Sɛkɛn Lɛta Fɔ Tɛsalonayka 2:13 - Krio Fɔs Oli Baybul

¹³ Mi Kristiɛn pipul dɛn we di Masta lɛk, wi fɔ tɛl Gɔd tɛnki fɔ una ɔltɛm, bikɔs frɔm we di wɔl bigin, Gɔd bin dɔn pik una fɔ sev una bay we i mek in Spirit mek una bi in yon pipul dɛn ɛn bay we una put ɔl una at pan di Gud Nyuz bɔt Krays.

Sɛkɛn Lɛta Fɔ Tɛsalonayka 2:13 Referans Kwoze

Sɛkɛn Lɛta To Timoti 1:9

Gɔd nɔ sev wi ɛn kɔl wi fɔ bi in yon pipul fɔseka ɛnitin we wi dɔn du, bɔt na fɔseka wetin in bin dɔn mekɔp fɔ du bifo di wɔl bigin ɛn bikɔs i gud. Na tru Jizɔs Krays i mek wi no di gud we i du.

Fɔs Lɛta Fɔ Tɛsalonayka 5:9

Gɔd nɔ pik wi fɔ mek wi sɔfa di de we i go jɔj wi, i pik wi so dat i go sev wi; na wi Masta Jizɔs Krays du dat.

Fɔs Lɛta Fɔ Tɛsalonayka 1:4

Wi brɔda dɛn, wi no se Gɔd lɛk una ɛn i dɔn pik una so dat una go bi in yon pipul.

Sɛkɛn Lɛta Fɔ Tɛsalonayka 1:3

Mi Kristiɛn pipul dɛn, wi de tɛl Gɔd tɛnki ɔltɛm fɔ una. Wetin wi de du so na di rayt tin, bikɔs una de biliv pan Krays mɔ ɛn mɔ ɛn una de lɛk una kɔmpin dɛn mɔ ɛn mɔ.

Lɛta Fɔ Rom 9:11

Gɔd tɛl Ribɛka se, “Yu big pikin go wok fɔ di smɔl wan.” Gɔd tɔk dat fɔ sho se di pikin we i pik na di wan we insɛf want, bikɔs Gɔd bin dɔn tɔk dis wɔd ya bifo di pikin dɛn bɔn, ɛn bifo dɛn gɛt chans fɔ du gud ɔ bad. So di pikin we Gɔd pik na di wan we insɛf bin dɔn kɔl, nɔto fɔseka ɛnitin we in du ɔ we di ɔda wan du.

Apɔsul Dɛn Wok 13:48

Wɛn dɛn pipul we nɔto Ju yɛri dat, dɛn gladi ɛn dɛn prez di Masta fɔ wetin i tɛl dɛn. Dɛn pipul we Gɔd bin dɔn pik fɔ gɛt layf sote go, biliv pan Jizɔs Krays.

Daniɛl 9:23

Di tɛm we yu bin bigin beg PAPA GƆD, wɔd bin kɔmɔt, ɛn a kam fɔ tɛl yu wetin dɛn se, bikɔs ɔlman lɛk yu; so, tink bɔt wetin a go tɛl yu ɛn ɔndastand di vishɔn.

Izikɛl 16:8

“Wɛn a bin pas nia una ɔda tɛm, ɛn luk una, a si se una dɔn du fɔ mek lɔv, so a kɔba una wit mi skat ɛn kɔba una nekɛdnɛs; yɛs, a bin prɔmis fɔ mared una ɛn a mek Kɔvinant wit una, ɛn una kam blant mi, na so Papa Gɔd we na Gɔd se.

Ayzaya 46:10

we frɔm di biginin a dɔn anawns di ɛndin ɛn frɔm lɔntɛm, di tin we nɔ bi yet, we de tɔk se, ‘na Mi disishɔn go tinap, ɛn a go du ɔl wetin a mek ɔp,’

Jɔn In Fɔs Lɛta 4:10

Wetin na lɛk? Nain dis: Nɔto fɔ se wi lɛk Gɔd, bɔt in lɛk wi ɛn i sɛn in Pikin kam na wɔl fɔ sakrifays insɛf fɔ wi mek i go padin wi sin dɛn.

