Sɛkɛn Lɛta Fɔ Tɛsalonayka 1:7 - Krio Fɔs Oli Baybul

⁷ ɛn i go mek una we de sɔfa naw nɔ sɔfa igen, ɛn wisɛf nɔ go sɔfa igen. Gɔd go du dat di tɛm we Masta Jizɔs go kɔmɔt na ɛvin kam ɛn in enjɛl dɛn we gɛt pawa go fala am kam,

Sɛkɛn Lɛta Fɔ Tɛsalonayka 1:7 Referans Kwoze

Rɛvɛleshɔn 14:13

Dɛn a yɛri vɔys na ɛvin de tɔk se, “Rayt wetin a de kam tɛl yu naw: Dɛn pipul we go day fɔseka di Masta, go gladi!” Di Spirit ansa se, “Na tru yu de tɔk, dɛn dɔn dɔn di big wok we dɛn bin de du so, dɛn go blo naw ɛn dɛn go gladi bikɔs dɛn dɔn si wetin di wok we dɛn bin de du, dɔn briŋ.”

Matyu 16:27

Mɔtalman Pikin go kam wit Gɔd in enjɛl dɛn ɛn i go kam wit in Papa in wɔndaful pawa; i go gi ɔlman dɛn pe fɔ wetin dɛn du.

Rɛvɛleshɔn 22:16

“Mi, Jizɔs dɔn sɛn mi enjɛl go tɛl una dɛn tin ya fɔ mek una tɛl dɛn Kristiɛn na dɛn chɔch. Mi na wan pan Devid in grampikin pikin dɛm ɛn mi na di mɔnin sta we de shayn brayt.”

Taytɔs 2:13

naw we wi de wet fɔ da tɛm we wi abop se Jizɔs Krays, we na wi wɔndaful Gɔd ɛn Seviɔ go kam wit ɔl in wɔndaful pawa.

2 Kɔrint 4:17

Di lili sɔfa we wi de sɔfa fɔ dis shɔt tɛm go mek wi gɛt blɛsin ɛn ɔna sote go, ɛn di blɛsin ɛn ɔna go pas di sɔfa we wi de sɔfa naw, fawe.

Rɛvɛleshɔn 21:4

I go mek dɛn nɔ kray igen; dɛn nɔ go day igen; ebi at ɛn waala nɔ go de igen; nɔbɔdi nɔ go kray igen, bikɔs dɛn tin we bin de fɔs nɔ go de igen.”

Lɛta Fɔ Rom 8:17

We wi na Gɔd in pikin dɛn, wi go gɛt dɛn blɛsin we Gɔd dɔn prɔmis in pipul dɛn, semwe so, wi gɛt pan wetin Gɔd bin kip fɔ Krays. If wi sɔfa lɛkɛ aw Krays sɔfa, Gɔd go mek di wɔndaful layf we Krays gɛt bi wi yon.

Lyuk 17:30

Na so i go bi di de we Mɔtalman Pikin go kam bak na wɔl.

Matyu 25:31

“Di tɛm we Mɔtalman Pikin go kam lɛkɛ Kiŋ wit ɔl Gɔd in enjɛl dɛn, i go sidɔm nain wɔndaful chia fɔ jɔj ɔlman.

Ayzaya 57:2

i go gɛt kol at; di wan dɛn we de waka tret na PAPA GƆD in yay lidɔm de blo na dɛn bed dɛn.

Rɛvɛleshɔn 22:9

Bɔt i se, “Nɔ du dat! Misɛf de wok fɔ Gɔd lɛkɛ aw yu de wok fɔ am, ɛn lɛkɛ yu kɔmpin dɛn we na prɔfɛt ɛn ɔl dɛn wan we de du dɛn tin we rayt na dis buk. Na Gɔd in fut yu fɔ fɔdɔm fɔ prez am!”

Rɛvɛleshɔn 22:6

Dɛn di enjɛl se, “Dɛn wɔd ya na tru ɛn pipul fɔ biliv dɛn. Gɔd, wi Masta, we gi di prɔfɛt dɛn pawa fɔ tɔk in mɛsej, nain sɛn in enjɛl fɔ kam sho dɛn wan we de waka wit am dɛn tin we gɛt fɔ bi, i nɔ go te igen.”

Rɛvɛleshɔn 20:11

Wɛn dat pas, na de a si wan big wayt chia we kiŋ kin sidɔm fɔ rul ɛn di pɔsin we sidɔm pan am. Ɛvin ɛn di wɔl jɛs lɔs bifo am; nɔbɔdi nɔ si dɛn igen.

Rɛvɛleshɔn 1:7

A de tɛl una se na midul klawd i go kam ɛn ɔlman go si am; dɛn pipul sɛf we bin chuk am go si am; pipul na ɔl dɛn kɔntri ɛn dɛn wan we de tɔk dɛn difrɛn difrɛn laŋwej na wɔl go sɔri bikɔs i de kam. Na so i go bi fɔ tru! Emɛn.

