Sɛkɛn Lɛta Fɔ Tɛsalonayka 2:2 - Krio Fɔs Oli Baybul

² nɔ mek dɛn kɔnfyus una ɔ mek una wɔri if wetin una de tink nɔ rayt. Sɔntɛm pipul min se na wɛn wi de tɔk di wɔd we Gɔd tɛl wi fɔ tɔk nain wi tɔk se di de we di Masta fɔ kam dɔn kam, ɔ na wɛn wi de lan pipul bɔt Gɔd nain wi tɔk so, ɔ na lɛta a rayt dat.

Sɛkɛn Lɛta Fɔ Tɛsalonayka 2:2 Referans Kwoze

Mak 13:7

Ɛn una nɔ fɔ wɔri wɛn una yɛri bɔt wa we de klos una ɔ wɛn una yɛri bɔt wa we de fawe. Dɛn tin de mɔs bi, bɔt di wɔl nɔ go ɛnd yet!

Sɛkɛn Lɛta Fɔ Tɛsalonayka 3:17

Na mi yon an a tek rayt dis: Mi, Pɔl, de tɛl una adu. Na dis sho se na mi rayt dis lɛta; na so a kin rayt ɔl mi lɛta dɛn.

Lyuk 21:9

Una nɔ fɔ fred wɛn una yɛri bɔt wa we de klos una ɛn we de fawe ɛn wɛn una yɛri se pipul de strayk; dɛn tin ya mɔs bi, bɔt dat nɔ min se di wɔl go dɔn wantɛm.”

Fɔs Lɛta Fɔ Tɛsalonayka 4:15

Di tin we wi de kam lan una naw na tin we di Masta bin dɔn lan una. I bin se, wi we nɔ go day yet wɛn i kam bak, nɔ go rich na ɛvin bifo dɛn pipul we bin dɔn day.

1 Kɔrint 1:8

I go mek una nɔ tap fɔ biliv pan am ɛn du ɔl wetin Gɔd want so dat Gɔd nɔ go gɛt ɛnitin fɔ kɔndɛm una fɔ, di de we wi Masta Jizɔs Krays go kam.

Jɔn 14:1

Jizɔs tɛl in lanin bɔy dɛn se, “Una put una at dɔŋ, una nɔ wɔri. Una biliv pan Gɔd, ɛn una biliv pan misɛf.

Lyuk 21:19

If una bia ɛn tinap traŋa, una go gɛt tru layf.

Matyu 24:24

Bikɔs sɔm pipul go kam we go lay se dɛn na di Mɛsaya ɛn sɔm go kam we go lay se dɛn na prɔfɛt, ɛn dɛn go du plɛnti wɔndaful wok ɛn sho plɛnti sayn, so dat da we de dɛn kin mek dɛn pipul ful we Gɔd dɔn pik fɔ sev, if dɛn ebul du dat.

Mayka 2:11

Mayka se na pɔsin we de lay gi dɛn, nain dɛn want. I se if di pɔsin kam prich se dɛn go gɛt bɔku wayn ɛn rɔm fɔ drink, na da tɛm de dɛn go gladi fɔ lisin we i de tɔk.

Ayzaya 7:2

Wɛn wɔd rich Devid in os se, “Siria dɔn mek wan wɔd wit Ifrem,” in ɛn in pipul dɛn ɔl at shek lɛk aw dɛn tik na bush kin shek we briz de blo.

Rɛvɛleshɔn 19:20

Dɛn kech di wayl bif ɛn di pɔsin we bin de lay se na Gɔd in mɛsej i de tɔk, ɛn we bin de du dɛn tin we bin de mek pipul wɔnda bifo di wayl bif. Na dɛn tin de i bin de tek mek dɛn pipul ful we bin gɛt di wayl bif in mak pan dɛn ɛn we bin de pre to di tin we dɛn mek fɔ tek de mɛmba ɛn rɛspɛkt am. Dɛn trowe di wayl bif ɛn di layman layf wan insay di wata we faya de kech ɛn sɔlfa de bɔn.

Fɔs Lɛta Fɔ Tɛsalonayka 3:3

so dat una nɔn nɔ go tap fɔ biliv Krays pan ɔl we pipul de mek una sɔfa fɔseka dat. Unasɛf no se na Gɔd gri fɔ mek dɛn pipul ya mek wi sɔfa.

Lɛta Fɔ Ɛfisɔs 5:6

Mek nɔbɔdi nɔ mek una ful wit wɔd we nɔ min natin, na ɔl dɛn tin ya de mek Gɔd vɛks pan dɛn pipul we nɔ de du wetin i tɛl dɛn fɔ du.

Ayzaya 26:3

Yu de mek pɔsin we in maynd de to yu de wit kol at, bikɔs i biliv pan yu.

Sɛkɛn Lɛta Fɔ Tɛsalonayka 2:15

Wi Kristiɛn pipul dɛn, una nɔ fɔ chenj wetin una biliv, ɛn ɔltɛm una at fɔ de pan ɔl wetin wi pipul dɛn bin lan wi, ɛn we wisɛf bin lan una, wɛn wi bin de tɔk to una ɛn wɛn wi rayt una di fɔs lɛta.

Fɔs Lɛta Fɔ Tɛsalonayka 5:2

bikɔs unasɛf no gud wan se di Masta go kam de we nɔbɔdi nɔ mekɔp, lɛkɛ aw tifman kin kam na nɛt.

Jɔn 14:27

“A nɔ de gi una di kayn kol at we di pipul dɛn ɛn di tin dɛn na dis wɔl ya de gi, bɔt a de gi una mi yon kol at. A nɔ de gi mi yon kol at lɛkɛ aw di pipul dɛn na wɔl de gi kol at. Una nɔ ɛŋ at fɔ ɛnitin, una nɔ mek ɛnitin wɔri una.

1 Kɔrint 7:26

Wɛn a luk di waala we de naw, a fil se i bɛtɛ fɔ mek man stil de lɛkɛ aw i bin de.

1 Kɔrint 14:32

Pɔsin we Gɔd gi di pawa fɔ tɔk in mɛsej fɔ ebul kɔntrol wetin i de tɔk,