Sɛkɛn Lɛta Fɔ Tɛsalonayka 2:12

Ɛn na dat mek Gɔd go kɔndɛm dɛn pipul we gladi fɔ de sin ɛn we nɔ biliv di tru wɔd bɔt wi Masta Jizɔs.

Lɛta Fɔ Ɛfisɔs 2:8

Nɔto una sev unasɛf, bɔt na bikɔs una biliv pan Jizɔs Krays mek, we Gɔd lɛk una wit lɛk we una nɔ fit fɔ gɛt, i sev una.

Jɛrimaya 31:3

PAPA GƆD apia to am frɔm fawe. A lɔv yu wit da lɔv we de sote go; fɔseka dat a kɔntinyu fɔ waka tret wit una.

Ditarɔnɔmi 33:12

I tɔk bɔt di Bɛnjamin fambul dɛn se, dɛn na di fambul dɛn we PAPA GƆD lɛk pas ɔl; PAPA GƆD de kɔba dɛn ɔltɛm mek natin nɔ du dɛn, ɛn na wit dɛn i tap.

Jɔn In Fɔs Lɛta 4:19

Wi lɛk Gɔd ɛn wi kɔmpin bikɔs na Gɔd fɔs lɛk wi.

Jems 1:18

Gɔd mek in wɔd we tru gi wi dis nyu layf lɛkɛ aw i want, so dat wi kin pas ɔl dɛn ɔda pipul we i mek we wi dɔn bi in yon pikin dɛn.

Sɛkɛn Lɛta Fɔ Tɛsalonayka 2:16

Wi de pre mek wi Masta Jizɔs Krays insɛf, ɛn Gɔd we na wi Papa, we lɛk wi ɛn mek wi gɛt kɔrej ɔltɛm bikɔs i gud ɛn mek wi ebul bia wet fɔ wetin gud,

Lɛta Fɔ Kɔlɔse 1:5

Di fɔs tɛm we dɛn tɛl una di Gud Nyuz we na tru, una no se Gɔd kip gud tin fɔ una na ɛvin; ɛn we una de wet fɔ da gud tin de we una no fɔ shɔ se una go gɛt, dat mek una biliv pan Krays mɔ ɛn lɛk Gɔd in pipul dɛn.

Lɛta Fɔ Galeshya 3:1

Una dɛn pipul we kɔmɔt Galeshya, una nɔ gɛt sɛns! Udat de wich una mek una nɔ ebul no wetin una de du? A bin dɔn tɛl una plen wan aw pipul bin kil Jizɔs Krays na di krɔs.

Apɔsul Dɛn Wok 15:9

Gɔd sho se wi ɛn dɛn na di sem ɛn bikɔs dɛn biliv, i pul bad kɔmɔt na dɛn at.

Daniɛl 10:11

Nain i tɛl mi se, “Daniɛl, man we dɛn lɛk pasmak, lisin wetin a de tɛl yu. Tinap tret, bikɔs dɛn sɛn mi to yu.” Di tɛm we i bin de tɔk to mi, a tinap de trimbul.

Prɔvabs 8:23

I dɔn te we a de, na mi fɔs de bifo di wɔl bigin.

2 Samiɛl 12:25

ɛn bikɔs PAPA GƆD bin lɛk am, i sɛn wɔd to Nethan se dɛn fɔ gi am nem Jɛdidaya.

Di Ibru Pipul Dɛn 1:10

Gɔd tɔk igen se, “Masta, da tɛm we natin nɔ bin de yet, na yusɛf mek di wɔl ɛn na yu yon an yu tek mek ɔltin we de na di klawd.

Sɛkɛn Lɛta To Timoti 3:15

ɛn yu fɔ mɛmba se frɔm we yu smɔl, yu dɔn no dɛn tin we rayt na Gɔd in Buk we de mek yu no se yu fɔ biliv pan Jizɔs fɔ mek yu sev.

