Sɛkɛn Lɛta Fɔ Tɛsalonayka 2:4 - Krio Fɔs Oli Baybul

⁴ Di wan we de fɛt Gɔd nɔ go tek dɛn tin ɛn dɛn spirit we pipul de pre to mek natin. I go fil se in gɛt pawa pas ɔl dɛn tin de ɛn i go sidɔm na Gɔd in Os ɛn se in na Gɔd.

Sɛkɛn Lɛta Fɔ Tɛsalonayka 2:4 Referans Kwoze

Daniɛl 7:25

I go tɔk bad tin bɔt PAPA GƆD we ay pas ɔl, ɛn i go mɔna dɛn wan dɛn we biliv pan PAPA GƆD ɛn i go tink fɔ chenj aw tin tan, ɛn di lɔ; ɛn i go gɛt di pawa fɔ tri ɛn di af ia.

Izikɛl 28:2

na dis Papa Gɔd we na Gɔd se: “Bikɔs yu prawd ɛn yu dɔn se, ‘misɛf na gɔd, a de sidɔm usay dɛn gɔd de sidɔm, midul midul di si, stil yu na natin bɔt wan mɔtalman, ɛn yu nɔto nɔn gɔd, ɔl we yu de tink se yu na gɔd–

1 Kɔrint 8:5

Ivin if tin dɛn de na ɛvin ɛn dis wɔl we pipul de kɔl “gɔd,” if dɛn gɔd ya plɛnti ɛn dɛn “masta” plɛnti,

Izikɛl 28:6

So fɔseka dat, na dis PAPA GƆD se; bikɔs yu tink yu sɛf se yu gɛt sɛns lɛk wan gɔd.

Daniɛl 11:45

Ɛn i go mek in tɛnt dɛm, we i go tap lɛk kiŋ, bitwin di si ɛn di oli mawnten we dɛn de prez pas ɔl; bɔt pan ɔl dat, i go rich in watalo ɛn nɔbɔdi nɔ go ɛp am.

Daniɛl 11:36

Di kiŋ go de du wetin in want fɔ du. I go mek prawd ɛn mek insɛf big pas ɔl dɛn gɔd, ɛn i go de tɔk strenj tin dɛn agens PAPA GƆD we ay pas ɔl dɛn gɔd. Bɛtɛ go fala am te i satisfay se in dɔn trit di pipul dɛn bad dɔn; bikɔs wetin i plan fɔ du, i mɔs du am.

Daniɛl 7:8

A bin de wach di ɔn dɛn, nain a si wan ɔda wan bɔs midul dɛn, wan smɔl wan, ɛn dɛn jɔg tri pan di fɔs ɔn dɛn kɔmɔt na dɛn rut; ɛn a si se dis ɔn ya bin gɛt yay dɛn we tan lɛk mɔtalman yon, ɛn mɔt we de tɔk impɔtant tin dɛn.

Izikɛl 28:9

Yu go stil se, ‘mi na wan gɔd,’ bifo ɔl dɛn wan dɛn we kil yu, Ivin do yu na natin bɔt wan mɔtalman, ɛn nɔto nɔn gɔd, na dɛn wan dɛn an we wund yu?

Ayzaya 31:3

Di Ijipshian dɛn na mɔtalman, dɛn nɔto Gɔd; ɛn dɛn ɔs na flɛsh ɛn blɔd, ɛn nɔto spirit. We PAPA GƆD tret in an, di wan we de ɛp go bɔkfut, ɛn di wan we dɛn ɛp go fɔdɔm, ɛn dɛn ɔl go day togɛda.

Apɔsul Dɛn Wok 17:23

We a de waka na una tɔŋ, a bin de luk na ɔl di ples dɛn we una de pre to una gɔd; na de a si wan ples we una rayt pan ston se, ‘Fɔ di gɔd we wi nɔ no’. Di gɔd we una de pre to, we una nɔ no, nain a kam tɛl una bɔt naw.