Pita In Fɔs Lɛta 3:22

Naw Jizɔs Krays dɔn go na ɛvin ɛn i sidɔm na Gɔd in raytan; na de i de rul oba ɔl dɛn enjɛl ɛn ɔl dɛn wan we gɛt pawa na ɛvin.

Di Ibru Pipul Dɛn 9:28

Krays insɛf day wan tɛm nɔmɔ fɔ fri pipul, mek sin nɔ go gɛt pawa oba dɛn igen. I go kam bak na wɔl di sɛkɛn tɛm, bɔt da tɛm de i nɔ de kam fɔ pul sin kɔmɔt na pipul layf, i de kam fɔ gi dɛn pipul we de wet fɔ am layf we go de sote go na ɛvin.

Di Ibru Pipul Dɛn 4:11

Na dat mek, wi fɔ tray gud gud wan fɔ go na di ples we Gɔd de ɛn sidɔm blo. Mek wi ɔl na ya go na di ples we Gɔd de rul ɛn sidɔm blo, mek nɔn nɔ lɛf we nɔ go go de bikɔs i nɔ du wetin Gɔd want lɛkɛ aw wi grampapa papa dɛn bin du we mek dɛn nɔ go de.

Di Ibru Pipul Dɛn 4:9

Wetin Gɔd tɔk sho wi se, tɛm stil de we Gɔd in pipul dɛn go blo lɛkɛ aw Gɔd blo di de we mek sɛvin.

Di Ibru Pipul Dɛn 4:1

Gɔd bin dɔn prɔmis wi se, wi go go na di ples we i de, ɛn wi go sidɔm blo. Na dat mek wi fɔ tek tɛm, so dat dɛn nɔ go tɛl ɛni wan pan wi se, i nɔ go go de.

Sɛkɛn Lɛta To Timoti 2:12

If wi nɔ lɛf fɔ bia, wi go rul wit am. If wi se wi nɔ no am, insɛf go se in nɔ no wi.

Lɛta Fɔ Kɔlɔse 1:16

Tru Krays, Gɔd mek ɔl wetin de na ɛvin ɛn dis wɔl, dɛn tin we wi de si ɛn dɛn wan we wi nɔ de si; ivin dɛn spirit sɛf we gɛt pawa ɛn we de rul. Tru Krays, Gɔd mek ɔltin we de na ɛvin ɛn dis wɔl ɛn ɔltin de fɔ ɔna Krays.

Lɛta Fɔ Ɛfisɔs 1:2

Mek Gɔd we na wi Papa ɛn Jizɔs Krays blɛs una ɛn gi una kol at.

Apɔsul Dɛn Wok 1:11

Di tu man dɛn tɛl dɛn se, “Una we kɔmɔt Galili, wetindu una de luk na di klawd? Dis sem Jizɔs ya we Gɔd tek go ɔp na ɛvin go kam bak na wɔl lɛkɛ aw una si am de go ɔp na ɛvin.”

Jɔn 1:51

Jizɔs tɛl dɛn igen se, “A de tɛl una fɔ tru se: una go si ɛvin opin, una go si Gɔd in enjɛl dɛn de kɔmɔt ɛvin kam dɔŋ to Mɔtalman Pikin ɛn go ɔp bak, dɛn go de go ɔp ɛn dɔŋ.”

Jɔn 1:3

Tru di Wɔd, Gɔd mek ɔltin; natin nɔ de na wɔl we Gɔd mek we in an nɔ de pan.

Lyuk 16:25

“Bɔt Ebraam tɛl am se, ‘Mi pikin, mɛmba se yu bin jɛntri ɛn yu ɛnjɔy yusɛf di tɛm we yu bin de na wɔl ɛn da tɛm de Lazarɔs bin po ɛn i bin de sɔfa. Bɔt naw Gɔd de blɛs Lazarɔs bɔt yu de sɔfa.

Mak 14:62

Jizɔs se, “Yɛs, mi na di Mɛsaya. Una go si Mɔtalman Pikin sidɔm na Gɔd we gɛt pawa pas ɔl, in raytan, ɛn i go rayd pan di klawd wɛn i de kam!”

Mak 8:38

If ɛnibɔdi de shem fɔ tɔk bɔt mi ɛn wetin a dɔn lan am, tɛm lɛkɛ dis we pipul nɔ biliv Gɔd ɛn dɛn wikɛd, Mɔtalman Pikin go shem fɔ da pɔsin de wɛn i kam lɛkɛ Kiŋ ɛn layt we kɔmɔt ɛvin de shayn pan am wit di enjɛl dɛn; di sem layt we de shayn pan in Papa Gɔd.”

Matyu 26:64

Jizɔs se, “Na so yu se. Bɔt a de tɛl una se frɔm naw sote go, una go si Mɔtalman Pikin sidɔm na Gɔd we gɛt pawa pas ɔl, in raytan, ɛn i go rayd pan di klawd wɛn i de kam!”

Ɛksodɔs 3:2

Na da ples de, PAPA GƆD in enjɛl apia to am na wan big faya we bin de kech pan wan smɔl tik, bɔt di tik nɔ bin de bɔn. Mozis sɔprayz fɔ si tin lɛk dat.

