Sɛkɛn Lɛta Fɔ Tɛsalonayka 3:11 - Krio Fɔs Oli Baybul

¹¹ Wi bin tɔk dat bikɔs wi yɛri se sɔm pipul de wit una we nɔ want du natin pas fɔ put mɔt pan ɔda pipul biznɛs.

Sɛkɛn Lɛta Fɔ Tɛsalonayka 3:11 Referans Kwoze

Fɔs Lɛta To Timoti 5:13

Pantap dat, dɛn kin jɛs de go frɔm os to os aydul wan, dɛn kin de koŋosa, de bizabɔdi, ɛn tɔk bɔt tin we dɛn nɔ fɔ tɔk bɔt.

Pita In Fɔs Lɛta 4:15

If ɛni wan pan una gɛt fɔ sɔfa mek i nɔ bi se na bikɔs i kil pɔsin ɔ bikɔs i tif ɔ i du ɛni ɔda bad bad tin we dɛn jelman de du, ɔ bikɔs i go put in an pan ɔda pipul biznɛs.

Sɛkɛn Lɛta Fɔ Tɛsalonayka 3:6

Mi Kristiɛn pipul dɛn, wi de tek wi Masta Jizɔs Krays in nem tɛl una se una nɔ fɔ mek padi wit dɛn Kristiɛn we nɔ want du natin, ɛn we nɔ de du wetin wi bin dɔn tɛl dɛn fɔ du.

Fɔs Lɛta Fɔ Tɛsalonayka 4:11

Una fɔ mekɔp fɔ liv kwayɛt layf, una nɔ fɔ put mɔt pan ɔda pipul biznɛs, ɛn una fɔ wok fɔ unasɛf fɔ gɛt wetin una want, jɛs lɛkɛ aw wi bin dɔn tɛl una wɛn wi bin de wit una.

Lɛta Fɔ Ɛfisɔs 4:28

Mek di pɔsin we bin de tif lɛf fɔ tif, ɛn bigin wok traŋa wan fɔ ɛp insɛf ɛn fɔ ɛp ɔda pipul we nɔ gɛt.