Sɛkɛn Lɛta Fɔ Tɛsalonayka 3:1 - Krio Fɔs Oli Baybul

¹ Mi Kristiɛn pipul dɛn, dis na di las wɔd we a de tɔk na dis lɛta, una pre fɔ wi ɔltɛm so dat di Gud Nyuz bɔt di Masta go de prɛd ɔlɔbɔt kwik kwik ɛn pipul go ɔna di Masta ɛn tɛl am tɛnki fɔ di Gud Nyuz, lɛkɛ aw i bin bi di tɛm we unasɛf yɛri di Gud Nyuz.

Sɛkɛn Lɛta Fɔ Tɛsalonayka 3:1 Referans Kwoze

Fɔs Lɛta Fɔ Tɛsalonayka 5:25

Wi brɔda dɛn, una pre fɔ wi.

Lɛta Fɔ Kɔlɔse 4:3

Ɛnitɛm we una de pre, una pre fɔ wi, so dat Gɔd go gi wi chans fɔ tɛl pipul in mɛsej bɔt Krays, we di pipul dɛn nɔ bin yɛri yet. A de na jel naw bikɔs a de tɛl pipul dis mɛsej ya.

1 Kɔrint 16:9

Chans de na ya fɔ du big wok ɛn bɛtɛ wok fɔ Gɔd, pan ɔl we plɛnti pipul de we nɔ want mek di wok go bifo.

Fɔs Lɛta Fɔ Tɛsalonayka 1:8

Di mɛsej bɔt di Masta we una tɛl pipul na Masidonia ɛn Gris nɔ tap de; ɔlman dɔn yɛri aw una biliv pan Gɔd. So nid nɔ de fɔ mek wi tɔk ɛnitin bɔt dat.

Apɔsul Dɛn Wok 19:20

Ɔl di wɔndaful tin dɛn we bi, mek di Masta in wɔd prɛd ɔlsay, ɛn mɔ ɛn mɔ pipul biliv pan Masta Jizɔs Krays.

Fɔs Lɛta Fɔ Tɛsalonayka 5:17

una fɔ de pre ɔltɛm,

Apɔsul Dɛn Wok 12:24

Di Kristiɛn dɛn go ɔlɔbɔt de tɔk Gɔd in wɔd ɛn dat mek mɔ ɛn mɔ pipul biliv pan Gɔd.

Sɛkɛn Lɛta To Timoti 2:9

A de sɔfa bikɔs a de tɛl pipul di Gud Nyuz, dɛn chen mi sɛf lɛkɛ jelman, bɔt dɛn nɔ go chen Gɔd in wɔd;

Fɔs Lɛta Fɔ Tɛsalonayka 4:1

Mi brɔda dɛn, bifo a dɔn wetin a de tɔk, mek a tɛl una dis las tin. Una fɔ mɛmba se wi bin dɔn sho una aw una fɔ liv fɔ mek Gɔd satisfay, ɛn na so una liv, bɔt wi de tek Masta Jizɔs in nem beg una fɔ mek una tray fɔ liv layf we bɛtɛ sɛf pas di layf we una liv naw.

Fɔs Lɛta Fɔ Tɛsalonayka 2:13

Di ɔda rizin we mek wi de tɛl Gɔd tɛnki ɔltɛm nain dis: wɛn wi tɛl una Gɔd in mɛsej, una lisin ɛn una biliv se nɔto mɛsej we mɔtalman briŋ, bɔt na Gɔd in wɔd ɛn na Gɔd in wɔd fɔ tru. Gɔd de wok insay una at, una we biliv pan am.

Fɔs Lɛta Fɔ Tɛsalonayka 2:1

Wi brɔda dɛn, na sɔntin bin mek wi go to una ɛn unasɛf no se wi satisfay da say de, bikɔs wi nɔ wes wi tɛm.

Fɔs Lɛta Fɔ Tɛsalonayka 1:5

Na wi fɔs tɛl una di Gud Nyuz bɔt Jizɔs Krays. Wi nɔ bin jɛs tɔk nɔmɔ, wi du wɔndaful tin dɛn wit Gɔd in Spirit pawa ɛn wi sho una se wi biliv wit ɔl wi at se di Gud Nyuz na tru. Una no di layf we wi bin liv wɛn wi bin de wit una, ɔl dat na bin fɔ ɛp una.

Lɛta Fɔ Rom 15:30

Mi kɔmpin Kristiɛn dɛn, fɔseka di biliv we wi biliv pan wi Masta Jizɔs Krays, ɛn di lɛk we Gɔd in Spirit put na wi at, a de beg una mek una pre fɔ mi wit ɔl una at lɛkɛ aw misɛf de pre fɔ misɛf.

Apɔsul Dɛn Wok 6:7

Na dat mek Gɔd in wɔd go ɔlsay ɛn mɔ ɛn mɔ pipul biliv pan Jizɔs na Jerusɛlɛm, ɛn plɛnti pan dɛn man we de mek sakrifays fɔ pipul sin gri fɔ biliv pan Jizɔs Krays.

Matyu 9:38

Na dat mek una fɔ pre to Gɔd we na di Masta fɔ sɛn mɔ pipul fɔ kam gɛda dɛn pipul ya ɛn briŋ dɛn kam to am.”

Di Sam Dɛm 138:2

A go mek shɔ se a baw usay yu os de ɛn a go prez yu fɔ di kayn lɔv we yu gɛt fɔ wi we nɔ de ɛva chenj ɛn yu de sho wi ɔltɛm se yu lɛk wi, fɔ we yu mek yusɛf ɛn wetin yu se pas ɔltin we de na wɔl.

Lyuk 10:2

Bifo di man dɛn go, Jizɔs tɛl dɛn se, “Dɛn pipul we Gɔd dɔn pik fɔ mek i rul dɛn tan lɛkɛ plɛnti, plɛnti plant dɛn we dɔn du fɔ kɔt, bɔt di wokman dɛn we fɔ gɛda dɛn fɔ kam to Gɔd, nɔ plɛnti. Una pre mek Gɔd we na di Masta sɛn mɔ pipul fɔ kam gɛda dɛn pipul we i dɔn pik fɔ rul, ɛn briŋ dɛn kam to am.”

2 Kɔrint 13:11

Mi brɔda dɛn, na di wɔd dat o! Una fɔ tray fɔ de du wetin rayt ɔltɛm; una fɔ lisin wɛn a de tɔk to una fɔ mek una de du gud, una fɔ gɛt wanwɔd wit una kɔmpin, ɛn una nɔ fɔ de mek plaba. So Gɔd we lɛk ɔlman ɛn we de gi kol at go de wit una.