Sɛkɛn Lɛta Fɔ Tɛsalonayka 2:8 - Krio Fɔs Oli Baybul

⁸ Na da tɛm de di wan we de fɛt Gɔd go sho insɛf. Bɔt wɛn Masta Jizɔs go kam, i go kil am wit di briz we de kɔmɔt nain mɔt ɛn wit di brayt layt we de rawnd am.

Sɛkɛn Lɛta Fɔ Tɛsalonayka 2:8 Referans Kwoze

Sɛkɛn Lɛta Fɔ Tɛsalonayka 2:3

Mek nɔbɔdi nɔ mek una ful. Di de we di Masta go kam bak nɔ go kam sote di tɛm we plɛnti pipul go tɔn dɛn bak pan Gɔd ɛn sote di wan we de fɛt Gɔd sho insɛf, in we Gɔd go pwɛl ɔltogɛda na ɛl.

Ayzaya 11:4

Bɔt na bay wetin rayt na PAPA GƆD in yay, i go jɔj di po man, ɛn go disayd di sem we fɔ kwayɛt pipul na wɔl, ɛn i go pɔnish di wɔl wit traŋa wɔd dɛn we i de tɔk, ɛn na di briz we de kɔmɔt nain mɔt i go tek kil wikɛd pipul.

Rɛvɛleshɔn 20:10

Dɛn tek Setan we bin de mek pipul ful, trowe am insay da wata we faya de kech ɛn sɔlfa de bɔn; na da sem ples de dɛn bin trowe da wayl bif ɛn da prɔfɛt we nɔ de tɔk tru; na de dɛn go tɔmɛnt, de ɛn nɛt, sote go.

Rɛvɛleshɔn 19:15

I bin ol wan sɔd nain mɔt, we i go tek fɛt ɛn win ɔl dɛn neshɔn we nɔ de fala am. Na ayɛn staf i go tek rul dɛn, ɛn i go mas mas dɛn greps na di say we dɛn de mas dɛn fɔ pul dɛn wata, we go sho se Gɔd, we gɛt pawa pas ɔl, vɛks bad bad wan.

Taytɔs 2:13

naw we wi de wet fɔ da tɛm we wi abop se Jizɔs Krays, we na wi wɔndaful Gɔd ɛn Seviɔ go kam wit ɔl in wɔndaful pawa.

Rɛvɛleshɔn 2:16

So una fɔ lɛf fɔ du dɛn bad tin ya, if nɔ so, i nɔ go te igen, a go kam mit una, a go tek dis sɔd we de na mi mɔt fɛt di pipul dɛn we de du dɛn bad tin ya.

Jɔn In Fɔs Lɛta 5:18

Wi no se ɛni bɔdi we de waka wit Gɔd nɔ de sin, bikɔs Gɔd in Pikin de gyad am ɛn Setan nɔ ebul am.

Di Ibru Pipul Dɛn 10:27

If ɛnibɔdi de du dɛn bad tin de, i fɔ fred, bikɔs Gɔd go jɔj am ɛn se i dɔn du bad, ɛn big big faya go kam bɔn ɔl dɛn pipul we nɔ de du wetin Gɔd tɛl dɛn fɔ du.

Sɛkɛn Lɛta To Timoti 4:8

Bikɔs a dɔn rich di say we a fɔ tap, di prayz we a wok fɔ de wet mi, na di prayz dat we ɛnibɔdi we de waka tret wit Gɔd go gɛt, di Masta we de jɔj rayt go gi mi di prayz di de we i go kam bak; ɛn nɔto mi nɔmɔ i go gi, i go gi ɔl dɛn wan we go gladi fɔ si am wɛn i kam.

Sɛkɛn Lɛta To Timoti 1:10

Gɔd dɔn sho wi di gud we i du plen wan naw, we wi Seviɔ, Jizɔs Krays dɔn kam. I dɔn pwɛl di pawa we day bin gɛt pan mɔtalman, ɛn i dɔn mek pipul no bɔt da layf we go de sote go, bay di Gud Nyuz we wi de tɛl dɛn.

Daniɛl 7:26

Bɔt di kot go sidɔm ɛn jɔj am, ɛn dɛn go tek in pawa nain an, ɛn dɛn go nyakanyaka am kpatakpata.

Job 4:9

We PAPA GƆD blo nɔmɔ, dɛn de day, ɛn we i vɛks, i de dɔnawe wit dɛn kwik.

Rɛvɛleshɔn 1:16

I bin ol sɛvin sta dɛn nain raytan; sɔd we shap tu say bin kɔmɔt nain mɔt; in fes bin de shayn lɛkɛ aw san de shayn twɛlv oklɔk santɛm.

Jɔn In Fɔs Lɛta 3:12

Wi nɔ fɔ tan lɛkɛ Ken we bin kil in brɔda; Ken bin blant Setan. Wetin du Ken kil in brɔda? Na bikɔs i bin de du dɛn tin we Gɔd nɔ want, ɛn in brɔda bin de du wetin rayt na Gɔd yay.

