Sɛkɛn Lɛta Fɔ Tɛsalonayka 3:10 - Krio Fɔs Oli Baybul

¹⁰ Wɛn wi bin de wit una, wi bin de tɛl una se, “Una nɔ fɔ gi ɛnibɔdi we nɔ gri fɔ wok, ɛnitin fɔ it.”

Sɛkɛn Lɛta Fɔ Tɛsalonayka 3:10 Referans Kwoze

Jɛnɛsis 3:19

Yu go wok traŋa wan ɛn swɛt fɔ mek ɛnitin gro na di grɔn sote yu go bak na di grɔn we yu kɔmɔt. Na dɔti a bin tek mek yu, ɛn na dɔti yu go go bak we yu day.”

Prɔvabs 20:4

Ɛni fama we nɔ plant ren sizin, nɔ go gɛt natin fɔ avɛst dray sizin.

Fɔs Lɛta Fɔ Tɛsalonayka 4:11

Una fɔ mekɔp fɔ liv kwayɛt layf, una nɔ fɔ put mɔt pan ɔda pipul biznɛs, ɛn una fɔ wok fɔ unasɛf fɔ gɛt wetin una want, jɛs lɛkɛ aw wi bin dɔn tɛl una wɛn wi bin de wit una.

Prɔvabs 13:4

Les man nɔ de gɛt ɔl wetin i want, bɔt udat de wok traŋa go gɛt wetin i want.

Prɔvabs 21:25

Da pɔsin we les go day fɔ gɛt wetin i want bikɔs i nɔ want wok;

Fɔs Lɛta Fɔ Tɛsalonayka 3:4

Di tɛm we wi bin de wit una, wi bin dɔn tɛl una se tɛm go kam we pipul go mek wi sɔfa; ɛn unasɛf no se na dat de bi naw.

Jɔn 16:4

Bɔt a dɔn tɛl una dɛn tin ya naw, so dat wɛn di tɛm rich we dɛn go du dɛn ɔl to una, una go mɛmba wetin a bin tɛl una. “A nɔ bin tɛl una ɔl dɛn tin ya wɛn a bin bigin lan una, bikɔs a bin de wit una da tɛm de.

Apɔsul Dɛn Wok 20:18

Wɛn di chɔch bigman dɛn rich Maylitɔs, i tɛl dɛn se, “Una no aw a bin de du frɔm di de we a rich Eshya.

Lyuk 24:44

Jizɔs tɛl dɛn se, “Wɛn a bin de wit una, a bin dɔn tɛl una se ɔltin we Mozis ɛn dɛn prɔfɛt bin rayt ɛn ɔl wetin dɛn rayt na di Sambuk bɔt mi, mɔs bi.”

Sɛkɛn Lɛta Fɔ Tɛsalonayka 2:5

Una nɔ mɛmba? A bin tɛl una bɔt ɔl dat di tɛm we a bin de wit una.