Biblia Todo Logo
Bib sou entènèt

- Piblisite -




Sɛkɛn Lɛta Fɔ Tɛsalonayka 1:9 - Krio Fɔs Oli Baybul

9 Gɔd go mek dɛn sɔfa; i go pɔnish dɛn, i go pwɛl dɛn ɔltogɛda. I nɔ go mek dɛn kam na di say we di Masta de, ɛn dɛn nɔ go si aw di Masta wɔndaful,

Gade chapit la Kopi




Sɛkɛn Lɛta Fɔ Tɛsalonayka 1:9
38 Referans Kwoze  

“Di Kiŋ go tɛl di wan dɛn nain lɛfan se, ‘Una kɔmɔt to mi, Gɔd dɔn kɔndɛm una, una go na da faya we de sote go, Gɔd bin dɔn rɛdi da faya de fɔ Setan ɛn in enjɛl dɛn.


Na da tɛm de di wan we de fɛt Gɔd go sho insɛf. Bɔt wɛn Masta Jizɔs go kam, i go kil am wit di briz we de kɔmɔt nain mɔt ɛn wit di brayt layt we de rawnd am.


Dɛn Jizɔs se, “A go mek dɛn pipul ya go say we dɛn go pɔnish sote go, bɔt di wan dɛn we du wetin Gɔd want dɛn fɔ du go go na di say we dɛn go gɛt layf sote go.”


Bɔt as fɔ dɛn pipul we dɛn maynd wik, dɛn wan we nɔ biliv Gɔd in mɛsej, dɛn wan we de du dɛn dɔti dɔti tin, dɛn wan we de kil dɛn kɔmpin, dɛn wan we liv fri layf, dɛn wan we de wich, dɛn wan we de fala mɛrɛsin, dɛn wan we de lay, ɔl dɛn pipul we de du dɛn kayn tin ya, dɛn go trowe dɛn ɔl insay da wata we faya de kech ɛn sɔlfa de bɔn. Na di sɛkɛn day dat.”


fɔ rɔn go insay dɛn big kev na dɛn big big ston, ɛn dɛn ol na dɛn mawnten in ɛj, fɔ ayd pan di bad bad tin we PAPA GƆD go du ɛn pan di wɔnda pan in pawa, we i go grap fɔ mek di wɔl fred am.


Bɔt dɛn pipul ya go go na ɛl, bikɔs dɛn tek ɔl wetin dɛn want fɔ dɛnsɛf tɔn dɛn to dɛn yon gɔd; ɛn dɛn tin we fɔ mek dɛn shem, nain dɛn de gladi fɔ. Dɛn put ɔl dɛn at pan dɛn tin we de na dis wɔl.


Mɔtalman Pikin go kam wit Gɔd in enjɛl dɛn ɛn i go kam wit in Papa in wɔndaful pawa; i go gi ɔlman dɛn pe fɔ wetin dɛn du.


Da tɛm de a go tɛl dɛn se, ‘A nɔ no una, una kɔmɔt klos mi, una we dɔn du bad.’


Dɛn sɔmbɔdi tek day ɛn di ples we dɛn dayman de, ib dɛn na da wata we faya de kech. (Di tɔmɛnt we pɔsin go tɔmɛnt sote go na di wata we faya de kech, nain na di sɛkɛn day.)


Bɔt Gɔd in wɔd we bin mek ɔl di wɔl we de naw, kip am fɔ mek i bɔn na faya di de we Gɔd go jɔj dɛn pipul we kin de du dɛn tin we i nɔ lɛk ɛn mek dɛn go na ɛl.


Di masta go se, ‘A de tɛl una se a nɔ no usay una kɔmɔt, una go, una kɔmɔt to mi; a nɔ no una, una dɛn wikɛd pipul ya!’


“Ɛn dɛn go kɔmɔt go, go luk di man dɛn we tɔn dɛn bak pan mi dɛn dedebɔdi dɛm; bikɔs dɛn tumbu nɔ go day, dɛn faya nɔ go ɔt. Nɔbɔdi nɔ go gladi fɔ si dɛm.


mɔtalman dɛn go go insay di kev dɛn na dɛn big big ston ɛn di ol dɛn na grɔn, fɔ ayd pan di bad bad tin we PAPA GƆD go du, ɛn pan di wɔnda pan in pawa, we i go grap fɔ mek di wɔl fred am.


Go insay di big ston dɛn, ɛn ayd ɔnda di dɔti pan di bad tin we PAPA GƆD go du, ɛn pan di wɔnda pan in pawa.


Di kiŋ tɛl in bɔy dɛn se, ‘Una tay dis man in an ɛn fut, ɛn trowe am na da dak ples we i go kray bita wan ɛn bɛt in tɔŋ!’”


Bɔku pan di wan dɛn we dɔn day go wek. Sɔm go gɛt layf sote go ɛn sɔm go gɛt shem ɛn disgres sote go.


