Sɛkɛn Lɛta Fɔ Tɛsalonayka 2:10 - Krio Fɔs Oli Baybul

¹⁰ ɛn i go du ɔl kayn bad tin we go mek dɛn pipul we go go ɛl, ful. Dɛn go go ɛl, bikɔs dɛn nɔ bin gri fɔ yɛri di tru wɔd ɛn dɛn nɔ bin lɛk di tru wɔd bɔt wi Masta Jizɔs we bin go mek Gɔd sev dɛn.

Sɛkɛn Lɛta Fɔ Tɛsalonayka 2:10 Referans Kwoze

1 Kɔrint 1:18

Di tɔk we wi de tɔk bɔt di day we Krays day na di krɔs na nɔnsɛns to dɛn pipul we nɔ go sev, bɔt dat na Gɔd in yon pawa fɔ wi we i de sev.

Prɔvabs 1:7

If yu want fɔ gɛt sɛns na layf, di fɔs tin we yu fɔ du na fɔ biliv PAPA GƆD ɛn fred am; fulman nɔ de tek advays ɛn kɔrɛkshɔn.

Pita In Sɛkɛn Lɛta 2:12

Bɔt dɛn ticha ya de tɔk bad bɔt tin we dɛn nɔ sabi natin bɔt, ɛn laf dɛn; dɛn jɛs tan lɛkɛ wayl bif na bush we nɔ de tink, dɛn jɛs de du ɛnitin we dɛn ed gi dɛn fɔ du; so jɛs lɛkɛ aw dɛn wayl bif de bɔn kam na wɔl fɔ mek pipul kech dɛn, ɛn kil dɛn, na so pipul go kil dɛn ticha ya,

1 Kɔrint 16:22

Ɛnibɔdi we nɔ lɛk di Masta, kɔs de pan am. Wi Masta de kam!

Lɛta Fɔ Rom 16:18

Dɛn pipul we de du dɛn kayn tin ya nɔ de du wi Masta Jizɔs Krays in wok, dɛn de wok fɔ satisfay dɛnsɛf nɔmɔ. Dɛn gɛt swit mɔt ɛn dɛn kin tɔk fayn fayn fɔ kɔnfyus dɛn pipul we nɔ no wetin tru.

2 Kɔrint 11:15

So una nɔ fɔ wɔnda if Setan in savant dɛn de mek lɛkɛ se dɛn na Gɔd in tru savant dɛn. Wɛn dɛn yon tɛm dɔn na dis wɔl, dɛn go gɛt di pe fɔ di tin dɛn we dɛn de du.

Prɔvabs 8:17

A lɛk dɛn wan we lɛk mi, udat de luk fɔ mi go si mi.

Fɔs Lɛta To Timoti 2:4

Gɔd want mek ɔlman sev ɛn mek dɛn no wetin tru.

Lɛta Fɔ Ɛfisɔs 4:14

Da tɛm de wi nɔ go liv lɛkɛ pikin we kin chenj wetin dɛn biliv wɛn dɛn yɛri nyu tin, ɔ wɛn pɔsin mek dɛn ful.

2 Kɔrint 2:17

Wi nɔ tan lɛkɛ plɛnti pipul we de tɛl ɔda pipul Gɔd in mɛsej fɔ mek mɔni, bɔt bikɔs na Gɔd sɛn wi, wi de tɔk tret wɔd bifo am wit Krays in pawa.

2 Kɔrint 2:15

Wi tan lɛkɛ swit smɛl we de kɔmɔt pan insɛns we Krays de gi Gɔd; dɛn wan we Gɔd de sev ɛn dɛn wan we de go ɛl, dɛn ɔl de smɛl am.

Lɛta Fɔ Rom 10:1

Mi kɔmpin Kristiɛn dɛn, a de pre wit ɔl mi at mek Gɔd go sev mi Ju pipul dɛn. A want mek Gɔd sev dɛn bad bad.

Lɛta Fɔ Rom 6:17

Wi fɔ tɛl Gɔd tɛnki, bikɔs fɔs tɛm una na bin slev ɔnda sin, bɔt naw una dɔn tay una at fɔ du ɔl dɛn tru tin we dɛn bin lan una bɔt Gɔd.

Jɔn 5:34

Nɔto fɔ se a nɔ de abop pan wetin ɔda pɔsin de tɔk bɔt mi, we na tru, a jɛs tɛl una se wetin Jɔn tɔk bɔt mi na tru, fɔ mek Gɔd sev una.

Jɔn 3:17

Gɔd nɔ sɛn in Pikin kam na wɔl fɔ kam jɔj mɔtalman, i sɛn am kam fɔ kam sev ɔlman.

Pita In Sɛkɛn Lɛta 2:18

Dɛn de bost bost we nɔ min natin ɛn dɛn liv fri layf; na dat dɛn de tek drɔ dɛn pipul we jɛs bigin lɛf dɛn bad we fɔ mek dɛn fala dɛn, fɔ bigin liv bad layf bak.

Di Ibru Pipul Dɛn 3:13

Bɔt una fɔ de kɔrej una kɔmpin dɛn ɔltɛm, so dat sin nɔ go mek ɛni wan pan una ful ɛn mek una traŋayes. Na dat una fɔ de du ɛvri de, wans nɔmɔ “Tide” na tide.

Fɔs Lɛta Fɔ Tɛsalonayka 2:16

Dɛn tray fɔ tap wi mek wi nɔ tɛl dɛn pipul we nɔto Ju aw Gɔd go sev dɛn. Dɛn bin dɔn de sin plɛnti tɛm, ɛn dɛn nɔ bin tap fɔ sin, bɔt naw Gɔd dɔn vɛks pan dɛn ɛn i dɔn kɔndɛm dɛn.

2 Kɔrint 11:13

Dɛn apɔsul de nɔto tru apɔsul; na lay dɛn de lay bɔt dɛn wok, dɛn jɛs de mek lɛkɛ se dɛn na Krays in tru apɔsul dɛn.

Matyu 13:11

Jizɔs ansa dɛn se, “Gɔd dɔn gi una di chans fɔ no di sikrit tin we ɔda pipul nɔ no bɔt in rul.

Sɛkɛn Lɛta Fɔ Tɛsalonayka 2:12

Ɛn na dat mek Gɔd go kɔndɛm dɛn pipul we gladi fɔ de sin ɛn we nɔ biliv di tru wɔd bɔt wi Masta Jizɔs.

Sɛkɛn Lɛta Fɔ Tɛsalonayka 2:13

Mi Kristiɛn pipul dɛn we di Masta lɛk, wi fɔ tɛl Gɔd tɛnki fɔ una ɔltɛm, bikɔs frɔm we di wɔl bigin, Gɔd bin dɔn pik una fɔ sev una bay we i mek in Spirit mek una bi in yon pipul dɛn ɛn bay we una put ɔl una at pan di Gud Nyuz bɔt Krays.