Sɛkɛn Lɛta To Timoti 2:15

Tray gud mek Gɔd satisfay wit yu, bikɔs i si se yu na wokman we nɔ de shem fɔ du in wok ɛn yu de lan pipul di tru wɔd bɔt Gɔd, aw yu fɔ lan dɛn.

Sɛkɛn Lɛta Fɔ Tɛsalonayka 2:10

ɛn i go du ɔl kayn bad tin we go mek dɛn pipul we go go ɛl, ful. Dɛn go go ɛl, bikɔs dɛn nɔ bin gri fɔ yɛri di tru wɔd ɛn dɛn nɔ bin lɛk di tru wɔd bɔt wi Masta Jizɔs we bin go mek Gɔd sev dɛn.

Lɛta Fɔ Rom 8:33

Udat go se Gɔd in pipul dɛn du bad? Gɔd insɛf dɔn mek ɔltin rayt bitwin in ɛn dɛn.

Lɛta Fɔ Rom 6:17

Wi fɔ tɛl Gɔd tɛnki, bikɔs fɔs tɛm una na bin slev ɔnda sin, bɔt naw una dɔn tay una at fɔ du ɔl dɛn tru tin we dɛn bin lan una bɔt Gɔd.

Jɔn 14:6

Jizɔs se, “Mi na di rod we fɔ pas go to Gɔd, na mi de tɛl pipul wetin tru bɔt Gɔd, na mi de gi pipul di tru layf; nɔbɔdi nɔ go kam to mi Papa pas di pɔsin pas tru mi.”

Jɔn 1:1

Bifo Gɔd mek di wɔl, di wan we dɛn kɔl di Wɔd bin dɔn de, i bin de wit Gɔd, in ɛn Gɔd na wan.

Lyuk 1:75

wi go bi Gɔd in pipul dɛn ɛn wi go waka tret bifo am ɔl di tɛm we wi de na dis wɔl.

Daniɛl 10:19

Nain i tɛl mi se, ‘Yu mɔtalman we dɛn lɛk pasmak, nɔ fred, lɛ yu gɛt kol at; gɛt maynd ɛn gɛt ay kɔrej.” Wɛn i dɔn tɔk to mi dɔn, a bin gɛt trɛnk bak. Nain a se, “Lɛ mi masta tɔk bikɔs yu dɔn gi mi trɛnk.”

Lɛta Fɔ Kɔlɔse 3:12

Una na Gɔd yon pipul; we i lɛk una, i pik una fɔ bi in yon pipul. Dat fɔ mek una gɛt sɔri at fɔ una kɔmpin, una fɔ de du gud to una kɔmpin, una nɔ fɔ tink se una bɛtɛ pas ɔda pipul, una nɔ fɔ dil wit ɔda pipul traŋa wan, ɛn una fɔ de bia wit pipul.

Jɛnɛsis 1:1

Wɛn PAPA GƆD bigin mek di wanol wɔl

1 Kɔrint 1:21

Gɔd yus in sɛns fɔ mek mɔtalman nɔ ebul fɛn am wit in yon sɛns. Bɔt i mekɔp fɔ tek di prich we wi de prich bɔt di day we Jizɔs day na di krɔs we tan lɛkɛ nɔnsɛns, fɔ sev dɛn wan we biliv pan Jizɔs.

Fɔs Lɛta Fɔ Tɛsalonayka 2:12

Wi kin tɔk to una mek una at nɔ pwɛl, ɛn wi kin tɛl una ɔltɛm fɔ liv di kayn layf we go mek Gɔd satisfay wit una, bikɔs Gɔd kɔl una fɔ bi in yon pipul we i de rul ɛn fɔ gɛt pan di ɔna we i gɛt.

Fɔs Lɛta Fɔ Tɛsalonayka 4:7

Gɔd nɔ kɔl wi fɔ mek wi liv fri layf, wi nain yon pipul so wi fɔ liv di kayn layf we go sho se wi nain yon pipul.