Ɛksodɔs 19:18

Di wanol Mawnt Saynay bin kɔba wit smok bikɔs PAPA GƆD bin kam dɔŋ lɛkɛ faya. Di smok bin de go ɔp lɛkɛ we big faya de kech ɛn dat mek di wanol mawnten shek.

Ayzaya 66:15

“Bikɔs, PAPA GƆD go kam wit faya, ɛn in chariɔt dɛn go kam lɛk tinada, fɔ pul in bad bad wamat wit vɛksteshɔn, ɛn kɔrɛkt pipul wit faya.

Izikɛl 1:13

Midul dɛn krichɔ dɛn ya we de layf layf wan, tin bin de we tan lɛk faya kol dɛn we de kech, lɛk tɔchlayt de pas pas ɔp ɛn dɔŋ bitwin dɛn krichɔ dɛn ya we gɛt layf; ɛn di faya bin brayt ɛn laytin bin de kɔmɔt pan am.

Daniɛl 7:9

As a bin de luk, nain dɛn kan put tron dɛn ɛn di wan we bin dɔn de lɔlɔntɛm, kam sidɔm; in klos bin wayt lɛk sno, ɛn in ia nain ed tan lɛk tru tru wul; na faya dɛn tek mek in tron, ɛn in wil dɛn na faya we de kech.

Matyu 16:28

A de tɛl una se, sɔm pan di wan dɛn we tinap ya naw nɔ go day sote dɛn dɔn si Mɔtalman Pikin kam rul ɔl di wɔl.”

Matyu 25:41

“Di Kiŋ go tɛl di wan dɛn nain lɛfan se, ‘Una kɔmɔt to mi, Gɔd dɔn kɔndɛm una, una go na da faya we de sote go, Gɔd bin dɔn rɛdi da faya de fɔ Setan ɛn in enjɛl dɛn.

Apɔsul Dɛn Wok 3:19

Una fɔ lɛf fɔ du bad ɛn kam to Gɔd, ɛn Gɔd go padin una fɔ ɔl una sin.

1 Kɔrint 3:13

Di kayn wok, gud ɔ bad, we ɔlman du, nɔ go ayd di de we Gɔd go jɔj ɔlman. Da de de na faya Gɔd go tek tɛst ɔlman wok fɔ si uskayn wok i bi, if na gud ɔ bad wok.

Fɔs Lɛta Fɔ Tɛsalonayka 3:13

Dat go mek di Masta gi una kɔrej so dat wɛn una go tinap bifo Gɔd we na wi Papa, di tɛm we Masta Jizɔs go kam bak wit ɔl in yon pipul dɛn, una go bi lɛkɛ aw Gɔd want una fɔ bi.

Di Ibru Pipul Dɛn 10:27

If ɛnibɔdi de du dɛn bad tin de, i fɔ fred, bikɔs Gɔd go jɔj am ɛn se i dɔn du bad, ɛn big big faya go kam bɔn ɔl dɛn pipul we nɔ de du wetin Gɔd tɛl dɛn fɔ du.

Di Ibru Pipul Dɛn 12:29

bikɔs wi Gɔd na faya we de bɔn ɔltin.

Pita In Sɛkɛn Lɛta 3:7

Bɔt Gɔd in wɔd we bin mek ɔl di wɔl we de naw, kip am fɔ mek i bɔn na faya di de we Gɔd go jɔj dɛn pipul we kin de du dɛn tin we i nɔ lɛk ɛn mek dɛn go na ɛl.

Jud In Lɛta 1:7

Na di sem tin bin bi na Sɔdɔm ɛn Gomɔra ɛn dɛn ɔda tɔŋ we bin de klos dɛn: di pipul dɛn bin de du ɔl kayn dɔti tin wit dɛn bɔdi, man bin de lɛf in wɛf go kip in kɔmpin man, uman bin de lɛf in man go kip in kɔmpin uman. Fɔ mek ɔlman si ɛn bikyaful, Gɔd put dɛn pipul ya na faya we nɔ de ɔt fɔ pɔnish dɛn.

Rɛvɛleshɔn 6:11

Dɛn gi dɛn ɔl wan wan lɔŋ wayt klos fɔ wɛr; dɛn bin tɛl dɛn fɔ wet lili bit mɔ bikɔs dɛn nɔmba nɔ bin fulɔp yet, i bin lɛf dɛn brɔda we bin stil de wok fɔ Gɔd na wɔl ɛn we di pipul dɛn na wɔl bin gɛt fɔ kil lɛkɛ aw dɛn bin kil dɛnsɛf.

Rɛvɛleshɔn 14:10

insɛf go drink Gɔd in yon wayn, dat na di pɔnish we i go pɔnish bikɔs Gɔd vɛks pan am, da pɔnishmɛnt de tan lɛkɛ bita wayn we nɔ miks wit wata we i gɛt fɔ drink. Ɔl dɛn pipul we de du dɛn tin ya go pɔnish bifo Gɔd in enjɛl dɛn ɛn Gɔd in Ship insay faya we sɔlfa de bɔn.