Di sina dɛn na Zayɔn de fred; dɛn wan we no Gɔd, dɔn bigin trimbul; “Udat pan wi ebul tap wit faya we de kil pipul? Udat pan wi ebul tap wi faya we de bɔn sote go?”


So Ken kɔmɔt go tap fa frɔm PAPA GƆD na wan kɔntri we nem “Nɔd” we min “Wirɔn” we de na di ist pat we yu kɔmɔt Idɛn.


Da ivin tɛm de dɛn yɛri we PAPA GƆD de waka na di fam, so dɛn go ayd pan am midul dɛn tik dɛn.


Wɛn dat pas, na de a si wan big wayt chia we kiŋ kin sidɔm fɔ rul ɛn di pɔsin we sidɔm pan am. Ɛvin ɛn di wɔl jɛs lɔs bifo am; nɔbɔdi nɔ si dɛn igen.


Dɛn disgres de sho lɛkɛ frɔsh we de lɛf biɛn wɛn dɛn big swɛlin fɔdɔm na sho; dɛn tan lɛkɛ dɛn big sta we nɔ de sidɔm na wan ples na di klawd, Gɔd dɔn kip dak dak ples fɔ put dɛn pipul ya sote go.


Una fɔ no se, da pɔsin we nɔ tek in Pikin mek ɛnitin, Gɔd go mɔs pɔnish am traŋa wan; da pɔsin de de se Krays in blɔd we Gɔd tek mek agrimɛnt wit mɔtalman fɔ mek mɔtalman bi in yon, nɔ gɛt pawa; ɛn i fityay Gɔd in Spirit we briŋ blɛsin kam.


naw we wi de wet fɔ da tɛm we wi abop se Jizɔs Krays, we na wi wɔndaful Gɔd ɛn Seviɔ go kam wit ɔl in wɔndaful pawa.


Nɔ lɛf mi to misɛf bikɔs a sin ɛn nɔ tek di Oli Spirit kɔmɔt pan mi.


As fɔ dɛn pipul we de du dɛn dɔti tin, dɛn wich, dɛn pipul we liv fri layf dɛn pipul we de kil, dɛn wan we ol juju, ɔl dɛn pipul we de lay, ɛn dɛn wan we lɛk fɔ lay, ɔl dɛn kayn pipul ya nɔ go mas fut insay da tɔŋ de.


Dɛn kayn pipul ya jɛs tan lɛkɛ wɛl we nɔ gɛt wata ɛn lɛkɛ dak klawd we de sho se ren want kam wɛn di ples dray, bɔt big briz blo am go. Gɔd dɔn kip dak dak dak ples fɔ put dɛn.


Wɛn pipul se, “Ɔltin rayt, natin nɔ de fɔ fred,” da tɛm de kwik, kwik wan so, nain trɔbul go fɔdɔm pan dɛn. I go jɛs tan lɛkɛ we pen kin krɔs uman we wan bɔn pikin, tɛm we i nɔ mɛmba. Ɔlman go sɔfa.


Wɛn dat pas, Jizɔs mit di man insay Gɔd in Os, i se, “Luk, yu dɔn wɛl naw, so yu fɔ lɛf fɔ sin, if nɔ so, wɔs tin go bi to yu pas wetin dɔn bi.”


Mɔtalman Pikin go day lɛkɛ aw dɛn rayt bɔt am na Gɔd in Buk, bɔt i go bad fɔ di pɔsin we go sɛl Mɔtalman Pikin! I bin fɔ bɛtɛ if da pɔsin de nɔ bin bɔn!”


Dɛn ɔlman go si di sayn na di klawd we go sho se Mɔtalman Pikin de kam. Ɔlman na wɔl go kray we dɛn si Mɔtalman Pikin de kɔmɔt na klawd kam. I go kam wit pawa, ɛn brayt layt go de shayn rawnd am.


Yu dɔn sho mi aw fɔ gɛt layf we go de sote go; yu dɔn mek mi at kol, bikɔs yu de wit mi. Na yu mek a go ɛnjɔy layf sote go.


Dɛn tɛl PAPA GƆD se mek i kɔmɔt biɛn dɛn, ɛn wetin Ɔlmayti PAPA GƆD ebul du dɛn.


Dɛn kin tɛl PAPA GƆD se lɛ i lɛf dɛn aw dɛn de so, dɛn nɔ wan no bɔt am.


I se, PAPA GƆD kam dɔŋ Mawnt Saynay ɛn kɔmɔt lɛkɛ di san ɛn shayn lɛk san oba Idɔm, ɛn in layt bin de shayn kɔmɔt Mawnt Paran, tawzin tawzin enjɛl dɛn bin de wit am ɛn faya bin de kɔmɔt nain raytan.


Bɔt dɛn go nyakanyaka di rebɛl ɛn di sina dɛn togɛda, ɛn i go kil dɛn wan we tɔn dɛn bak pan Gɔd.


Swiv nou:

Piblisite


Piblisite