɛtɛ lɛ yu it dray bred wit kolat pas fɔ de it am ɛn bekin wit dombolo.

Fɔs Lɛta To Timoti 2:2

fɔ dɛn wan we de rul ɛn ɔl dɛn bigman, so dat waala nɔ go de na wi layf, wi go gɛt kol at, wi go de waka klos Gɔd ɛn wi nɔ go du ɛnitin we go mek wi shem.