Jɔn In Fɔs Lɛta 2:13

Mi papa dɛn, a de rayt una bikɔs una no di wan we bin dɔn de frɔm we di wɔl bigin. Mi yɔŋ man dɛn, a de rayt una bikɔs una dɔn win Setan.

Sɛkɛn Lɛta To Timoti 4:1

A de wɔn yu siriɔs wan bifo Gɔd ɛn bifo Krays Jizɔs we go jɔj dɛn wan we nɔ day yet ɛn dɛn wan we dɔn day: bikɔs Krays gɛt fɔ kam bak na wɔl ɛn rul lɛkɛ Kiŋ, a de tɛl yu,

Fɔs Lɛta To Timoti 6:14

Yu fɔ du ɔl wetin a dɔn tɛl yu, yu nɔ fɔ miks pan sin, so dat nɔbɔdi nɔ go blem yu frɔm naw te wi Masta Jizɔs kam bak.

Matyu 13:38

Di fam na di wɔl, di gud sid na di pipul dɛn we Gɔd de rul, ɛn di gras na di pipul dɛn we Setan de rul.

Matyu 13:19

Dɛn pipul we yɛri, bɔt dɛn nɔ ɔndastand wetin a tɛl dɛn bɔt Gɔd in rul, jɛs tan lɛkɛ dɛn sid we fɔdɔm na di rod. Setan kam pul di wɔd we bin de na dɛn at.

Ozie 6:5

Dat mek i sɛn prɔfɛt dɛn fɔ tɔk se in dɔn rɛdi fɔ tek di wɔd dɛn we de kɔmɔt nain mɔt jɔj dɛn. I se natin nɔ gɛt fɔ tap in jɔjmɛnt bikɔs i tan lɛk we nɛt de fala de.

Di Sam Dɛm 18:15

We yu de tɔk, wɛn yu vɛks, yu de blo traŋa wan ɛn di vɛri grɔn we di wɔl tinap pan de shek dɔn di wata sɛf na di si de dray.

Ayzaya 30:28

di blo we i de blo tan lɛk riva we ova flo we de ay rich pɔsin nain nɛk; fɔ shifta di neshɔn dɛn wit di shifta we de distrɔy, ɛn fɔ put rop we dɛn de put na ɔs mɔt fɔ kɔntrol am, na di pipul dɛn jɔ dɛm, we go mek dɛn go astre.

Daniɛl 7:25

I go tɔk bad tin bɔt PAPA GƆD we ay pas ɔl, ɛn i go mɔna dɛn wan dɛn we biliv pan PAPA GƆD ɛn i go tink fɔ chenj aw tin tan, ɛn di lɔ; ɛn i go gɛt di pawa fɔ tri ɛn di af ia.

Daniɛl 8:25

Bay in kɔni kɔni, di tɛm we i de na pawa, i go mek pipul dɛn prɔfit pan fɔls layf, ɛn i go de tink nain maynd se in na bigman wit bɔku pawa. Di tɛm we pipul dɛn nɔ de tink am, i go kil bɔku; ɛn i go ivin fɛt di prins we ay pas ɔl di prins dɛn; bɔt i go rich in watalo we nɔto bay mɔtalman an.

Daniɛl 11:36

Di kiŋ go de du wetin in want fɔ du. I go mek prawd ɛn mek insɛf big pas ɔl dɛn gɔd, ɛn i go de tɔk strenj tin dɛn agens PAPA GƆD we ay pas ɔl dɛn gɔd. Bɛtɛ go fala am te i satisfay se in dɔn trit di pipul dɛn bad dɔn; bikɔs wetin i plan fɔ du, i mɔs du am.

Matyu 16:27

Mɔtalman Pikin go kam wit Gɔd in enjɛl dɛn ɛn i go kam wit in Papa in wɔndaful pawa; i go gi ɔlman dɛn pe fɔ wetin dɛn du.

Matyu 16:28

A de tɛl una se, sɔm pan di wan dɛn we tinap ya naw nɔ go day sote dɛn dɔn si Mɔtalman Pikin kam rul ɔl di wɔl.”

1 Kɔrint 1:28

Dɛn pipul we nɔbɔdi nɔ rɛspɛkt na dis wɔl, we dɛn nɔ de luk sɛf, ɛn we dɛn tink se nɔto ɛnibɔdi, na dɛn Gɔd pik fɔ mek dɛn wan we tink se dɛn na ɔl di go, shem.

Rɛvɛleshɔn 13:5

Dɛn bin gri fɔ mek di wayl bif tɔk ɔl kayn bad tin bɔt Gɔd ɛn tɔk dɛn tin we sho se i prawd; ɛn dɛn bin gri fɔ mek i rul fɔ fɔti-tu mɔnt.

2 Samiɛl 23:7

If ɛnibɔdi tink se i gɛt fɔ ol am, i go fɛn sɔntin lɛk ayɛn ɔ nɔ so, i go jɛs mek dɛn trowe dɛn na faya fɔ bɔn.